| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
6. самуд̣̇аяасуд̇д̇ам̣
6. Samudayasuttaṃ
131. б̣аараан̣асияам̣ вихаранд̇и исибад̇анз миг̇ад̣̇ааяз…бз… ‘‘‘авиж̇ж̇аа, авиж̇ж̇аа’д̇и, аавусо саарибуд̇д̇а, вужжад̇и. гад̇амаа ну ко, аавусо, авиж̇ж̇аа, гид̇д̇аавад̇аа жа авиж̇ж̇ааг̇ад̇о ход̇ий’’д̇и?
131. Bārāṇasiyaṃ viharanti isipatane migadāye…pe… ‘‘‘avijjā, avijjā’ti, āvuso sāriputta, vuccati. Katamā nu kho, āvuso, avijjā, kittāvatā ca avijjāgato hotī’’ti?
‘‘ид̇хаавусо, ассуд̇аваа бут̇уж̇ж̇ано руубасса самуд̣̇аяан̃жа ад̇т̇ан̇г̇аман̃жа ассаад̣̇ан̃жа аад̣̇ийнаван̃жа ниссаран̣ан̃жа яат̇аабхууд̇ам̣ наббаж̇аанаад̇и. взд̣̇анааяа…бз… сан̃н̃ааяа… сан̇каараанам̣… вин̃н̃аан̣асса самуд̣̇аяан̃жа ад̇т̇ан̇г̇аман̃жа ассаад̣̇ан̃жа аад̣̇ийнаван̃жа ниссаран̣ан̃жа яат̇аабхууд̇ам̣ наббаж̇аанаад̇и. аяам̣ вужжад̇аавусо, авиж̇ж̇аа; зд̇д̇аавад̇аа жа авиж̇ж̇ааг̇ад̇о ход̇ий’’д̇и. чадтам̣.
‘‘Idhāvuso, assutavā puthujjano rūpassa samudayañca atthaṅgamañca assādañca ādīnavañca nissaraṇañca yathābhūtaṃ nappajānāti. Vedanāya…pe… saññāya… saṅkhārānaṃ… viññāṇassa samudayañca atthaṅgamañca assādañca ādīnavañca nissaraṇañca yathābhūtaṃ nappajānāti. Ayaṃ vuccatāvuso, avijjā; ettāvatā ca avijjāgato hotī’’ti. Chaṭṭhaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1-10. самуд̣̇аяад̇хаммасуд̇д̇аад̣̇иван̣н̣анаа • 1-10. Samudayadhammasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1-10. самуд̣̇аяад̇хаммасуд̇д̇аад̣̇иван̣н̣анаа • 1-10. Samudayadhammasuttādivaṇṇanā
