| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
10. самуд̣̇д̣̇ан̇г̇абан̃хо
10. Samuddaṅgapañho
10. ‘‘бханд̇з нааг̇асзна, ‘самуд̣̇д̣̇асса бан̃жа ан̇г̇аани г̇ахзд̇аб̣б̣ааний’д̇и яам̣ вад̣̇зси, гад̇амаани д̇аани бан̃жа ан̇г̇аани г̇ахзд̇аб̣б̣ааний’’д̇и? ‘‘яат̇аа, махаарааж̇а, махаасамуд̣̇д̣̇о мад̇зна гун̣абзна сад̣̇д̇хим̣ на сам̣васад̇и, звамзва ко, махаарааж̇а, яог̇инаа яог̇ааважарзна рааг̇ад̣̇осамохамаанад̣̇идтимагкабал̣аасаиссаамажчарияамааяаасаатзяяагудилависамад̣̇ужжарид̇агилзсамалзхи сад̣̇д̇хим̣ на сам̣васид̇аб̣б̣ам̣. ид̣̇ам̣, махаарааж̇а, самуд̣̇д̣̇асса батамам̣ ан̇г̇ам̣ г̇ахзд̇аб̣б̣ам̣.
10. ‘‘Bhante nāgasena, ‘samuddassa pañca aṅgāni gahetabbānī’ti yaṃ vadesi, katamāni tāni pañca aṅgāni gahetabbānī’’ti? ‘‘Yathā, mahārāja, mahāsamuddo matena kuṇapena saddhiṃ na saṃvasati, evameva kho, mahārāja, yoginā yogāvacarena rāgadosamohamānadiṭṭhimakkhapaḷāsaissāmacchariyamāyāsāṭheyyakuṭilavisamaduccaritakilesamalehi saddhiṃ na saṃvasitabbaṃ. Idaṃ, mahārāja, samuddassa paṭhamaṃ aṅgaṃ gahetabbaṃ.
‘‘буна жабарам̣, махаарааж̇а, махаасамуд̣̇д̣̇о муд̇д̇ааман̣ивзл̣урияасан̇касилаабаваал̣апалигаман̣ививид̇харад̇ананижаяам̣ д̇хаарзнд̇о бид̣̇ахад̇и, на б̣ахи вигирад̇и. звамзва ко, махаарааж̇а, яог̇инаа яог̇ааважарзна маг̇г̇апалажхаанавимогкасамаад̇хисамаабад̇д̇ивибассанаабхин̃н̃аавивид̇хаг̇ун̣арад̇анаани ад̇хиг̇анд̇ваа бид̣̇ахид̇аб̣б̣аани, на б̣ахи нийхарид̇аб̣б̣аани. ид̣̇ам̣, махаарааж̇а, самуд̣̇д̣̇асса д̣̇уд̇ияам̣ ан̇г̇ам̣ г̇ахзд̇аб̣б̣ам̣.
‘‘Puna caparaṃ, mahārāja, mahāsamuddo muttāmaṇiveḷuriyasaṅkhasilāpavāḷaphalikamaṇivividharatananicayaṃ dhārento pidahati, na bahi vikirati. Evameva kho, mahārāja, yoginā yogāvacarena maggaphalajhānavimokkhasamādhisamāpattivipassanābhiññāvividhaguṇaratanāni adhigantvā pidahitabbāni, na bahi nīharitabbāni. Idaṃ, mahārāja, samuddassa dutiyaṃ aṅgaṃ gahetabbaṃ.
‘‘буна жабарам̣, махаарааж̇а, махаасамуд̣̇д̣̇о маханд̇зхи махаабхууд̇зхи сад̣̇д̇хим̣ сам̣васад̇и. звамзва ко, махаарааж̇а, яог̇инаа яог̇ааважарзна аббижчам̣ санд̇удтам̣ д̇худ̇аваад̣̇ам̣ саллзкавуд̇д̇им̣ аажаарасамбаннам̣ лаж̇ж̇им̣ бзсалам̣ г̇арум̣ бхааванийяам̣ вад̇д̇аарам̣ важанагкамам̣ жод̣̇агам̣ баабаг̇арахим̣ оваад̣̇агам̣ анусаасагам̣ вин̃н̃аабагам̣ санд̣̇ассагам̣ самаад̣̇абагам̣ самуд̇д̇зж̇агам̣ самбахам̣сагам̣ галяаан̣амид̇д̇ам̣ саб̣рахмажаарим̣ ниссааяа васид̇аб̣б̣ам̣. ид̣̇ам̣, махаарааж̇а, махаасамуд̣̇д̣̇асса д̇ад̇ияам̣ ан̇г̇ам̣ г̇ахзд̇аб̣б̣ам̣.
‘‘Puna caparaṃ, mahārāja, mahāsamuddo mahantehi mahābhūtehi saddhiṃ saṃvasati. Evameva kho, mahārāja, yoginā yogāvacarena appicchaṃ santuṭṭhaṃ dhutavādaṃ sallekhavuttiṃ ācārasampannaṃ lajjiṃ pesalaṃ garuṃ bhāvanīyaṃ vattāraṃ vacanakkhamaṃ codakaṃ pāpagarahiṃ ovādakaṃ anusāsakaṃ viññāpakaṃ sandassakaṃ samādapakaṃ samuttejakaṃ sampahaṃsakaṃ kalyāṇamittaṃ sabrahmacāriṃ nissāya vasitabbaṃ. Idaṃ, mahārāja, mahāsamuddassa tatiyaṃ aṅgaṃ gahetabbaṃ.
