| Library / Tipiṭaka / ਤਿਪਿਟਕ • Tipiṭaka / ਪਰਿવਾਰਪਾਲ਼ਿ • Parivārapāḷi |
੮. ਸਮੁਚ੍ਚਯવਾਰੋ
8. Samuccayavāro
੧੮੭. ਮੇਥੁਨਂ ਧਮ੍ਮਂ ਪਟਿਸੇવਨ੍ਤੋ ਕਤਿ ਆਪਤ੍ਤਿਯੋ ਆਪਜ੍ਜਤਿ? ਮੇਥੁਨਂ ਧਮ੍ਮਂ ਪਟਿਸੇવਨ੍ਤੋ ਤਿਸ੍ਸੋ ਆਪਤ੍ਤਿਯੋ ਆਪਜ੍ਜਤਿ। ਅਕ੍ਖਾਯਿਤੇ ਸਰੀਰੇ ਮੇਥੁਨਂ ਧਮ੍ਮਂ ਪਟਿਸੇવਤਿ, ਆਪਤ੍ਤਿ ਪਾਰਾਜਿਕਸ੍ਸ; ਯੇਭੁਯ੍ਯੇਨ ਖਾਯਿਤੇ ਸਰੀਰੇ ਮੇਥੁਨਂ ਧਮ੍ਮਂ ਪਟਿਸੇવਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ; વਟ੍ਟਕਤੇ ਮੁਖੇ ਅਚ੍ਛੁਪਨ੍ਤਂ ਅਙ੍ਗਜਾਤਂ ਪવੇਸੇਤਿ, ਆਪਤ੍ਤਿ ਦੁਕ੍ਕਟਸ੍ਸ – ਮੇਥੁਨਂ ਧਮ੍ਮਂ ਪਟਿਸੇવਨ੍ਤੋ ਇਮਾ ਤਿਸ੍ਸੋ ਆਪਤ੍ਤਿਯੋ ਆਪਜ੍ਜਤਿ।
187. Methunaṃ dhammaṃ paṭisevanto kati āpattiyo āpajjati? Methunaṃ dhammaṃ paṭisevanto tisso āpattiyo āpajjati. Akkhāyite sarīre methunaṃ dhammaṃ paṭisevati, āpatti pārājikassa; yebhuyyena khāyite sarīre methunaṃ dhammaṃ paṭisevati, āpatti thullaccayassa; vaṭṭakate mukhe acchupantaṃ aṅgajātaṃ paveseti, āpatti dukkaṭassa – methunaṃ dhammaṃ paṭisevanto imā tisso āpattiyo āpajjati.
ਤਾ ਆਪਤ੍ਤਿਯੋ ਚਤੁਨ੍ਨਂ વਿਪਤ੍ਤੀਨਂ ਕਤਿ વਿਪਤ੍ਤਿਯੋ ਭਜਨ੍ਤਿ, ਸਤ੍ਤਨ੍ਨਂ ਆਪਤ੍ਤਿਕ੍ਖਨ੍ਧਾਨਂ ਕਤਿਹਿ ਆਪਤ੍ਤਿਕ੍ਖਨ੍ਧੇਹਿ ਸਙ੍ਗਹਿਤਾ, ਛਨ੍ਨਂ ਆਪਤ੍ਤਿਸਮੁਟ੍ਠਾਨਾਨਂ ਕਤਿਹਿ ਸਮੁਟ੍ਠਾਨੇਹਿ ਸਮੁਟ੍ਠਨ੍ਤਿ, ਚਤੁਨ੍ਨਂ ਅਧਿਕਰਣਾਨਂ ਕਤਮਂ ਅਧਿਕਰਣਂ, ਸਤ੍ਤਨ੍ਨਂ ਸਮਥਾਨਂ ਕਤਿਹਿ ਸਮਥੇਹਿ ਸਮ੍ਮਨ੍ਤਿ? ਤਾ ਆਪਤ੍ਤਿਯੋ ਚਤੁਨ੍ਨਂ વਿਪਤ੍ਤੀਨਂ ਦ੍વੇ વਿਪਤ੍ਤਿਯੋ ਭਜਨ੍ਤਿ – ਸਿਯਾ ਸੀਲવਿਪਤ੍ਤਿਂ, ਸਿਯਾ ਆਚਾਰવਿਪਤ੍ਤਿਂ। ਸਤ੍ਤਨ੍ਨਂ ਆਪਤ੍ਤਿਕ੍ਖਨ੍ਧਾਨਂ ਤੀਹਿ ਆਪਤ੍ਤਿਕ੍ਖਨ੍ਧੇਹਿ ਸਙ੍ਗਹਿਤਾ – ਸਿਯਾ ਪਾਰਾਜਿਕਾਪਤ੍ਤਿਕ੍ਖਨ੍ਧੇਨ, ਸਿਯਾ ਥੁਲ੍ਲਚ੍ਚਯਾਪਤ੍ਤਿਕ੍ਖਨ੍ਧੇਨ, ਸਿਯਾ ਦੁਕ੍ਕਟਾਪਤ੍ਤਿਕ੍ਖਨ੍ਧੇਨ। ਛਨ੍ਨਂ ਆਪਤ੍ਤਿਸਮੁਟ੍ਠਾਨਾਨਂ ਏਕੇਨ ਸਮੁਟ੍ਠਾਨੇਨ ਸਮੁਟ੍ਠਨ੍ਤਿ – ਕਾਯਤੋ ਚ ਚਿਤ੍ਤਤੋ ਚ ਸਮੁਟ੍ਠਨ੍ਤਿ, ਨ વਾਚਤੋ। ਚਤੁਨ੍ਨਂ ਅਧਿਕਰਣਾਨਂ, ਆਪਤ੍ਤਾਧਿਕਰਣਂ। ਸਤ੍ਤਨ੍ਨਂ ਸਮਥਾਨਂ ਤੀਹਿ ਸਮਥੇਹਿ ਸਮ੍ਮਨ੍ਤਿ – ਸਿਯਾ ਸਮ੍ਮੁਖਾવਿਨਯੇਨ ਚ ਪਟਿਞ੍ਞਾਤਕਰਣੇਨ ਚ, ਸਿਯਾ ਸਮ੍ਮੁਖਾવਿਨਯੇਨ ਚ ਤਿਣવਤ੍ਥਾਰਕੇਨ ਚ…ਪੇ॰…।
