| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
самуд̣̇аяасажжанид̣̇д̣̇зсаван̣н̣анаа
Samudayasaccaniddesavaṇṇanā
34. самуд̣̇аяасажжанид̣̇д̣̇зсз яааяам̣ д̇ан̣хаад̇и яаа аяам̣ д̇ан̣хаа. бонобхавигаад̇и бунаб̣бхавагаран̣ам̣ бунобхаво, бунобхаво сийламассаад̇и бонобхавигаа. абижа бунаб̣бхавам̣ д̣̇зд̇и, бунаб̣бхавааяа сам̣вад̇д̇ад̇и, бунаббунам̣ бхавз ниб̣б̣ад̇д̇зд̇ийд̇и бонобхавигаа. саа банзсаа бунаб̣бхавасса д̣̇ааяигааби ад̇т̇и ад̣̇ааяигааби, бунаб̣бхавааяа сам̣вад̇д̇анигааби ад̇т̇и асам̣вад̇д̇анигааби, д̣̇иннааяа бадисанд̇хияаа убад̇хивзбаггамад̇д̇ааби. саа д̇иббагаарааби бонобхавигаад̇и наамам̣ лабхад̇и. бонаб̣бхавигаад̇иби баато, соязвад̇т̇о. абхинанд̣̇анасан̇каад̇зна нанд̣̇ирааг̇зна саха г̇ад̇аад̇и нанд̣̇ирааг̇асахаг̇ад̇аа. нанд̣̇ирааг̇зна сад̣̇д̇хим̣ ад̇т̇ад̇о згад̇д̇амзва г̇ад̇аад̇и вуд̇д̇ам̣ ход̇и. д̇ад̇ра д̇ад̇раабхинанд̣̇инийд̇и яад̇ра яад̇ра ад̇д̇абхааво ниб̣б̣ад̇д̇ад̇и, д̇ад̇ра д̇ад̇ра абхинанд̣̇иний. руубаад̣̇ийсу ваа аарамман̣зсу д̇ад̇ра д̇ад̇раабхинанд̣̇иний, руубаабхинанд̣̇иний сад̣̇д̣̇аг̇анд̇харасаподтаб̣б̣ад̇хаммаабхинанд̣̇инийд̇и ад̇т̇о. д̇ад̇ра д̇ад̇раабхинанд̣̇ийд̇иби баато, д̇ад̇ра д̇ад̇ра абхинанд̣̇аяад̇ийд̇и ад̇т̇о. сзяяат̇ид̣̇анд̇и нибаад̇о, д̇асса саа гад̇амаа ид̇и жзд̇и ад̇т̇о. гаамад̇ан̣хаад̇и гаамз д̇ан̣хаа, бан̃жагаамаг̇ун̣игарааг̇ассзд̇ам̣ ад̇хиважанам̣. бхавад̇ан̣хаад̇и бхавз д̇ан̣хаа. бхавабад̇т̇анаавасзна уббаннасса сассад̇ад̣̇идтисахаг̇ад̇асса рааг̇асса руубааруубабхаварааг̇асса жа жхаананиганд̇ияаа жа зд̇ам̣ ад̇хиважанам̣. вибхавад̇ан̣хаад̇и вибхавз д̇ан̣хаа. ужчзд̣̇ад̣̇идтисахаг̇ад̇арааг̇ассзд̇ам̣ ад̇хиважанам̣.
