| Library / Tipiṭaka / តិបិដក • Tipiṭaka / សំយុត្តនិកាយ • Saṃyuttanikāya |
២. សមុទយសុត្តំ
2. Samudayasuttaṃ
៤០៨. ‘‘ចតុន្នំ, ភិក្ខវេ, សតិបដ្ឋានានំ សមុទយញ្ច អត្ថង្គមញ្ច ទេសេស្សាមិ។ តំ សុណាថ។ កោ ច, ភិក្ខវេ, កាយស្ស សមុទយោ? អាហារសមុទយា កាយស្ស សមុទយោ; អាហារនិរោធា កាយស្ស អត្ថង្គមោ។ ផស្សសមុទយា វេទនានំ សមុទយោ; ផស្សនិរោធា វេទនានំ អត្ថង្គមោ។ នាមរូបសមុទយា ចិត្តស្ស សមុទយោ; នាមរូបនិរោធា ចិត្តស្ស អត្ថង្គមោ។ មនសិការសមុទយា ធម្មានំ សមុទយោ; មនសិការនិរោធា ធម្មានំ អត្ថង្គមោ’’តិ។ ទុតិយំ។
408. ‘‘Catunnaṃ, bhikkhave, satipaṭṭhānānaṃ samudayañca atthaṅgamañca desessāmi. Taṃ suṇātha. Ko ca, bhikkhave, kāyassa samudayo? Āhārasamudayā kāyassa samudayo; āhāranirodhā kāyassa atthaṅgamo. Phassasamudayā vedanānaṃ samudayo; phassanirodhā vedanānaṃ atthaṅgamo. Nāmarūpasamudayā cittassa samudayo; nāmarūpanirodhā cittassa atthaṅgamo. Manasikārasamudayā dhammānaṃ samudayo; manasikāranirodhā dhammānaṃ atthaṅgamo’’ti. Dutiyaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ២. សមុទយសុត្តវណ្ណនា • 2. Samudayasuttavaṇṇanā
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ២. សមុទយសុត្តវណ្ណនា • 2. Samudayasuttavaṇṇanā
