| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
10. самуд̣̇д̣̇агасуд̇д̇ам̣
10. Samuddakasuttaṃ
256. саавад̇т̇ияам̣. ‘‘бхууд̇абуб̣б̣ам̣, бхигкавз, самб̣ахулаа исаяо сийлаванд̇о галяаан̣ад̇хаммаа самуд̣̇д̣̇ад̇ийрз бан̣н̣агудийсу самманд̇и. д̇зна ко бана самаязна д̣̇зваасурасан̇г̇аамо самубаб̣яуул̣хо ахоси. ат̇а ко, бхигкавз, д̇зсам̣ исийнам̣ сийлаванд̇аанам̣ галяаан̣ад̇хаммаанам̣ зд̇ад̣̇ахоси – ‘д̇хаммигаа ко д̣̇зваа, ад̇хаммигаа асураа. сияааби но асурад̇о бхаяам̣. яам̣нууна маяам̣ самб̣арам̣ асуринд̣̇ам̣ убасан̇гамид̇ваа абхаяад̣̇агкин̣ам̣ яаажзяяаамаа’’’д̇и. ‘‘ат̇а ко, бхигкавз, д̇з исаяо сийлаванд̇о галяаан̣ад̇хаммаа – сзяяат̇ааби наама б̣алаваа бурисо самин̃ж̇ид̇ам̣ ваа б̣аахам̣ басаарзяяа, басаарид̇ам̣ ваа б̣аахам̣ самин̃ж̇зяяа звамзва – самуд̣̇д̣̇ад̇ийрз бан̣н̣агудийсу анд̇арахид̇аа самб̣арасса асуринд̣̇асса саммукз баад̇урахзсум̣. ат̇а ко, бхигкавз, д̇з исаяо сийлаванд̇о галяаан̣ад̇хаммаа самб̣арам̣ асуринд̣̇ам̣ г̇аат̇ааяа аж̇жхабхаасим̣су –
256. Sāvatthiyaṃ. ‘‘Bhūtapubbaṃ, bhikkhave, sambahulā isayo sīlavanto kalyāṇadhammā samuddatīre paṇṇakuṭīsu sammanti. Tena kho pana samayena devāsurasaṅgāmo samupabyūḷho ahosi. Atha kho, bhikkhave, tesaṃ isīnaṃ sīlavantānaṃ kalyāṇadhammānaṃ etadahosi – ‘dhammikā kho devā, adhammikā asurā. Siyāpi no asurato bhayaṃ. Yaṃnūna mayaṃ sambaraṃ asurindaṃ upasaṅkamitvā abhayadakkhiṇaṃ yāceyyāmā’’’ti. ‘‘Atha kho, bhikkhave, te isayo sīlavanto kalyāṇadhammā – seyyathāpi nāma balavā puriso samiñjitaṃ vā bāhaṃ pasāreyya, pasāritaṃ vā bāhaṃ samiñjeyya evameva – samuddatīre paṇṇakuṭīsu antarahitā sambarassa asurindassa sammukhe pāturahesuṃ. Atha kho, bhikkhave, te isayo sīlavanto kalyāṇadhammā sambaraṃ asurindaṃ gāthāya ajjhabhāsiṃsu –
‘‘исаяо самб̣арам̣ бад̇д̇аа, яаажанд̇и абхаяад̣̇агкин̣ам̣;
‘‘Isayo sambaraṃ pattā, yācanti abhayadakkhiṇaṃ;
гаамам̣гаро хи д̇з д̣̇аад̇ум̣, бхаяасса абхаяасса ваа’’д̇и.
Kāmaṃkaro hi te dātuṃ, bhayassa abhayassa vā’’ti.
‘‘исийнам̣ абхаяам̣ над̇т̇и, д̣̇удтаанам̣ саггасзвинам̣;
‘‘Isīnaṃ abhayaṃ natthi, duṭṭhānaṃ sakkasevinaṃ;
абхаяам̣ яаажамаанаанам̣, бхаяамзва д̣̇ад̣̇аами во’’д̇и.