Tā āpattiyo catunnaṃ vipattīnaṃ kati vipattiyo bhajanti, sattannaṃ āpattikkhandhānaṃ katihi āpattikkhandhehi saṅgahitā, channaṃ āpattisamuṭṭhānānaṃ katihi samuṭṭhānehi samuṭṭhanti, catunnaṃ adhikaraṇānaṃ katamaṃ adhikaraṇaṃ, sattannaṃ samathānaṃ katihi samathehi sammanti? Tā āpattiyo catunnaṃ vipattīnaṃ dve vipattiyo bhajanti – siyā sīlavipattiṃ, siyā ācāravipattiṃ. Sattannaṃ āpattikkhandhānaṃ tīhi āpattikkhandhehi saṅgahitā – siyā pārājikāpattikkhandhena, siyā thullaccayāpattikkhandhena, siyā dukkaṭāpattikkhandhena. Channaṃ āpattisamuṭṭhānānaṃ ekena samuṭṭhānena samuṭṭhanti – kāyato ca cittato ca samuṭṭhanti, na vācato. Catunnaṃ adhikaraṇānaṃ, āpattādhikaraṇaṃ. Sattannaṃ samathānaṃ tīhi samathehi sammanti – siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca…pe….
ਅਨਾਦਰਿਯਂ ਪਟਿਚ੍ਚ ਉਦਕੇ ਉਚ੍ਚਾਰਂ વਾ ਪਸ੍ਸਾવਂ વਾ ਖੇਲ਼ਂ વਾ ਕਰੋਨ੍ਤੋ ਕਤਿ ਆਪਤ੍ਤਿਯੋ ਆਪਜ੍ਜਤਿ? ਅਨਾਦਰਿਯਂ ਪਟਿਚ੍ਚ ਉਦਕੇ ਉਚ੍ਚਾਰਂ વਾ ਪਸ੍ਸਾવਂ વਾ ਖੇਲ਼ਂ વਾ ਕਰੋਨ੍ਤੋ ਏਕਂ ਆਪਤ੍ਤਿਂ ਆਪਜ੍ਜਤਿ। ਦੁਕ੍ਕਟਂ – ਅਨਾਦਰਿਯਂ ਪਟਿਚ੍ਚ ਉਦਕੇ ਉਚ੍ਚਾਰਂ વਾ ਪਸ੍ਸਾવਂ વਾ ਖੇਲ਼ਂ વਾ ਕਰੋਨ੍ਤੋ ਇਮਂ ਏਕਂ ਆਪਤ੍ਤਿਂ ਆਪਜ੍ਜਤਿ।
Anādariyaṃ paṭicca udake uccāraṃ vā passāvaṃ vā kheḷaṃ vā karonto kati āpattiyo āpajjati? Anādariyaṃ paṭicca udake uccāraṃ vā passāvaṃ vā kheḷaṃ vā karonto ekaṃ āpattiṃ āpajjati. Dukkaṭaṃ – anādariyaṃ paṭicca udake uccāraṃ vā passāvaṃ vā kheḷaṃ vā karonto imaṃ ekaṃ āpattiṃ āpajjati.