‘‘буна жабарам̣, махаарааж̇а, махаасамуд̣̇д̣̇о навасалиласамбун̣н̣аахи г̇ан̇г̇ааяамунааажиравад̇ийсарабхуумахийаад̣̇ийхи над̣̇ийсад̇асахассзхи анд̇алигкз салилад̇хаараахи жа буурид̇оби сагам̣ взлам̣ наад̇ивад̇д̇ад̇и. звамзва ко, махаарааж̇а, яог̇инаа яог̇ааважарзна лаабхасаггаарасилогаванд̣̇анамаананабууж̇анагааран̣аа ж̇ийвид̇ахзд̇уби сан̃жижжа сигкаабад̣̇авийд̇иггамо на гаран̣ийяо. ид̣̇ам̣, махаарааж̇а, махаасамуд̣̇д̣̇асса жад̇уд̇т̇ам̣ ан̇г̇ам̣ г̇ахзд̇аб̣б̣ам̣. бхаасид̇амбзд̇ам̣, махаарааж̇а, бхаг̇авад̇аа д̣̇зваад̇ид̣̇звзна –
‘‘Puna caparaṃ, mahārāja, mahāsamuddo navasalilasampuṇṇāhi gaṅgāyamunāaciravatīsarabhūmahīādīhi nadīsatasahassehi antalikkhe saliladhārāhi ca pūritopi sakaṃ velaṃ nātivattati. Evameva kho, mahārāja, yoginā yogāvacarena lābhasakkārasilokavandanamānanapūjanakāraṇā jīvitahetupi sañcicca sikkhāpadavītikkamo na karaṇīyo. Idaṃ, mahārāja, mahāsamuddassa catutthaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena –
‘сзяяат̇ааби, махаарааж̇а 1, махаасамуд̣̇д̣̇о тид̇ад̇хаммо взлам̣ наад̇иггамад̇и, звамзва ко, махаарааж̇а, яам̣ махаа саавагаанам̣ сигкаабад̣̇ам̣ бан̃н̃ад̇д̇ам̣, д̇ам̣ мама саавагаа ж̇ийвид̇ахзд̇уби наад̇иггаманд̇ий’д̇и.
‘Seyyathāpi, mahārāja 2, mahāsamuddo ṭhitadhammo velaṃ nātikkamati, evameva kho, mahārāja, yaṃ mahā sāvakānaṃ sikkhāpadaṃ paññattaṃ, taṃ mama sāvakā jīvitahetupi nātikkamantī’ti.
‘‘буна жабарам̣, махаарааж̇а, махаасамуд̣̇д̣̇о саб̣б̣асаванд̇ийхи г̇ан̇г̇ааяамунааажиравад̇ийсарабхуумахийхи анд̇алигкз уд̣̇агад̇хаараахиби на барибуурад̇и. звамзва ко, махаарааж̇а, яог̇инаа яог̇ааважарзна уд̣̇д̣̇зсабарибужчаасаванад̇хааран̣авинижчаяаабхид̇хаммавинаяаг̇аал̣хасуд̇д̇анд̇авиг̇г̇ахабад̣̇анигкзбабад̣̇асанд̇хи бад̣̇авибхад̇д̇инаван̇г̇аж̇инасаасанаварам̣ сун̣анд̇знааби на д̇аббид̇аб̣б̣ам̣. ид̣̇ам̣, махаарааж̇а, махаасамуд̣̇д̣̇асса бан̃жамам̣ ан̇г̇ам̣ г̇ахзд̇аб̣б̣ам̣. бхаасид̇амбзд̇ам̣, махаарааж̇а, бхаг̇авад̇аа д̣̇зваад̇ид̣̇звзна суд̇асомаж̇аад̇агз –
‘‘Puna caparaṃ, mahārāja, mahāsamuddo sabbasavantīhi gaṅgāyamunāaciravatīsarabhūmahīhi antalikkhe udakadhārāhipi na paripūrati. Evameva kho, mahārāja, yoginā yogāvacarena uddesaparipucchāsavanadhāraṇavinicchayaabhidhammavinayagāḷhasuttantaviggahapadanikkhepapadasandhi padavibhattinavaṅgajinasāsanavaraṃ suṇantenāpi na tappitabbaṃ. Idaṃ, mahārāja, mahāsamuddassa pañcamaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena sutasomajātake –
‘‘‘аг̇г̇и яат̇аа д̇ин̣агадтам̣ д̣̇аханд̇о, на д̇аббад̇и сааг̇аро ваа над̣̇ийхи;
‘‘‘Aggi yathā tiṇakaṭṭhaṃ dahanto, na tappati sāgaro vā nadīhi;
звамби жз 3 бан̣д̣ид̇аа рааж̇асздта, суд̇ваа на д̇аббанд̇и субхаасид̇знаа’’’д̇и.
Evampi ce 4 paṇḍitā rājaseṭṭha, sutvā na tappanti subhāsitenā’’’ti.
самуд̣̇д̣̇ан̇г̇абан̃хо д̣̇асамо.самуд̣̇д̣̇аваг̇г̇о д̣̇уд̇ияо.
Samuddaṅgapañho dasamo.Samuddavaggo dutiyo.
д̇ассуд̣̇д̣̇аанам̣ –
Tassuddānaṃ –
лааб̣улад̇аа жа бад̣̇умам̣, б̣ийж̇ам̣ саалагаляаан̣игаа;
Lābulatā ca padumaṃ, bījaṃ sālakalyāṇikā;
нааваа жа нааваалаг̇г̇анам̣, гуубо нияаамаго д̇ат̇аа;
Nāvā ca nāvālagganaṃ, kūpo niyāmako tathā;
гаммагааро самуд̣̇д̣̇о жа, ваг̇г̇о д̇зна бавужжад̇ийд̇и.
Kammakāro samuddo ca, vaggo tena pavuccatīti.
Footnotes:
