| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
7. ஸமுத்³த³ஸுத்தங்
7. Samuddasuttaṃ
80. ஸாவத்தி²யங் விஹரதி…பே॰… ‘‘ஸெய்யதா²பி, பி⁴க்க²வே, புரிஸோ மஹாஸமுத்³த³தோ த்³வே வா தீணி வா உத³கபு²ஸிதானி உத்³த⁴ரெய்ய. தங் கிங் மஞ்ஞத², பி⁴க்க²வே , கதமங் நு கோ² ப³ஹுதரங், யானி வா த்³வே வா தீணி வா உத³கபு²ஸிதானி உப்³ப⁴தானி யங் வா மஹாஸமுத்³தே³ உத³க’’ந்தி?
80. Sāvatthiyaṃ viharati…pe… ‘‘seyyathāpi, bhikkhave, puriso mahāsamuddato dve vā tīṇi vā udakaphusitāni uddhareyya. Taṃ kiṃ maññatha, bhikkhave , katamaṃ nu kho bahutaraṃ, yāni vā dve vā tīṇi vā udakaphusitāni ubbhatāni yaṃ vā mahāsamudde udaka’’nti?
‘‘ஏததே³வ , ப⁴ந்தே, ப³ஹுதரங், யதி³த³ங் மஹாஸமுத்³தே³ உத³கங்; அப்பமத்தகானி த்³வே வா தீணி வா உத³கபு²ஸிதானி உப்³ப⁴தானி. நேவ ஸதிமங் கலங் உபெந்தி ந ஸஹஸ்ஸிமங் கலங் உபெந்தி ந ஸதஸஹஸ்ஸிமங் கலங் உபெந்தி மஹாஸமுத்³தே³ உத³கங் உபனிதா⁴ய த்³வே வா தீணி வா உத³கபு²ஸிதானி உப்³ப⁴தானீ’’தி. ‘‘ஏவமேவ கோ², பி⁴க்க²வே…பே॰… த⁴ம்மசக்கு²படிலாபோ⁴’’தி. ஸத்தமங்.
‘‘Etadeva , bhante, bahutaraṃ, yadidaṃ mahāsamudde udakaṃ; appamattakāni dve vā tīṇi vā udakaphusitāni ubbhatāni. Neva satimaṃ kalaṃ upenti na sahassimaṃ kalaṃ upenti na satasahassimaṃ kalaṃ upenti mahāsamudde udakaṃ upanidhāya dve vā tīṇi vā udakaphusitāni ubbhatānī’’ti. ‘‘Evameva kho, bhikkhave…pe… dhammacakkhupaṭilābho’’ti. Sattamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 5. பத²வீஸுத்தாதி³வண்ணனா • 5. Pathavīsuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 4. பத²வீஸுத்தாதி³வண்ணனா • 4. Pathavīsuttādivaṇṇanā
