| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੧੦. ਸਮੁਦ੍ਦਕਸੁਤ੍ਤવਣ੍ਣਨਾ
10. Samuddakasuttavaṇṇanā
੨੫੬. ਦਸਮੇ ਸਮੁਦ੍ਦਤੀਰੇ ਪਣ੍ਣਕੁਟੀਸੂਤਿ ਚਕ੍ਕવਾਲ਼ਮਹਾਸਮੁਦ੍ਦਪਿਟ੍ਠਿਯਂ ਰਜਤਪਟ੍ਟવਣ੍ਣੇ વਾਲੁਕਪੁਲ਼ਿਨੇ વੁਤ੍ਤਪ੍ਪਕਾਰਾਸੁ ਪਣ੍ਣਸਾਲਾਸੁ વਸਨ੍ਤਿ। ਸਿਯਾਪਿ ਨੋਤਿ ਸਿਯਾਪਿ ਅਮ੍ਹਾਕਂ। ਅਭਯਦਕ੍ਖਿਣਂ ਯਾਚੇਯ੍ਯਾਮਾਤਿ ਅਭਯਦਾਨਂ ਯਾਚੇਯ੍ਯਾਮ। ਯੇਭੁਯ੍ਯੇਨ ਕਿਰ ਦੇવਾਸੁਰਸਙ੍ਗਾਮੋ ਮਹਾਸਮੁਦ੍ਦਪਿਟ੍ਠੇ ਹੋਤਿ। ਅਸੁਰਾਨਂ ਨ ਸਬ੍ਬਕਾਲਂ ਜਯੋ ਹੋਤਿ, ਬਹੁવਾਰੇ ਪਰਾਜਯੋવ ਹੋਤਿ। ਤੇ ਦੇવੇਹਿ ਪਰਾਜਿਤਾ ਪਲਾਯਨ੍ਤਾ ਇਸੀਨਂ ਅਸ੍ਸਮਪਦੇਨ ਗਚ੍ਛਨ੍ਤਾ ‘‘ਸਕ੍ਕੋ ਇਮੇਹਿ ਸਦ੍ਧਿਂ ਮਨ੍ਤੇਤ੍વਾ ਅਮ੍ਹੇ ਨਾਸੇਤਿ, ਗਣ੍ਹਥ ਪੁਤ੍ਤਹਤਾਯ ਪੁਤ੍ਤੇ’’ਤਿ ਕੁਪਿਤਾ ਅਸ੍ਸਮਪਦੇ ਪਾਨੀਯਘਟਚਙ੍ਕਮਨਸਾਲਾਦੀਨਿ વਿਦ੍ਧਂਸੇਨ੍ਤਿ। ਇਸਯੋ ਅਰਞ੍ਞਤੋ ਫਲਾਫਲਂ ਆਦਾਯ ਆਗਤਾ ਨਂ ਦਿਸ੍વਾ ਪੁਨ ਦੁਕ੍ਖੇਨ ਪਟਿਪਾਕਤਿਕਂ ਕਰੋਨ੍ਤਿ। ਤੇਪਿ ਪੁਨਪ੍ਪੁਨਂ ਤਥੇવ વਿਨਾਸੇਨ੍ਤਿ। ਤਸ੍ਮਾ ‘‘ਇਦਾਨਿ ਤੇਸਂ ਸਙ੍ਗਾਮੋ ਪਚ੍ਚੁਪਟ੍ਠਿਤੋ’’ਤਿ ਸੁਤ੍વਾ ਏવਂ ਚਿਨ੍ਤਯਿਂਸੁ।
256. Dasame samuddatīre paṇṇakuṭīsūti cakkavāḷamahāsamuddapiṭṭhiyaṃ rajatapaṭṭavaṇṇe vālukapuḷine vuttappakārāsu paṇṇasālāsu vasanti. Siyāpi noti siyāpi amhākaṃ. Abhayadakkhiṇaṃ yāceyyāmāti abhayadānaṃ yāceyyāma. Yebhuyyena kira devāsurasaṅgāmo mahāsamuddapiṭṭhe hoti. Asurānaṃ na sabbakālaṃ jayo hoti, bahuvāre parājayova hoti. Te devehi parājitā palāyantā isīnaṃ assamapadena gacchantā ‘‘sakko imehi saddhiṃ mantetvā amhe nāseti, gaṇhatha puttahatāya putte’’ti kupitā assamapade pānīyaghaṭacaṅkamanasālādīni viddhaṃsenti. Isayo araññato phalāphalaṃ ādāya āgatā naṃ disvā puna dukkhena paṭipākatikaṃ karonti. Tepi punappunaṃ tatheva vināsenti. Tasmā ‘‘idāni tesaṃ saṅgāmo paccupaṭṭhito’’ti sutvā evaṃ cintayiṃsu.
