| Library / Tipiṭaka / തിപിടക • Tipiṭaka / സംയുത്തനികായ (ടീകാ) • Saṃyuttanikāya (ṭīkā) |
൧൦. സമുദ്ദകസുത്തവണ്ണനാ
10. Samuddakasuttavaṇṇanā
൨൫൬. ചക്കവാളമഹാസമുദ്ദപിട്ഠിയന്തി ചക്കവാളപബ്ബതപാദസമന്താ മഹാസമുദ്ദതീരപിട്ഠിയം. യഥേവ സിനേരുസമീപേ മഹാസമുദ്ദോ അനുപുബ്ബനിന്നോ അനുപുബ്ബപോണോ അനുപുബ്ബപബ്ഭാരോ, ഏവം യേഭുയ്യേന ചക്കവാളപാദസമീപേപി. തേനാഹ ‘‘രജതപട്ടവണ്ണേ വാലുകപുലിനേ’’തി. വുത്തപ്പകാരാസൂതി അനന്തരസുത്തേ വുത്തപ്പകാരാസു. അസ്സമപദേനാതി അസ്സമപദവേമജ്ഝേന. ഏവം ചിന്തയിംസൂതി ‘‘യം നൂന മയ’’ന്തിആദിനാ യഥാ പാളിയം ആഗതം, ഏവം മന്തയിംസു.
256.Cakkavāḷamahāsamuddapiṭṭhiyanti cakkavāḷapabbatapādasamantā mahāsamuddatīrapiṭṭhiyaṃ. Yatheva sinerusamīpe mahāsamuddo anupubbaninno anupubbapoṇo anupubbapabbhāro, evaṃ yebhuyyena cakkavāḷapādasamīpepi. Tenāha ‘‘rajatapaṭṭavaṇṇe vālukapuline’’ti. Vuttappakārāsūti anantarasutte vuttappakārāsu. Assamapadenāti assamapadavemajjhena. Evaṃ cintayiṃsūti ‘‘yaṃ nūna maya’’ntiādinā yathā pāḷiyaṃ āgataṃ, evaṃ mantayiṃsu.
ഇച്ഛിതകരോതി യദിച്ഛിതകരണം. ദുട്ഠാനന്തി ദുരാസയാനം. തേ പന ദുട്ഠജ്ഝാസയാ വിരുദ്ധാ ഹോന്തീതി ആഹ ‘‘ദുട്ഠാനം വിരുദ്ധാന’’ന്തി. പവുത്തന്തി ബീജം സന്ധായ വപിതം. തേനാഹ ‘‘ഖേത്തേ പതിട്ഠാപിത’’ന്തി.
Icchitakaroti yadicchitakaraṇaṃ. Duṭṭhānanti durāsayānaṃ. Te pana duṭṭhajjhāsayā viruddhā hontīti āha ‘‘duṭṭhānaṃ viruddhāna’’nti. Pavuttanti bījaṃ sandhāya vapitaṃ. Tenāha ‘‘khette patiṭṭhāpita’’nti.
സായമാസഭത്തന്തി സായം അസിതബ്ബഭോജനം. യഥാവാരം ഭക്ഖിതമേതം ദേവാനം വിയ സുഖുമം ഗുരുവാസഞ്ച ന ഹോതീതി ‘‘ഭത്ത’’ന്തി വുത്തം. ഗേലഞ്ഞജാതന്തി സഞ്ജാതഗേലഞ്ഞം. വേപതീതി കമ്പതി പവേധതി.
Sāyamāsabhattanti sāyaṃ asitabbabhojanaṃ. Yathāvāraṃ bhakkhitametaṃ devānaṃ viya sukhumaṃ guruvāsañca na hotīti ‘‘bhatta’’nti vuttaṃ. Gelaññajātanti sañjātagelaññaṃ. Vepatīti kampati pavedhati.
സമുദ്ദകസുത്തവണ്ണനാ നിട്ഠിതാ.
Samuddakasuttavaṇṇanā niṭṭhitā.
പഠമവഗ്ഗവണ്ണനാ നിട്ഠിതാ.
Paṭhamavaggavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൧൦. സമുദ്ദകസുത്തം • 10. Samuddakasuttaṃ
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൧൦. സമുദ്ദകസുത്തവണ്ണനാ • 10. Samuddakasuttavaṇṇanā
