| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
6. සමුදයසුත්‌තං
6. Samudayasuttaṃ
131. බාරාණසියං විහරන්‌ති ඉසිපතනෙ මිගදායෙ…පෙ.… ‘‘‘අවිජ්‌ජා, අවිජ්‌ජා’ති, ආවුසො සාරිපුත්‌ත, වුච්‌චති. කතමා නු ඛො, ආවුසො, අවිජ්‌ජා, කිත්‌තාවතා ච අවිජ්‌ජාගතො හොතී’’ති?
131. Bārāṇasiyaṃ viharanti isipatane migadāye…pe… ‘‘‘avijjā, avijjā’ti, āvuso sāriputta, vuccati. Katamā nu kho, āvuso, avijjā, kittāvatā ca avijjāgato hotī’’ti?
‘‘ඉධාවුසො, අස්‌සුතවා පුථුජ්‌ජනො රූපස්‌ස සමුදයඤ්‌ච අත්‌ථඞ්‌ගමඤ්‌ච අස්‌සාදඤ්‌ච ආදීනවඤ්‌ච නිස්‌සරණඤ්‌ච යථාභූතං නප්‌පජානාති. වෙදනාය…පෙ.… සඤ්‌ඤාය… සඞ්‌ඛාරානං… විඤ්‌ඤාණස්‌ස සමුදයඤ්‌ච අත්‌ථඞ්‌ගමඤ්‌ච අස්‌සාදඤ්‌ච ආදීනවඤ්‌ච නිස්‌සරණඤ්‌ච යථාභූතං නප්‌පජානාති. අයං වුච්‌චතාවුසො, අවිජ්‌ජා; එත්‌තාවතා ච අවිජ්‌ජාගතො හොතී’’ති. ඡට්‌ඨං.
‘‘Idhāvuso, assutavā puthujjano rūpassa samudayañca atthaṅgamañca assādañca ādīnavañca nissaraṇañca yathābhūtaṃ nappajānāti. Vedanāya…pe… saññāya… saṅkhārānaṃ… viññāṇassa samudayañca atthaṅgamañca assādañca ādīnavañca nissaraṇañca yathābhūtaṃ nappajānāti. Ayaṃ vuccatāvuso, avijjā; ettāvatā ca avijjāgato hotī’’ti. Chaṭṭhaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 1-10. සමුදයධම්‌මසුත්‌තාදිවණ්‌ණනා • 1-10. Samudayadhammasuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 1-10. සමුදයධම්‌මසුත්‌තාදිවණ්‌ණනා • 1-10. Samudayadhammasuttādivaṇṇanā