ਕਾਮਂਕਰੋਤਿ ਇਚ੍ਛਿਤਕਰੋ। ਭਯਸ੍ਸ ਅਭਯਸ੍ਸ વਾਤਿ ਭਯਂ વਾ ਅਭਯਂ વਾ। ਇਦਂ વੁਤ੍ਤਂ ਹੋਤਿ – ਸਚੇ ਤ੍વਂ ਅਭਯਂ ਦਾਤੁਕਾਮੋ, ਅਭਯਂ ਦਾਤੁਂ ਪਹੋਸਿ। ਸਚੇ ਭਯਂ ਦਾਤੁਕਾਮੋ। ਭਯਂ ਦਾਤੁਂ ਪਹੋਸਿ। ਅਮ੍ਹਾਕਂ ਪਨ ਅਭਯਦਾਨਂ ਦੇਹੀਤਿ। ਦੁਟ੍ਠਾਨਨ੍ਤਿ વਿਰੁਦ੍ਧਾਨਂ। ਪવੁਤ੍ਤਨ੍ਤਿ ਖੇਤ੍ਤੇ ਪਤਿਟ੍ਠਾਪਿਤਂ।
Kāmaṃkaroti icchitakaro. Bhayassa abhayassa vāti bhayaṃ vā abhayaṃ vā. Idaṃ vuttaṃ hoti – sace tvaṃ abhayaṃ dātukāmo, abhayaṃ dātuṃ pahosi. Sace bhayaṃ dātukāmo. Bhayaṃ dātuṃ pahosi. Amhākaṃ pana abhayadānaṃ dehīti. Duṭṭhānanti viruddhānaṃ. Pavuttanti khette patiṭṭhāpitaṃ.
ਤਿਕ੍ਖਤ੍ਤੁਂ ਉਬ੍ਬਿਜ੍ਜੀਤਿ ਸਾਯਮਾਸਭਤ੍ਤਂ ਭੁਞ੍ਜਿਤ੍વਾ ਸਯਨਂ ਅਭਿਰੁਯ੍ਹ ਨਿਪਨ੍ਨੋ ਨਿਦ੍ਦਾਯ ਓਕ੍ਕਨ੍ਤਮਤ੍ਤਾਯ ਸਮਨ੍ਤਾ ਠਤ੍વਾ ਸਤ੍ਤਿਸਤੇਨ ਪਹਟੋ વਿਯ વਿਰવਨ੍ਤੋ ਉਟ੍ਠਹਤਿ, ਦਸਯੋਜਨਸਹਸ੍ਸਂ ਅਸੁਰਭવਨਂ ‘‘ਕਿਮਿਦ’’ਨ੍ਤਿ ਸਙ੍ਖੋਭਂ ਆਪਜ੍ਜਤਿ। ਅਥ ਨਂ ਆਗਨ੍ਤ੍વਾ ‘‘ਕਿਮਿਦ’’ਨ੍ਤਿ ਪੁਚ੍ਛਨ੍ਤਿ। ਸੋ ‘‘ਨ ਕਿਞ੍ਚੀ’’ਤਿ વਦਤਿ। ਦੁਤਿਯਯਾਮਾਦੀਸੁਪਿ ਏਸੇવ ਨਯੋ। ਇਤਿ ਅਸੁਰਾਨਂ ‘‘ਮਾ ਭਾਯਿ, ਮਹਾਰਾਜਾ’’ਤਿ ਤਂ ਅਸ੍ਸਾਸੇਨ੍ਤਾਨਂਯੇવ ਅਰੁਣਂ ਉਗ੍ਗਚ੍ਛਤਿ। ਏવਮਸ੍ਸ ਤਤੋ ਪਟ੍ਠਾਯ ਗੇਲਞ੍ਞਜਾਤਂ ਚਿਤ੍ਤਂ વੇਪਤਿ। ਤੇਨੇવ ਚਸ੍ਸ ‘‘વੇਪਚਿਤ੍ਤੀ’’ਤਿ ਅਪਰਂ ਨਾਮਂ ਉਦਪਾਦੀਤਿ। ਦਸਮਂ।
Tikkhattuṃ ubbijjīti sāyamāsabhattaṃ bhuñjitvā sayanaṃ abhiruyha nipanno niddāya okkantamattāya samantā ṭhatvā sattisatena pahaṭo viya viravanto uṭṭhahati, dasayojanasahassaṃ asurabhavanaṃ ‘‘kimida’’nti saṅkhobhaṃ āpajjati. Atha naṃ āgantvā ‘‘kimida’’nti pucchanti. So ‘‘na kiñcī’’ti vadati. Dutiyayāmādīsupi eseva nayo. Iti asurānaṃ ‘‘mā bhāyi, mahārājā’’ti taṃ assāsentānaṃyeva aruṇaṃ uggacchati. Evamassa tato paṭṭhāya gelaññajātaṃ cittaṃ vepati. Teneva cassa ‘‘vepacittī’’ti aparaṃ nāmaṃ udapādīti. Dasamaṃ.
ਪਠਮੋ વਗ੍ਗੋ।
Paṭhamo vaggo.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧੦. ਸਮੁਦ੍ਦਕਸੁਤ੍ਤਂ • 10. Samuddakasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧੦. ਸਮੁਦ੍ਦਕਸੁਤ੍ਤવਣ੍ਣਨਾ • 10. Samuddakasuttavaṇṇanā