Abhayaṃ yācamānānaṃ, bhayameva dadāmi vo’’ti.
‘‘абхаяам̣ яаажамаанаанам̣, бхаяамзва д̣̇ад̣̇ааси но;
‘‘Abhayaṃ yācamānānaṃ, bhayameva dadāsi no;
бадиг̇г̇ан̣хаама д̇з зд̇ам̣, агкаяам̣ ход̇у д̇з бхаяам̣.
Paṭiggaṇhāma te etaṃ, akkhayaṃ hotu te bhayaṃ.
‘‘яаад̣̇исам̣ вабад̇з б̣ийж̇ам̣, д̇аад̣̇исам̣ харад̇з палам̣;
‘‘Yādisaṃ vapate bījaṃ, tādisaṃ harate phalaṃ;
галяаан̣агаарий галяаан̣ам̣, баабагаарий жа баабагам̣;
Kalyāṇakārī kalyāṇaṃ, pāpakārī ca pāpakaṃ;
бавуд̇д̇ам̣ д̇аад̇а д̇з б̣ийж̇ам̣, палам̣ бажжанубхоссасий’’д̇и.
Pavuttaṃ tāta te bījaṃ, phalaṃ paccanubhossasī’’ti.
‘‘ат̇а ко, бхигкавз, д̇з исаяо сийлаванд̇о галяаан̣ад̇хаммаа самб̣арам̣ асуринд̣̇ам̣ абхисабид̇ваа – сзяяат̇ааби наама б̣алаваа бурисо самин̃ж̇ид̇ам̣ ваа б̣аахам̣ басаарзяяа, басаарид̇ам̣ ваа б̣аахам̣ самин̃ж̇зяяа звамзва – самб̣арасса асуринд̣̇асса саммукз анд̇арахид̇аа самуд̣̇д̣̇ад̇ийрз бан̣н̣агудийсу баад̇урахзсум̣. ат̇а ко, бхигкавз, самб̣аро асуринд̣̇о д̇зхи исийхи сийлаванд̇зхи галяаан̣ад̇хаммзхи абхисабид̇о рад̇д̇ияаа суд̣̇ам̣ д̇игкад̇д̇ум̣ уб̣б̣иж̇ж̇ий’’д̇и.
‘‘Atha kho, bhikkhave, te isayo sīlavanto kalyāṇadhammā sambaraṃ asurindaṃ abhisapitvā – seyyathāpi nāma balavā puriso samiñjitaṃ vā bāhaṃ pasāreyya, pasāritaṃ vā bāhaṃ samiñjeyya evameva – sambarassa asurindassa sammukhe antarahitā samuddatīre paṇṇakuṭīsu pāturahesuṃ. Atha kho, bhikkhave, sambaro asurindo tehi isīhi sīlavantehi kalyāṇadhammehi abhisapito rattiyā sudaṃ tikkhattuṃ ubbijjī’’ti.
батамо ваг̇г̇о.
Paṭhamo vaggo.
д̇ассуд̣̇д̣̇аанам̣ –
Tassuddānaṃ –
сувийрам̣ сусийман̃жзва, д̇хаж̇аг̇г̇ам̣ взбажид̇д̇ино;
Suvīraṃ susīmañceva, dhajaggaṃ vepacittino;
субхаасид̇ам̣ ж̇аяан̃жзва, гулаавагам̣ над̣̇уб̣бхияам̣;
Subhāsitaṃ jayañceva, kulāvakaṃ nadubbhiyaṃ;
взрожана асуринд̣̇о, исаяо аран̃н̃аган̃жзва;
Verocana asurindo, isayo araññakañceva;
исаяо жа самуд̣̇д̣̇агаад̇и.
Isayo ca samuddakāti.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 10. самуд̣̇д̣̇агасуд̇д̇аван̣н̣анаа • 10. Samuddakasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 10. самуд̣̇д̣̇агасуд̇д̇аван̣н̣анаа • 10. Samuddakasuttavaṇṇanā
