| Library / Tipiṭaka / តិបិដក • Tipiṭaka / ជាតកបាឡិ • Jātakapāḷi |
៤៣៦. សមុគ្គជាតកំ (១០)
436. Samuggajātakaṃ (10)
៨៧.
87.
កុតោ នុ អាគច្ឆថ ភោ តយោ ជនា, ស្វាគតា ឯថ 1 និសីទថាសនេ;
Kuto nu āgacchatha bho tayo janā, svāgatā etha 2 nisīdathāsane;
កច្ចិត្ថ ភោន្តោ កុសលំ អនាមយំ, ចិរស្សមព្ភាគមនំ ហិ វោ ឥធ។
Kaccittha bhonto kusalaṃ anāmayaṃ, cirassamabbhāgamanaṃ hi vo idha.
៨៨.
88.
អហមេវ ឯកោ ឥធ មជ្ជ បត្តោ, ន ចាបិ មេ ទុតិយោ កោចិ វិជ្ជតិ;
Ahameva eko idha majja patto, na cāpi me dutiyo koci vijjati;
កិមេវ សន្ធាយ តេ ភាសិតំ ឥសេ, ‘‘កុតោ នុ អាគច្ឆថ ភោ តយោ ជនា’’។
Kimeva sandhāya te bhāsitaṃ ise, ‘‘kuto nu āgacchatha bho tayo janā’’.
៨៩.
89.
តុវញ្ច ឯកោ ភរិយា ច តេ បិយា, សមុគ្គបក្ខិត្តនិកិណ្ណមន្តរេ ;
Tuvañca eko bhariyā ca te piyā, samuggapakkhittanikiṇṇamantare ;
៩០.
90.
សំវិគ្គរូបោ ឥសិនា វិយាកតោ 7, សោ ទានវោ តត្ថ សមុគ្គមុគ្គិលិ;
Saṃviggarūpo isinā viyākato 8, so dānavo tattha samuggamuggili;
អទ្ទក្ខិ ភរិយំ សុចិ មាលធារិនិំ, វាយុស្ស បុត្តេន សហា តហិំ រតំ។
Addakkhi bhariyaṃ suci māladhāriniṃ, vāyussa puttena sahā tahiṃ rataṃ.
៩១.
91.
សុទិដ្ឋរូបមុគ្គតបានុវត្តិនា 9, ហីនា នរា យេ បមទាវសំ គតា;
Sudiṭṭharūpamuggatapānuvattinā 10, hīnā narā ye pamadāvasaṃ gatā;
យថា ហវេ បាណរិវេត្ថ រក្ខិតា, ទុដ្ឋា មយី អញ្ញមភិប្បមោទយិ។
Yathā have pāṇarivettha rakkhitā, duṭṭhā mayī aññamabhippamodayi.
៩២.
92.
ទិវា ច រត្តោ ច មយា ឧបដ្ឋិតា, តបស្សិនា ជោតិរិវា វនេ វសំ;
Divā ca ratto ca mayā upaṭṭhitā, tapassinā jotirivā vane vasaṃ;
សា ធម្មមុក្កម្ម អធម្មមាចរិ, អកិរិយរូបោ បមទាហិ សន្ថវោ។
Sā dhammamukkamma adhammamācari, akiriyarūpo pamadāhi santhavo.
៩៣.
93.
សរីរមជ្ឈម្ហិ ឋិតាតិមញ្ញហំ, មយ្ហំ អយន្តិ អសតិំ អសញ្ញតំ;
Sarīramajjhamhi ṭhitātimaññahaṃ, mayhaṃ ayanti asatiṃ asaññataṃ;
សា ធម្មមុក្កម្ម អធម្មមាចរិ, អកិរិយរូបោ បមទាហិ សន្ថវោ។
Sā dhammamukkamma adhammamācari, akiriyarūpo pamadāhi santhavo.
៩៤.
94.
សុរក្ខិតំ មេតិ កថំ នុ វិស្សសេ, អនេកចិត្តាសុ ន ហត្ថិ 11 រក្ខណា;
Surakkhitaṃ meti kathaṃ nu vissase, anekacittāsu na hatthi 12 rakkhaṇā;
ឯតា ហិ បាតាលបបាតសន្និភា, ឯត្ថប្បមត្តោ ព្យសនំ និគច្ឆតិ។
Etā hi pātālapapātasannibhā, etthappamatto byasanaṃ nigacchati.
៩៥.
95.
តស្មា ហិ តេ សុខិនោ វីតសោកា, យេ មាតុគាមេហិ ចរន្តិ និស្សដា;
Tasmā hi te sukhino vītasokā, ye mātugāmehi caranti nissaṭā;
ឯតំ សិវំ ឧត្តមមាភិបត្ថយំ, ន មាតុគាមេហិ ករេយ្យ សន្ថវន្តិ។
Etaṃ sivaṃ uttamamābhipatthayaṃ, na mātugāmehi kareyya santhavanti.
សមុគ្គជាតកំ ទសមំ។
Samuggajātakaṃ dasamaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ជាតក-អដ្ឋកថា • Jātaka-aṭṭhakathā / [៤៣៦] ១០. សមុគ្គជាតកវណ្ណនា • [436] 10. Samuggajātakavaṇṇanā
