| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৭. সমুদ্দসুত্তং
7. Samuddasuttaṃ
৮০. সাৰত্থিযং ৰিহরতি…পে॰… ‘‘সেয্যথাপি, ভিক্খৰে, পুরিসো মহাসমুদ্দতো দ্ৰে ৰা তীণি ৰা উদকফুসিতানি উদ্ধরেয্য। তং কিং মঞ্ঞথ, ভিক্খৰে , কতমং নু খো বহুতরং, যানি ৰা দ্ৰে ৰা তীণি ৰা উদকফুসিতানি উব্ভতানি যং ৰা মহাসমুদ্দে উদক’’ন্তি?
80. Sāvatthiyaṃ viharati…pe… ‘‘seyyathāpi, bhikkhave, puriso mahāsamuddato dve vā tīṇi vā udakaphusitāni uddhareyya. Taṃ kiṃ maññatha, bhikkhave , katamaṃ nu kho bahutaraṃ, yāni vā dve vā tīṇi vā udakaphusitāni ubbhatāni yaṃ vā mahāsamudde udaka’’nti?
‘‘এতদেৰ , ভন্তে, বহুতরং, যদিদং মহাসমুদ্দে উদকং; অপ্পমত্তকানি দ্ৰে ৰা তীণি ৰা উদকফুসিতানি উব্ভতানি। নেৰ সতিমং কলং উপেন্তি ন সহস্সিমং কলং উপেন্তি ন সতসহস্সিমং কলং উপেন্তি মহাসমুদ্দে উদকং উপনিধায দ্ৰে ৰা তীণি ৰা উদকফুসিতানি উব্ভতানী’’তি। ‘‘এৰমেৰ খো, ভিক্খৰে…পে॰… ধম্মচক্খুপটিলাভো’’তি। সত্তমং।
‘‘Etadeva , bhante, bahutaraṃ, yadidaṃ mahāsamudde udakaṃ; appamattakāni dve vā tīṇi vā udakaphusitāni ubbhatāni. Neva satimaṃ kalaṃ upenti na sahassimaṃ kalaṃ upenti na satasahassimaṃ kalaṃ upenti mahāsamudde udakaṃ upanidhāya dve vā tīṇi vā udakaphusitāni ubbhatānī’’ti. ‘‘Evameva kho, bhikkhave…pe… dhammacakkhupaṭilābho’’ti. Sattamaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৫. পথৰীসুত্তাদিৰণ্ণনা • 5. Pathavīsuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৪. পথৰীসুত্তাদিৰণ্ণনা • 4. Pathavīsuttādivaṇṇanā
