| Library / Tipiṭaka / തിപിടക • Tipiṭaka / സംയുത്തനികായ • Saṃyuttanikāya |
൨. സമുദയസുത്തം
2. Samudayasuttaṃ
൪൦൮. ‘‘ചതുന്നം, ഭിക്ഖവേ, സതിപട്ഠാനാനം സമുദയഞ്ച അത്ഥങ്ഗമഞ്ച ദേസേസ്സാമി. തം സുണാഥ. കോ ച, ഭിക്ഖവേ, കായസ്സ സമുദയോ? ആഹാരസമുദയാ കായസ്സ സമുദയോ; ആഹാരനിരോധാ കായസ്സ അത്ഥങ്ഗമോ. ഫസ്സസമുദയാ വേദനാനം സമുദയോ; ഫസ്സനിരോധാ വേദനാനം അത്ഥങ്ഗമോ. നാമരൂപസമുദയാ ചിത്തസ്സ സമുദയോ; നാമരൂപനിരോധാ ചിത്തസ്സ അത്ഥങ്ഗമോ. മനസികാരസമുദയാ ധമ്മാനം സമുദയോ; മനസികാരനിരോധാ ധമ്മാനം അത്ഥങ്ഗമോ’’തി. ദുതിയം.
408. ‘‘Catunnaṃ, bhikkhave, satipaṭṭhānānaṃ samudayañca atthaṅgamañca desessāmi. Taṃ suṇātha. Ko ca, bhikkhave, kāyassa samudayo? Āhārasamudayā kāyassa samudayo; āhāranirodhā kāyassa atthaṅgamo. Phassasamudayā vedanānaṃ samudayo; phassanirodhā vedanānaṃ atthaṅgamo. Nāmarūpasamudayā cittassa samudayo; nāmarūpanirodhā cittassa atthaṅgamo. Manasikārasamudayā dhammānaṃ samudayo; manasikāranirodhā dhammānaṃ atthaṅgamo’’ti. Dutiyaṃ.
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൨. സമുദയസുത്തവണ്ണനാ • 2. Samudayasuttavaṇṇanā
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൨. സമുദയസുത്തവണ്ണനാ • 2. Samudayasuttavaṇṇanā
