| Library / Tipiṭaka / तिपिटक • Tipiṭaka / जातकपाळि • Jātakapāḷi |
४३६. समुग्गजातकं (१०)
436. Samuggajātakaṃ (10)
८७.
87.
कुतो नु आगच्छथ भो तयो जना, स्वागता एथ 1 निसीदथासने।
Kuto nu āgacchatha bho tayo janā, svāgatā etha 2 nisīdathāsane;
कच्चित्थ भोन्तो कुसलं अनामयं, चिरस्समब्भागमनं हि वो इध॥
Kaccittha bhonto kusalaṃ anāmayaṃ, cirassamabbhāgamanaṃ hi vo idha.
८८.
88.
अहमेव एको इध मज्ज पत्तो, न चापि मे दुतियो कोचि विज्जति।
Ahameva eko idha majja patto, na cāpi me dutiyo koci vijjati;
किमेव सन्धाय ते भासितं इसे, ‘‘कुतो नु आगच्छथ भो तयो जना’’॥
Kimeva sandhāya te bhāsitaṃ ise, ‘‘kuto nu āgacchatha bho tayo janā’’.
८९.
89.
तुवञ्च एको भरिया च ते पिया, समुग्गपक्खित्तनिकिण्णमन्तरे ।
Tuvañca eko bhariyā ca te piyā, samuggapakkhittanikiṇṇamantare ;
९०.
90.
संविग्गरूपो इसिना वियाकतो 7, सो दानवो तत्थ समुग्गमुग्गिलि।
Saṃviggarūpo isinā viyākato 8, so dānavo tattha samuggamuggili;
अद्दक्खि भरियं सुचि मालधारिनिं, वायुस्स पुत्तेन सहा तहिं रतं॥
Addakkhi bhariyaṃ suci māladhāriniṃ, vāyussa puttena sahā tahiṃ rataṃ.
९१.
91.
सुदिट्ठरूपमुग्गतपानुवत्तिना 9, हीना नरा ये पमदावसं गता।
Sudiṭṭharūpamuggatapānuvattinā 10, hīnā narā ye pamadāvasaṃ gatā;
यथा हवे पाणरिवेत्थ रक्खिता, दुट्ठा मयी अञ्ञमभिप्पमोदयि॥
Yathā have pāṇarivettha rakkhitā, duṭṭhā mayī aññamabhippamodayi.
९२.
92.
दिवा च रत्तो च मया उपट्ठिता, तपस्सिना जोतिरिवा वने वसं।
Divā ca ratto ca mayā upaṭṭhitā, tapassinā jotirivā vane vasaṃ;
सा धम्ममुक्कम्म अधम्ममाचरि, अकिरियरूपो पमदाहि सन्थवो॥
Sā dhammamukkamma adhammamācari, akiriyarūpo pamadāhi santhavo.
९३.
93.
सरीरमज्झम्हि ठितातिमञ्ञहं, मय्हं अयन्ति असतिं असञ्ञतं।
Sarīramajjhamhi ṭhitātimaññahaṃ, mayhaṃ ayanti asatiṃ asaññataṃ;
सा धम्ममुक्कम्म अधम्ममाचरि, अकिरियरूपो पमदाहि सन्थवो॥
Sā dhammamukkamma adhammamācari, akiriyarūpo pamadāhi santhavo.
९४.
94.
सुरक्खितं मेति कथं नु विस्ससे, अनेकचित्तासु न हत्थि 11 रक्खणा।
Surakkhitaṃ meti kathaṃ nu vissase, anekacittāsu na hatthi 12 rakkhaṇā;
एता हि पातालपपातसन्निभा, एत्थप्पमत्तो ब्यसनं निगच्छति॥
Etā hi pātālapapātasannibhā, etthappamatto byasanaṃ nigacchati.
९५.
95.
तस्मा हि ते सुखिनो वीतसोका, ये मातुगामेहि चरन्ति निस्सटा।
Tasmā hi te sukhino vītasokā, ye mātugāmehi caranti nissaṭā;
एतं सिवं उत्तममाभिपत्थयं, न मातुगामेहि करेय्य सन्थवन्ति॥
Etaṃ sivaṃ uttamamābhipatthayaṃ, na mātugāmehi kareyya santhavanti.
समुग्गजातकं दसमं।
Samuggajātakaṃ dasamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / जातक-अट्ठकथा • Jātaka-aṭṭhakathā / [४३६] १०. समुग्गजातकवण्णना • [436] 10. Samuggajātakavaṇṇanā
