| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
১০. সমুদ্দকসুত্তৰণ্ণনা
10. Samuddakasuttavaṇṇanā
২৫৬. চক্কৰাল়মহাসমুদ্দপিট্ঠিযন্তি চক্কৰাল়পব্বতপাদসমন্তা মহাসমুদ্দতীরপিট্ঠিযং। যথেৰ সিনেরুসমীপে মহাসমুদ্দো অনুপুব্বনিন্নো অনুপুব্বপোণো অনুপুব্বপব্ভারো, এৰং যেভুয্যেন চক্কৰাল়পাদসমীপেপি। তেনাহ ‘‘রজতপট্টৰণ্ণে ৰালুকপুলিনে’’তি। ৰুত্তপ্পকারাসূতি অনন্তরসুত্তে ৰুত্তপ্পকারাসু। অস্সমপদেনাতি অস্সমপদৰেমজ্ঝেন। এৰং চিন্তযিংসূতি ‘‘যং নূন ময’’ন্তিআদিনা যথা পাল়িযং আগতং, এৰং মন্তযিংসু।
256.Cakkavāḷamahāsamuddapiṭṭhiyanti cakkavāḷapabbatapādasamantā mahāsamuddatīrapiṭṭhiyaṃ. Yatheva sinerusamīpe mahāsamuddo anupubbaninno anupubbapoṇo anupubbapabbhāro, evaṃ yebhuyyena cakkavāḷapādasamīpepi. Tenāha ‘‘rajatapaṭṭavaṇṇe vālukapuline’’ti. Vuttappakārāsūti anantarasutte vuttappakārāsu. Assamapadenāti assamapadavemajjhena. Evaṃ cintayiṃsūti ‘‘yaṃ nūna maya’’ntiādinā yathā pāḷiyaṃ āgataṃ, evaṃ mantayiṃsu.
ইচ্ছিতকরোতি যদিচ্ছিতকরণং। দুট্ঠানন্তি দুরাসযানং। তে পন দুট্ঠজ্ঝাসযা ৰিরুদ্ধা হোন্তীতি আহ ‘‘দুট্ঠানং ৰিরুদ্ধান’’ন্তি। পৰুত্তন্তি বীজং সন্ধায ৰপিতং। তেনাহ ‘‘খেত্তে পতিট্ঠাপিত’’ন্তি।
Icchitakaroti yadicchitakaraṇaṃ. Duṭṭhānanti durāsayānaṃ. Te pana duṭṭhajjhāsayā viruddhā hontīti āha ‘‘duṭṭhānaṃ viruddhāna’’nti. Pavuttanti bījaṃ sandhāya vapitaṃ. Tenāha ‘‘khette patiṭṭhāpita’’nti.
সাযমাসভত্তন্তি সাযং অসিতব্বভোজনং। যথাৰারং ভক্খিতমেতং দেৰানং ৰিয সুখুমং গুরুৰাসঞ্চ ন হোতীতি ‘‘ভত্ত’’ন্তি ৰুত্তং। গেলঞ্ঞজাতন্তি সঞ্জাতগেলঞ্ঞং। ৰেপতীতি কম্পতি পৰেধতি।
Sāyamāsabhattanti sāyaṃ asitabbabhojanaṃ. Yathāvāraṃ bhakkhitametaṃ devānaṃ viya sukhumaṃ guruvāsañca na hotīti ‘‘bhatta’’nti vuttaṃ. Gelaññajātanti sañjātagelaññaṃ. Vepatīti kampati pavedhati.
সমুদ্দকসুত্তৰণ্ণনা নিট্ঠিতা।
Samuddakasuttavaṇṇanā niṭṭhitā.
পঠমৰগ্গৰণ্ণনা নিট্ঠিতা।
Paṭhamavaggavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ১০. সমুদ্দকসুত্তং • 10. Samuddakasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ১০. সমুদ্দকসুত্তৰণ্ণনা • 10. Samuddakasuttavaṇṇanā
