| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੧੦. ਸਮੁਦ੍ਦਕਸੁਤ੍ਤવਣ੍ਣਨਾ
10. Samuddakasuttavaṇṇanā
੨੫੬. ਚਕ੍ਕવਾਲ਼ਮਹਾਸਮੁਦ੍ਦਪਿਟ੍ਠਿਯਨ੍ਤਿ ਚਕ੍ਕવਾਲ਼ਪਬ੍ਬਤਪਾਦਸਮਨ੍ਤਾ ਮਹਾਸਮੁਦ੍ਦਤੀਰਪਿਟ੍ਠਿਯਂ। ਯਥੇવ ਸਿਨੇਰੁਸਮੀਪੇ ਮਹਾਸਮੁਦ੍ਦੋ ਅਨੁਪੁਬ੍ਬਨਿਨ੍ਨੋ ਅਨੁਪੁਬ੍ਬਪੋਣੋ ਅਨੁਪੁਬ੍ਬਪਬ੍ਭਾਰੋ, ਏવਂ ਯੇਭੁਯ੍ਯੇਨ ਚਕ੍ਕવਾਲ਼ਪਾਦਸਮੀਪੇਪਿ। ਤੇਨਾਹ ‘‘ਰਜਤਪਟ੍ਟવਣ੍ਣੇ વਾਲੁਕਪੁਲਿਨੇ’’ਤਿ। વੁਤ੍ਤਪ੍ਪਕਾਰਾਸੂਤਿ ਅਨਨ੍ਤਰਸੁਤ੍ਤੇ વੁਤ੍ਤਪ੍ਪਕਾਰਾਸੁ। ਅਸ੍ਸਮਪਦੇਨਾਤਿ ਅਸ੍ਸਮਪਦવੇਮਜ੍ਝੇਨ। ਏવਂ ਚਿਨ੍ਤਯਿਂਸੂਤਿ ‘‘ਯਂ ਨੂਨ ਮਯ’’ਨ੍ਤਿਆਦਿਨਾ ਯਥਾ ਪਾਲ਼ਿਯਂ ਆਗਤਂ, ਏવਂ ਮਨ੍ਤਯਿਂਸੁ।
256.Cakkavāḷamahāsamuddapiṭṭhiyanti cakkavāḷapabbatapādasamantā mahāsamuddatīrapiṭṭhiyaṃ. Yatheva sinerusamīpe mahāsamuddo anupubbaninno anupubbapoṇo anupubbapabbhāro, evaṃ yebhuyyena cakkavāḷapādasamīpepi. Tenāha ‘‘rajatapaṭṭavaṇṇe vālukapuline’’ti. Vuttappakārāsūti anantarasutte vuttappakārāsu. Assamapadenāti assamapadavemajjhena. Evaṃ cintayiṃsūti ‘‘yaṃ nūna maya’’ntiādinā yathā pāḷiyaṃ āgataṃ, evaṃ mantayiṃsu.
ਇਚ੍ਛਿਤਕਰੋਤਿ ਯਦਿਚ੍ਛਿਤਕਰਣਂ। ਦੁਟ੍ਠਾਨਨ੍ਤਿ ਦੁਰਾਸਯਾਨਂ। ਤੇ ਪਨ ਦੁਟ੍ਠਜ੍ਝਾਸਯਾ વਿਰੁਦ੍ਧਾ ਹੋਨ੍ਤੀਤਿ ਆਹ ‘‘ਦੁਟ੍ਠਾਨਂ વਿਰੁਦ੍ਧਾਨ’’ਨ੍ਤਿ। ਪવੁਤ੍ਤਨ੍ਤਿ ਬੀਜਂ ਸਨ੍ਧਾਯ વਪਿਤਂ। ਤੇਨਾਹ ‘‘ਖੇਤ੍ਤੇ ਪਤਿਟ੍ਠਾਪਿਤ’’ਨ੍ਤਿ।
Icchitakaroti yadicchitakaraṇaṃ. Duṭṭhānanti durāsayānaṃ. Te pana duṭṭhajjhāsayā viruddhā hontīti āha ‘‘duṭṭhānaṃ viruddhāna’’nti. Pavuttanti bījaṃ sandhāya vapitaṃ. Tenāha ‘‘khette patiṭṭhāpita’’nti.
ਸਾਯਮਾਸਭਤ੍ਤਨ੍ਤਿ ਸਾਯਂ ਅਸਿਤਬ੍ਬਭੋਜਨਂ। ਯਥਾવਾਰਂ ਭਕ੍ਖਿਤਮੇਤਂ ਦੇવਾਨਂ વਿਯ ਸੁਖੁਮਂ ਗੁਰੁવਾਸਞ੍ਚ ਨ ਹੋਤੀਤਿ ‘‘ਭਤ੍ਤ’’ਨ੍ਤਿ વੁਤ੍ਤਂ। ਗੇਲਞ੍ਞਜਾਤਨ੍ਤਿ ਸਞ੍ਜਾਤਗੇਲਞ੍ਞਂ। વੇਪਤੀਤਿ ਕਮ੍ਪਤਿ ਪવੇਧਤਿ।
Sāyamāsabhattanti sāyaṃ asitabbabhojanaṃ. Yathāvāraṃ bhakkhitametaṃ devānaṃ viya sukhumaṃ guruvāsañca na hotīti ‘‘bhatta’’nti vuttaṃ. Gelaññajātanti sañjātagelaññaṃ. Vepatīti kampati pavedhati.
ਸਮੁਦ੍ਦਕਸੁਤ੍ਤવਣ੍ਣਨਾ ਨਿਟ੍ਠਿਤਾ।
Samuddakasuttavaṇṇanā niṭṭhitā.
ਪਠਮવਗ੍ਗવਣ੍ਣਨਾ ਨਿਟ੍ਠਿਤਾ।
Paṭhamavaggavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧੦. ਸਮੁਦ੍ਦਕਸੁਤ੍ਤਂ • 10. Samuddakasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧੦. ਸਮੁਦ੍ਦਕਸੁਤ੍ਤવਣ੍ਣਨਾ • 10. Samuddakasuttavaṇṇanā