34. Samudayasaccaniddese yāyaṃ taṇhāti yā ayaṃ taṇhā. Ponobhavikāti punabbhavakaraṇaṃ punobhavo, punobhavo sīlamassāti ponobhavikā. Apica punabbhavaṃ deti, punabbhavāya saṃvattati, punappunaṃ bhave nibbattetīti ponobhavikā. Sā panesā punabbhavassa dāyikāpi atthi adāyikāpi, punabbhavāya saṃvattanikāpi atthi asaṃvattanikāpi, dinnāya paṭisandhiyā upadhivepakkamattāpi. Sā tippakārāpi ponobhavikāti nāmaṃ labhati. Ponabbhavikātipi pāṭho, soyevattho. Abhinandanasaṅkhātena nandirāgena saha gatāti nandirāgasahagatā. Nandirāgena saddhiṃ atthato ekattameva gatāti vuttaṃ hoti. Tatra tatrābhinandinīti yatra yatra attabhāvo nibbattati, tatra tatra abhinandinī. Rūpādīsu vā ārammaṇesu tatra tatrābhinandinī, rūpābhinandinī saddagandharasaphoṭṭhabbadhammābhinandinīti attho. Tatra tatrābhinandītipi pāṭho, tatra tatra abhinandayatīti attho. Seyyathidanti nipāto, tassa sā katamā iti ceti attho. Kāmataṇhāti kāme taṇhā, pañcakāmaguṇikarāgassetaṃ adhivacanaṃ. Bhavataṇhāti bhave taṇhā. Bhavapatthanāvasena uppannassa sassatadiṭṭhisahagatassa rāgassa rūpārūpabhavarāgassa ca jhānanikantiyā ca etaṃ adhivacanaṃ. Vibhavataṇhāti vibhave taṇhā. Ucchedadiṭṭhisahagatarāgassetaṃ adhivacanaṃ.
ид̣̇аани д̇ассаа д̇ан̣хааяа вад̇т̇ум̣ вид̇т̇аарад̇о д̣̇ассзд̇ум̣ саа ко банзсаад̇иаад̣̇имааха. д̇ад̇т̇а уббаж̇ж̇ад̇ийд̇и ж̇ааяад̇и. нивисад̇ийд̇и бунаббунам̣ бавад̇д̇ивасзна бад̇идтаад̇и. уббаж̇ж̇амаанаа гад̇т̇а уббаж̇ж̇ад̇и, нивисамаанаа гад̇т̇а нивисад̇ийд̇и самб̣анд̇хо. яам̣ логз бияаруубам̣ саад̇аруубанд̇и яам̣ логасмим̣ бияасабхааван̃жзва мад̇хурасабхааван̃жа. жагку логзд̇иаад̣̇ийсу логасмин̃хи жагкуаад̣̇ийсу мамад̇д̇зна абхинивидтаа сад̇д̇аа самбад̇д̇ияам̣ бад̇идтид̇аа ад̇д̇ано жагкум̣ аад̣̇аасаад̣̇ийсу нимид̇д̇аг̇г̇ахан̣аанусаарзна виббасаннам̣ бан̃жабасаад̣̇ам̣ суван̣н̣авимаанз уг̇гхаадид̇аман̣исийхабан̃ж̇арам̣ вияа ман̃н̃анд̇и, сод̇ам̣ раж̇ад̇абанаал̣игам̣ вияа бааман̇г̇асуд̇д̇агам̣ вияа жа ман̃н̃анд̇и, д̇ун̇г̇анаасаад̇и лад̣̇д̇хавохаарам̣ гхаанам̣ ваддзд̇ваа табид̇ахарид̇аалаваддим̣ вияа ман̃н̃анд̇и, ж̇ивхам̣ рад̇д̇агамб̣алабадалам̣ вияа муд̣̇усинид̣̇д̇хамад̇хурарасад̣̇ам̣ ман̃н̃анд̇и, гааяам̣ саалаладтим̣ вияа суван̣н̣ад̇оран̣ам̣ вияа жа ман̃н̃анд̇и, манам̣ ан̃н̃зсам̣ манзна асад̣̇исам̣ ул̣аарам̣ ман̃н̃анд̇и, руубам̣ суван̣н̣аган̣игаарабубпаад̣̇иван̣н̣ам̣ вияа, сад̣̇д̣̇ам̣ мад̇д̇агаравийгагогиламанд̣̇ад̇хамид̇аман̣ивам̣саниг̇гхосам̣ вияа, ад̇д̇анаа бадилад̣̇д̇хаани жад̇усамудтаанигаг̇анд̇хаарамман̣аад̣̇ийни ‘‘гассан̃н̃асса зваруубаани ад̇т̇ий’’д̇и ман̃н̃анд̇и, д̇зсам̣ звам̣ ман̃н̃амаанаанам̣ д̇аани жагкаад̣̇ийни бияаруубаани жзва саад̇аруубаани жа хонд̇и. ат̇а нзсам̣ д̇ад̇т̇а ануббаннаа жзва д̇ан̣хаа уббаж̇ж̇ад̇и , уббаннаа жа бунаббунам̣ бавад̇д̇ивасзна нивисад̇и. д̇асмаа т̇зро ‘‘жагку логз бияаруубам̣ саад̇аруубам̣, зд̇т̇зсаа д̇ан̣хаа уббаж̇ж̇амаанаа уббаж̇ж̇ад̇ий’’д̇иаад̣̇имааха. д̇ад̇т̇а уббаж̇ж̇амаанаад̇и яад̣̇аа уббаж̇ж̇ад̇и, д̇ад̣̇аа зд̇т̇а уббаж̇ж̇ад̇ийд̇и ад̇т̇о.
Idāni tassā taṇhāya vatthuṃ vitthārato dassetuṃ sā kho panesātiādimāha. Tattha uppajjatīti jāyati. Nivisatīti punappunaṃ pavattivasena patiṭṭhāti. Uppajjamānā kattha uppajjati, nivisamānā kattha nivisatīti sambandho. Yaṃ loke piyarūpaṃ sātarūpanti yaṃ lokasmiṃ piyasabhāvañceva madhurasabhāvañca. Cakkhu loketiādīsu lokasmiñhi cakkhuādīsu mamattena abhiniviṭṭhā sattā sampattiyaṃ patiṭṭhitā attano cakkhuṃ ādāsādīsu nimittaggahaṇānusārena vippasannaṃ pañcapasādaṃ suvaṇṇavimāne ugghāṭitamaṇisīhapañjaraṃ viya maññanti, sotaṃ rajatapanāḷikaṃ viya pāmaṅgasuttakaṃ viya ca maññanti, tuṅganāsāti laddhavohāraṃ ghānaṃ vaṭṭetvā ṭhapitaharitālavaṭṭiṃ viya maññanti, jivhaṃ rattakambalapaṭalaṃ viya mudusiniddhamadhurarasadaṃ maññanti, kāyaṃ sālalaṭṭhiṃ viya suvaṇṇatoraṇaṃ viya ca maññanti, manaṃ aññesaṃ manena asadisaṃ uḷāraṃ maññanti, rūpaṃ suvaṇṇakaṇikārapupphādivaṇṇaṃ viya, saddaṃ mattakaravīkakokilamandadhamitamaṇivaṃsanigghosaṃ viya, attanā paṭiladdhāni catusamuṭṭhānikagandhārammaṇādīni ‘‘kassaññassa evarūpāni atthī’’ti maññanti, tesaṃ evaṃ maññamānānaṃ tāni cakkhādīni piyarūpāni ceva sātarūpāni ca honti. Atha nesaṃ tattha anuppannā ceva taṇhā uppajjati , uppannā ca punappunaṃ pavattivasena nivisati. Tasmā thero ‘‘cakkhu loke piyarūpaṃ sātarūpaṃ, etthesā taṇhā uppajjamānā uppajjatī’’tiādimāha. Tattha uppajjamānāti yadā uppajjati, tadā ettha uppajjatīti attho.
самуд̣̇аяасажжанид̣̇д̣̇зсаван̣н̣анаа нидтид̇аа.
Samudayasaccaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 1. суд̇амаяан̃аан̣анид̣̇д̣̇зсо • 1. Sutamayañāṇaniddeso
