| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
10. самуд̣̇д̣̇агасуд̇д̇аван̣н̣анаа
10. Samuddakasuttavaṇṇanā
256. д̣̇асамз самуд̣̇д̣̇ад̇ийрз бан̣н̣агудийсууд̇и жаггаваал̣амахаасамуд̣̇д̣̇абидтияам̣ раж̇ад̇абаддаван̣н̣з ваалугабул̣инз вуд̇д̇аббагаараасу бан̣н̣асаалаасу васанд̇и. сияааби нод̇и сияааби амхаагам̣. абхаяад̣̇агкин̣ам̣ яаажзяяаамаад̇и абхаяад̣̇аанам̣ яаажзяяаама. язбхуяязна гира д̣̇зваасурасан̇г̇аамо махаасамуд̣̇д̣̇абидтз ход̇и. асураанам̣ на саб̣б̣агаалам̣ ж̇аяо ход̇и, б̣ахуваарз барааж̇аяова ход̇и. д̇з д̣̇звзхи барааж̇ид̇аа балааяанд̇аа исийнам̣ ассамабад̣̇зна г̇ажчанд̇аа ‘‘сагго имзхи сад̣̇д̇хим̣ манд̇зд̇ваа амхз наасзд̇и, г̇ан̣хат̇а буд̇д̇ахад̇ааяа буд̇д̇з’’д̇и губид̇аа ассамабад̣̇з баанийяагхадажан̇гаманасаалаад̣̇ийни вид̣̇д̇хам̣сзнд̇и. исаяо аран̃н̃ад̇о палаапалам̣ аад̣̇ааяа ааг̇ад̇аа нам̣ д̣̇исваа буна д̣̇угкзна бадибаагад̇игам̣ гаронд̇и. д̇зби бунаббунам̣ д̇ат̇зва винаасзнд̇и. д̇асмаа ‘‘ид̣̇аани д̇зсам̣ сан̇г̇аамо бажжубадтид̇о’’д̇и суд̇ваа звам̣ жинд̇аяим̣су.
256. Dasame samuddatīre paṇṇakuṭīsūti cakkavāḷamahāsamuddapiṭṭhiyaṃ rajatapaṭṭavaṇṇe vālukapuḷine vuttappakārāsu paṇṇasālāsu vasanti. Siyāpi noti siyāpi amhākaṃ. Abhayadakkhiṇaṃ yāceyyāmāti abhayadānaṃ yāceyyāma. Yebhuyyena kira devāsurasaṅgāmo mahāsamuddapiṭṭhe hoti. Asurānaṃ na sabbakālaṃ jayo hoti, bahuvāre parājayova hoti. Te devehi parājitā palāyantā isīnaṃ assamapadena gacchantā ‘‘sakko imehi saddhiṃ mantetvā amhe nāseti, gaṇhatha puttahatāya putte’’ti kupitā assamapade pānīyaghaṭacaṅkamanasālādīni viddhaṃsenti. Isayo araññato phalāphalaṃ ādāya āgatā naṃ disvā puna dukkhena paṭipākatikaṃ karonti. Tepi punappunaṃ tatheva vināsenti. Tasmā ‘‘idāni tesaṃ saṅgāmo paccupaṭṭhito’’ti sutvā evaṃ cintayiṃsu.
гаамам̣гарод̇и ижчид̇агаро. бхаяасса абхаяасса ваад̇и бхаяам̣ ваа абхаяам̣ ваа. ид̣̇ам̣ вуд̇д̇ам̣ ход̇и – сажз д̇вам̣ абхаяам̣ д̣̇аад̇угаамо, абхаяам̣ д̣̇аад̇ум̣ бахоси. сажз бхаяам̣ д̣̇аад̇угаамо. бхаяам̣ д̣̇аад̇ум̣ бахоси. амхаагам̣ бана абхаяад̣̇аанам̣ д̣̇зхийд̇и. д̣̇удтаананд̇и вируд̣̇д̇хаанам̣. бавуд̇д̇анд̇и кзд̇д̇з бад̇идтаабид̇ам̣.
Kāmaṃkaroti icchitakaro. Bhayassa abhayassa vāti bhayaṃ vā abhayaṃ vā. Idaṃ vuttaṃ hoti – sace tvaṃ abhayaṃ dātukāmo, abhayaṃ dātuṃ pahosi. Sace bhayaṃ dātukāmo. Bhayaṃ dātuṃ pahosi. Amhākaṃ pana abhayadānaṃ dehīti. Duṭṭhānanti viruddhānaṃ. Pavuttanti khette patiṭṭhāpitaṃ.
д̇игкад̇д̇ум̣ уб̣б̣иж̇ж̇ийд̇и сааяамаасабхад̇д̇ам̣ бхун̃ж̇ид̇ваа саяанам̣ абхируяха нибанно нид̣̇д̣̇ааяа огганд̇амад̇д̇ааяа саманд̇аа тад̇ваа сад̇д̇исад̇зна бахадо вияа вираванд̇о удтахад̇и, д̣̇асаяож̇анасахассам̣ асурабхаванам̣ ‘‘гимид̣̇а’’нд̇и сан̇кобхам̣ аабаж̇ж̇ад̇и. ат̇а нам̣ ааг̇анд̇ваа ‘‘гимид̣̇а’’нд̇и бужчанд̇и. со ‘‘на гин̃жий’’д̇и вад̣̇ад̇и. д̣̇уд̇ияаяаамаад̣̇ийсуби зсзва наяо. ид̇и асураанам̣ ‘‘маа бхааяи, махаарааж̇аа’’д̇и д̇ам̣ ассаасзнд̇аанам̣язва арун̣ам̣ уг̇г̇ажчад̇и. звамасса д̇ад̇о бадтааяа г̇злан̃н̃аж̇аад̇ам̣ жид̇д̇ам̣ взбад̇и. д̇знзва жасса ‘‘взбажид̇д̇ий’’д̇и абарам̣ наамам̣ уд̣̇абаад̣̇ийд̇и. д̣̇асамам̣.
Tikkhattuṃ ubbijjīti sāyamāsabhattaṃ bhuñjitvā sayanaṃ abhiruyha nipanno niddāya okkantamattāya samantā ṭhatvā sattisatena pahaṭo viya viravanto uṭṭhahati, dasayojanasahassaṃ asurabhavanaṃ ‘‘kimida’’nti saṅkhobhaṃ āpajjati. Atha naṃ āgantvā ‘‘kimida’’nti pucchanti. So ‘‘na kiñcī’’ti vadati. Dutiyayāmādīsupi eseva nayo. Iti asurānaṃ ‘‘mā bhāyi, mahārājā’’ti taṃ assāsentānaṃyeva aruṇaṃ uggacchati. Evamassa tato paṭṭhāya gelaññajātaṃ cittaṃ vepati. Teneva cassa ‘‘vepacittī’’ti aparaṃ nāmaṃ udapādīti. Dasamaṃ.
батамо ваг̇г̇о.
Paṭhamo vaggo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 10. самуд̣̇д̣̇агасуд̇д̇ам̣ • 10. Samuddakasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 10. самуд̣̇д̣̇агасуд̇д̇аван̣н̣анаа • 10. Samuddakasuttavaṇṇanā
