| Library / Tipiṭaka / තිපිටක • Tipiṭaka / සංයුත්‌තනිකාය (ටීකා) • Saṃyuttanikāya (ṭīkā) |
10. සමුද්‌දකසුත්‌තවණ්‌ණනා
10. Samuddakasuttavaṇṇanā
256. චක්‌කවාළමහාසමුද්‌දපිට්‌ඨියන්‌ති චක්‌කවාළපබ්‌බතපාදසමන්‌තා මහාසමුද්‌දතීරපිට්‌ඨියං. යථෙව සිනෙරුසමීපෙ මහාසමුද්‌දො අනුපුබ්‌බනින්‌නො අනුපුබ්‌බපොණො අනුපුබ්‌බපබ්‌භාරො, එවං යෙභුය්‍යෙන චක්‌කවාළපාදසමීපෙපි. තෙනාහ ‘‘රජතපට්‌ටවණ්‌ණෙ වාලුකපුලිනෙ’’ති. වුත්‌තප්‌පකාරාසූති අනන්‌තරසුත්‌තෙ වුත්‌තප්‌පකාරාසු. අස්‌සමපදෙනාති අස්‌සමපදවෙමජ්‌ඣෙන. එවං චින්‌තයිංසූති ‘‘යං නූන මය’’න්‌තිආදිනා යථා පාළියං ආගතං, එවං මන්‌තයිංසු.
256.Cakkavāḷamahāsamuddapiṭṭhiyanti cakkavāḷapabbatapādasamantā mahāsamuddatīrapiṭṭhiyaṃ. Yatheva sinerusamīpe mahāsamuddo anupubbaninno anupubbapoṇo anupubbapabbhāro, evaṃ yebhuyyena cakkavāḷapādasamīpepi. Tenāha ‘‘rajatapaṭṭavaṇṇe vālukapuline’’ti. Vuttappakārāsūti anantarasutte vuttappakārāsu. Assamapadenāti assamapadavemajjhena. Evaṃ cintayiṃsūti ‘‘yaṃ nūna maya’’ntiādinā yathā pāḷiyaṃ āgataṃ, evaṃ mantayiṃsu.
ඉච්‌ඡිතකරොති යදිච්‌ඡිතකරණං. දුට්‌ඨානන්‌ති දුරාසයානං. තෙ පන දුට්‌ඨජ්‌ඣාසයා විරුද්‌ධා හොන්‌තීති ආහ ‘‘දුට්‌ඨානං විරුද්‌ධාන’’න්‌ති. පවුත්‌තන්‌ති බීජං සන්‌ධාය වපිතං. තෙනාහ ‘‘ඛෙත්‌තෙ පතිට්‌ඨාපිත’’න්‌ති.
Icchitakaroti yadicchitakaraṇaṃ. Duṭṭhānanti durāsayānaṃ. Te pana duṭṭhajjhāsayā viruddhā hontīti āha ‘‘duṭṭhānaṃ viruddhāna’’nti. Pavuttanti bījaṃ sandhāya vapitaṃ. Tenāha ‘‘khette patiṭṭhāpita’’nti.
සායමාසභත්‌තන්‌ති සායං අසිතබ්‌බභොජනං. යථාවාරං භක්‌ඛිතමෙතං දෙවානං විය සුඛුමං ගුරුවාසඤ්‌ච න හොතීති ‘‘භත්‌ත’’න්‌ති වුත්‌තං. ගෙලඤ්‌ඤජාතන්‌ති සඤ්‌ජාතගෙලඤ්‌ඤං. වෙපතීති කම්‌පති පවෙධති.
Sāyamāsabhattanti sāyaṃ asitabbabhojanaṃ. Yathāvāraṃ bhakkhitametaṃ devānaṃ viya sukhumaṃ guruvāsañca na hotīti ‘‘bhatta’’nti vuttaṃ. Gelaññajātanti sañjātagelaññaṃ. Vepatīti kampati pavedhati.
සමුද්‌දකසුත්‌තවණ්‌ණනා නිට්‌ඨිතා.
Samuddakasuttavaṇṇanā niṭṭhitā.
පඨමවග්‌ගවණ්‌ණනා නිට්‌ඨිතා.
Paṭhamavaggavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 10. සමුද්‌දකසුත්‌තං • 10. Samuddakasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 10. සමුද්‌දකසුත්‌තවණ්‌ණනා • 10. Samuddakasuttavaṇṇanā
