| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
10. самуд̣̇д̣̇агасуд̇д̇аван̣н̣анаа
10. Samuddakasuttavaṇṇanā
256. жаггаваал̣амахаасамуд̣̇д̣̇абидтияанд̇и жаггаваал̣абаб̣б̣ад̇абаад̣̇асаманд̇аа махаасамуд̣̇д̣̇ад̇ийрабидтияам̣. яат̇зва синзрусамийбз махаасамуд̣̇д̣̇о анубуб̣б̣анинно анубуб̣б̣абон̣о анубуб̣б̣абаб̣бхааро, звам̣ язбхуяязна жаггаваал̣абаад̣̇асамийбзби. д̇знааха ‘‘раж̇ад̇абаддаван̣н̣з ваалугабулинз’’д̇и. вуд̇д̇аббагаараасууд̇и ананд̇арасуд̇д̇з вуд̇д̇аббагаараасу. ассамабад̣̇знаад̇и ассамабад̣̇авзмаж̇жхзна. звам̣ жинд̇аяим̣сууд̇и ‘‘яам̣ нууна маяа’’нд̇иаад̣̇инаа яат̇аа баал̣ияам̣ ааг̇ад̇ам̣, звам̣ манд̇аяим̣су.
256.Cakkavāḷamahāsamuddapiṭṭhiyanti cakkavāḷapabbatapādasamantā mahāsamuddatīrapiṭṭhiyaṃ. Yatheva sinerusamīpe mahāsamuddo anupubbaninno anupubbapoṇo anupubbapabbhāro, evaṃ yebhuyyena cakkavāḷapādasamīpepi. Tenāha ‘‘rajatapaṭṭavaṇṇe vālukapuline’’ti. Vuttappakārāsūti anantarasutte vuttappakārāsu. Assamapadenāti assamapadavemajjhena. Evaṃ cintayiṃsūti ‘‘yaṃ nūna maya’’ntiādinā yathā pāḷiyaṃ āgataṃ, evaṃ mantayiṃsu.
ижчид̇агарод̇и яад̣̇ижчид̇агаран̣ам̣. д̣̇удтаананд̇и д̣̇ураасаяаанам̣. д̇з бана д̣̇удтаж̇жхаасаяаа вируд̣̇д̇хаа хонд̇ийд̇и ааха ‘‘д̣̇удтаанам̣ вируд̣̇д̇хаана’’нд̇и. бавуд̇д̇анд̇и б̣ийж̇ам̣ санд̇хааяа вабид̇ам̣. д̇знааха ‘‘кзд̇д̇з бад̇идтаабид̇а’’нд̇и.
Icchitakaroti yadicchitakaraṇaṃ. Duṭṭhānanti durāsayānaṃ. Te pana duṭṭhajjhāsayā viruddhā hontīti āha ‘‘duṭṭhānaṃ viruddhāna’’nti. Pavuttanti bījaṃ sandhāya vapitaṃ. Tenāha ‘‘khette patiṭṭhāpita’’nti.
сааяамаасабхад̇д̇анд̇и сааяам̣ асид̇аб̣б̣абхож̇анам̣. яат̇ааваарам̣ бхагкид̇амзд̇ам̣ д̣̇зваанам̣ вияа сукумам̣ г̇уруваасан̃жа на ход̇ийд̇и ‘‘бхад̇д̇а’’нд̇и вуд̇д̇ам̣. г̇злан̃н̃аж̇аад̇анд̇и сан̃ж̇аад̇аг̇злан̃н̃ам̣. взбад̇ийд̇и гамбад̇и бавзд̇хад̇и.
Sāyamāsabhattanti sāyaṃ asitabbabhojanaṃ. Yathāvāraṃ bhakkhitametaṃ devānaṃ viya sukhumaṃ guruvāsañca na hotīti ‘‘bhatta’’nti vuttaṃ. Gelaññajātanti sañjātagelaññaṃ. Vepatīti kampati pavedhati.
самуд̣̇д̣̇агасуд̇д̇аван̣н̣анаа нидтид̇аа.
Samuddakasuttavaṇṇanā niṭṭhitā.
батамаваг̇г̇аван̣н̣анаа нидтид̇аа.
Paṭhamavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 10. самуд̣̇д̣̇агасуд̇д̇ам̣ • 10. Samuddakasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 10. самуд̣̇д̣̇агасуд̇д̇аван̣н̣анаа • 10. Samuddakasuttavaṇṇanā
