| Library / Tipiṭaka / ติปิฎก • Tipiṭaka / ชาตกปาฬิ • Jātakapāḷi |
๔๖๖. สมุทฺทวาณิชชาตกํ (๓)
466. Samuddavāṇijajātakaṃ (3)
๒๕.
25.
กสนฺติ วปนฺติ เต ชนา, มนุชา กมฺมผลูปชีวิโน;
Kasanti vapanti te janā, manujā kammaphalūpajīvino;
นยิมสฺส ทีปกสฺส ภาคิโน, ชมฺพุทีปา อิทเมว โน วรํฯ
Nayimassa dīpakassa bhāgino, jambudīpā idameva no varaṃ.
๒๖.
26.
ติปญฺจรตฺตูปคตมฺหิ จเนฺท, เวโค มหา เหหิติ สาครสฺส;
Tipañcarattūpagatamhi cande, vego mahā hehiti sāgarassa;
อุปฺลวิสฺสํ ทีปมิมํ อุฬารํ, มา โว วธี คจฺฉถ เลณมญฺญํฯ
Uplavissaṃ dīpamimaṃ uḷāraṃ, mā vo vadhī gacchatha leṇamaññaṃ.
๒๗.
27.
น ชาตุยํ สาครวาริเวโค, อุปฺลวิสฺสํ ทีปมิมํ อุฬารํ;
Na jātuyaṃ sāgaravārivego, uplavissaṃ dīpamimaṃ uḷāraṃ;
ตํ เม นิมิเตฺตหิ พหูหิ ทิฎฺฐํ, มา เภถ กิํ โสจถ โมทถโวฺห 1ฯ
Taṃ me nimittehi bahūhi diṭṭhaṃ, mā bhetha kiṃ socatha modathavho 2.
๒๘.
28.
ปหูตภกฺขํ พหุอนฺนปานํ, ปตฺตตฺถ อาวาสมิมํ อุฬารํ;
Pahūtabhakkhaṃ bahuannapānaṃ, pattattha āvāsamimaṃ uḷāraṃ;
น โว ภยํ ปฎิปสฺสามิ กิญฺจิ, อาปุตฺตปุเตฺตหิ ปโมทถโวฺหฯ
Na vo bhayaṃ paṭipassāmi kiñci, āputtaputtehi pamodathavho.
๒๙.
29.
โย เทโวยํ ทกฺขิณายํ 3 ทิสายํ, เขมนฺติ ปโกฺกสติ ตสฺส สจฺจํ;
Yo devoyaṃ dakkhiṇāyaṃ 4 disāyaṃ, khemanti pakkosati tassa saccaṃ;
น อุตฺตโร เวทิ ภยาภยสฺส, มา เภถ กิํ โสจถ โมทถโวฺหฯ
Na uttaro vedi bhayābhayassa, mā bhetha kiṃ socatha modathavho.
๓๐.
30.
ยถา อิเม วิปฺปวทนฺติ ยกฺขา, เอโก ภยํ สํสติ เขมเมโก;
Yathā ime vippavadanti yakkhā, eko bhayaṃ saṃsati khemameko;
ตทิงฺฆ มยฺหํ วจนํ สุณาถ, ขิปฺปํ ลหุํ มา วินสฺสิมฺห สเพฺพฯ
Tadiṅgha mayhaṃ vacanaṃ suṇātha, khippaṃ lahuṃ mā vinassimha sabbe.
๓๑.
31.
สเพฺพ สมาคมฺม กโรม นาวํ, โทณิํ ทฬฺหํ สพฺพยนฺตูปปนฺนํ;
Sabbe samāgamma karoma nāvaṃ, doṇiṃ daḷhaṃ sabbayantūpapannaṃ;
สเจ อยํ ทกฺขิโณ สจฺจมาห, โมฆํ ปฎิโกฺกสติ อุตฺตโรยํ;
Sace ayaṃ dakkhiṇo saccamāha, moghaṃ paṭikkosati uttaroyaṃ;
สา เจว โน เหหิติ อาปทตฺถา, อิมญฺจ ทีปํ น ปริจฺจเชมฯ
Sā ceva no hehiti āpadatthā, imañca dīpaṃ na pariccajema.
๓๒.
32.
สเจ จ โข อุตฺตโร สจฺจมาห, โมฆํ ปฎิโกฺกสติ ทกฺขิโณยํ;
Sace ca kho uttaro saccamāha, moghaṃ paṭikkosati dakkhiṇoyaṃ;
ตเมว นาวํ อภิรุยฺห สเพฺพ, เอวํ มยํ โสตฺถิ ตเรมุ ปารํฯ
Tameva nāvaṃ abhiruyha sabbe, evaṃ mayaṃ sotthi taremu pāraṃ.
๓๓.
33.
น เว สุคณฺหํ ปฐเมน เสฎฺฐํ, กนิฎฺฐมาปาถคตํ คเหตฺวา;
Na ve sugaṇhaṃ paṭhamena seṭṭhaṃ, kaniṭṭhamāpāthagataṃ gahetvā;
๓๔.
34.
ยถาปิ เต สาครวาริมเชฺฌ, สกมฺมุนา โสตฺถิ วหิํสุ วาณิชา;
Yathāpi te sāgaravārimajjhe, sakammunā sotthi vahiṃsu vāṇijā;
อนาคตตฺถํ ปฎิวิชฺฌิยาน, อปฺปมฺปิ นาเจฺจติ ส ภูริปโญฺญฯ
Anāgatatthaṃ paṭivijjhiyāna, appampi nācceti sa bhūripañño.
๓๕.
35.
พาลา จ โมเหน รสานุคิทฺธา, อนาคตํ อปฺปฎิวิชฺฌิยตฺถํ;
Bālā ca mohena rasānugiddhā, anāgataṃ appaṭivijjhiyatthaṃ;
ปจฺจุปฺปเนฺน สีทนฺติ อตฺถชาเต, สมุทฺทมเชฺฌ ยถา เต มนุสฺสาฯ
Paccuppanne sīdanti atthajāte, samuddamajjhe yathā te manussā.
๓๖.
36.
อนาคตํ ปฎิกยิราถ กิจฺจํ, ‘‘มา มํ กิจฺจํ กิจฺจกาเล พฺยเธสิ’’;
Anāgataṃ paṭikayirātha kiccaṃ, ‘‘mā maṃ kiccaṃ kiccakāle byadhesi’’;
ตํ ตาทิสํ ปฎิกต 9 กิจฺจการิํ, น ตํ กิจฺจํ กิจฺจกาเล พฺยเธตีติฯ
Taṃ tādisaṃ paṭikata 10 kiccakāriṃ, na taṃ kiccaṃ kiccakāle byadhetīti.
สมุทฺทวาณิชชาตกํ ตติยํฯ
Samuddavāṇijajātakaṃ tatiyaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / ชาตก-อฎฺฐกถา • Jātaka-aṭṭhakathā / [๔๖๖] ๓. สมุทฺทวาณิชชาตกวณฺณนา • [466] 3. Samuddavāṇijajātakavaṇṇanā
