| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༧. སམུདྡསུཏྟཾ
7. Samuddasuttaṃ
༨༠. སཱཝཏྠིཡཾ ཝིཧརཏི…པེ॰… ‘‘སེཡྻཐཱཔི, བྷིཀྑཝེ, པུརིསོ མཧཱསམུདྡཏོ དྭེ ཝཱ ཏཱིཎི ཝཱ ཨུདཀཕུསིཏཱནི ཨུདྡྷརེཡྻ། ཏཾ ཀིཾ མཉྙཐ, བྷིཀྑཝེ , ཀཏམཾ ནུ ཁོ བཧུཏརཾ, ཡཱནི ཝཱ དྭེ ཝཱ ཏཱིཎི ཝཱ ཨུདཀཕུསིཏཱནི ཨུབྦྷཏཱནི ཡཾ ཝཱ མཧཱསམུདྡེ ཨུདཀ’’ནྟི?
80. Sāvatthiyaṃ viharati…pe… ‘‘seyyathāpi, bhikkhave, puriso mahāsamuddato dve vā tīṇi vā udakaphusitāni uddhareyya. Taṃ kiṃ maññatha, bhikkhave , katamaṃ nu kho bahutaraṃ, yāni vā dve vā tīṇi vā udakaphusitāni ubbhatāni yaṃ vā mahāsamudde udaka’’nti?
‘‘ཨེཏདེཝ , བྷནྟེ, བཧུཏརཾ, ཡདིདཾ མཧཱསམུདྡེ ཨུདཀཾ; ཨཔྤམཏྟཀཱནི དྭེ ཝཱ ཏཱིཎི ཝཱ ཨུདཀཕུསིཏཱནི ཨུབྦྷཏཱནི། ནེཝ སཏིམཾ ཀལཾ ཨུཔེནྟི ན སཧསྶིམཾ ཀལཾ ཨུཔེནྟི ན སཏསཧསྶིམཾ ཀལཾ ཨུཔེནྟི མཧཱསམུདྡེ ཨུདཀཾ ཨུཔནིདྷཱཡ དྭེ ཝཱ ཏཱིཎི ཝཱ ཨུདཀཕུསིཏཱནི ཨུབྦྷཏཱནཱི’’ཏི། ‘‘ཨེཝམེཝ ཁོ, བྷིཀྑཝེ…པེ॰… དྷམྨཙཀྑུཔཊིལཱབྷོ’’ཏི། སཏྟམཾ།
‘‘Etadeva , bhante, bahutaraṃ, yadidaṃ mahāsamudde udakaṃ; appamattakāni dve vā tīṇi vā udakaphusitāni ubbhatāni. Neva satimaṃ kalaṃ upenti na sahassimaṃ kalaṃ upenti na satasahassimaṃ kalaṃ upenti mahāsamudde udakaṃ upanidhāya dve vā tīṇi vā udakaphusitāni ubbhatānī’’ti. ‘‘Evameva kho, bhikkhave…pe… dhammacakkhupaṭilābho’’ti. Sattamaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༥. པཐཝཱིསུཏྟཱདིཝཎྞནཱ • 5. Pathavīsuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༤. པཐཝཱིསུཏྟཱདིཝཎྞནཱ • 4. Pathavīsuttādivaṇṇanā