ਸਾ ਆਪਤ੍ਤਿ ਚਤੁਨ੍ਨਂ વਿਪਤ੍ਤੀਨਂ ਕਤਿ વਿਪਤ੍ਤਿਯੋ ਭਜਤਿ, ਸਤ੍ਤਨ੍ਨਂ ਆਪਤ੍ਤਿਕ੍ਖਨ੍ਧਾਨਂ ਕਤਿਹਿ ਆਪਤ੍ਤਿਕ੍ਖਨ੍ਧੇਹਿ ਸਙ੍ਗਹਿਤਾ, ਛਨ੍ਨਂ ਆਪਤ੍ਤਿਸਮੁਟ੍ਠਾਨਾਨਂ ਕਤਿਹਿ ਸਮੁਟ੍ਠਾਨੇਹਿ ਸਮੁਟ੍ਠਾਤਿ, ਚਤੁਨ੍ਨਂ ਅਧਿਕਰਣਾਨਂ ਕਤਮਂ ਅਧਿਕਰਣਂ, ਸਤ੍ਤਨ੍ਨਂ, ਸਮਥਾਨਂ ਕਤਿਹਿ ਸਮਥੇਹਿ ਸਮ੍ਮਤਿ? ਸਾ ਆਪਤ੍ਤਿ ਚਤੁਨ੍ਨਂ વਿਪਤ੍ਤੀਨਂ ਏਕਂ વਿਪਤ੍ਤਿਂ ਭਜਤਿ – ਆਚਾਰવਿਪਤ੍ਤਿਂ। ਸਤ੍ਤਨ੍ਨਂ ਆਪਤ੍ਤਿਕ੍ਖਨ੍ਧਾਨਂ ਏਕੇਨ ਆਪਤ੍ਤਿਕ੍ਖਨ੍ਧੇਨ ਸਙ੍ਗਹਿਤਾ – ਦੁਕ੍ਕਟਾਪਤ੍ਤਿਕ੍ਖਨ੍ਧੇਨ। ਛਨ੍ਨਂ ਆਪਤ੍ਤਿਸਮੁਟ੍ਠਾਨਾਨਂ ਏਕੇਨ ਸਮੁਟ੍ਠਾਨੇਨ ਸਮੁਟ੍ਠਾਤਿ – ਕਾਯਤੋ ਚ ਚਿਤ੍ਤਤੋ ਚ ਸਮੁਟ੍ਠਾਤਿ, ਨ વਾਚਤੋ। ਚਤੁਨ੍ਨਂ ਅਧਿਕਰਣਾਨਂ, ਆਪਤ੍ਤਾਧਿਕਰਣਂ। ਸਤ੍ਤਨ੍ਨਂ ਸਮਥਾਨਂ ਤੀਹਿ ਸਮਥੇਹਿ ਸਮ੍ਮਤਿ – ਸਿਯਾ ਸਮ੍ਮੁਖਾવਿਨਯੇਨ ਚ ਪਟਿਞ੍ਞਾਤਕਰਣੇਨ ਚ, ਸਿਯਾ ਸਮ੍ਮੁਖਾવਿਨਯੇਨ ਚ ਤਿਣવਤ੍ਥਾਰਕੇਨ ਚ।
Sā āpatti catunnaṃ vipattīnaṃ kati vipattiyo bhajati, sattannaṃ āpattikkhandhānaṃ katihi āpattikkhandhehi saṅgahitā, channaṃ āpattisamuṭṭhānānaṃ katihi samuṭṭhānehi samuṭṭhāti, catunnaṃ adhikaraṇānaṃ katamaṃ adhikaraṇaṃ, sattannaṃ, samathānaṃ katihi samathehi sammati? Sā āpatti catunnaṃ vipattīnaṃ ekaṃ vipattiṃ bhajati – ācāravipattiṃ. Sattannaṃ āpattikkhandhānaṃ ekena āpattikkhandhena saṅgahitā – dukkaṭāpattikkhandhena. Channaṃ āpattisamuṭṭhānānaṃ ekena samuṭṭhānena samuṭṭhāti – kāyato ca cittato ca samuṭṭhāti, na vācato. Catunnaṃ adhikaraṇānaṃ, āpattādhikaraṇaṃ. Sattannaṃ samathānaṃ tīhi samathehi sammati – siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.
ਸਮੁਚ੍ਚਯવਾਰੋ ਨਿਟ੍ਠਿਤੋ ਅਟ੍ਠਮੋ।
Samuccayavāro niṭṭhito aṭṭhamo.
ਇਮੇ ਅਟ੍ਠ વਾਰਾ ਸਜ੍ਝਾਯਮਗ੍ਗੇਨ ਲਿਖਿਤਾ।
Ime aṭṭha vārā sajjhāyamaggena likhitā.
ਤਸ੍ਸੁਦ੍ਦਾਨਂ –
Tassuddānaṃ –
ਕਤ੍ਥਪਞ੍ਞਤ੍ਤਿ ਕਤਿ ਚ, વਿਪਤ੍ਤਿਸਙ੍ਗਹੇਨ ਚ।
Katthapaññatti kati ca, vipattisaṅgahena ca;
ਸਮੁਟ੍ਠਾਨਾਧਿਕਰਣਾ ਸਮਥੋ, ਸਮੁਚ੍ਚਯੇਨ ਚਾਤਿ॥
Samuṭṭhānādhikaraṇā samatho, samuccayena cāti.
