| Library / Tipiṭaka / ਤਿਪਿਟਕ • Tipiṭaka / ਜਾਤਕਪਾਲ਼ਿ • Jātakapāḷi |
੪੩੬. ਸਮੁਗ੍ਗਜਾਤਕਂ (੧੦)
436. Samuggajātakaṃ (10)
੮੭.
87.
ਕੁਤੋ ਨੁ ਆਗਚ੍ਛਥ ਭੋ ਤਯੋ ਜਨਾ, ਸ੍વਾਗਤਾ ਏਥ 1 ਨਿਸੀਦਥਾਸਨੇ।
Kuto nu āgacchatha bho tayo janā, svāgatā etha 2 nisīdathāsane;
ਕਚ੍ਚਿਤ੍ਥ ਭੋਨ੍ਤੋ ਕੁਸਲਂ ਅਨਾਮਯਂ, ਚਿਰਸ੍ਸਮਬ੍ਭਾਗਮਨਂ ਹਿ વੋ ਇਧ॥
Kaccittha bhonto kusalaṃ anāmayaṃ, cirassamabbhāgamanaṃ hi vo idha.
੮੮.
88.
ਅਹਮੇવ ਏਕੋ ਇਧ ਮਜ੍ਜ ਪਤ੍ਤੋ, ਨ ਚਾਪਿ ਮੇ ਦੁਤਿਯੋ ਕੋਚਿ વਿਜ੍ਜਤਿ।
Ahameva eko idha majja patto, na cāpi me dutiyo koci vijjati;
ਕਿਮੇવ ਸਨ੍ਧਾਯ ਤੇ ਭਾਸਿਤਂ ਇਸੇ, ‘‘ਕੁਤੋ ਨੁ ਆਗਚ੍ਛਥ ਭੋ ਤਯੋ ਜਨਾ’’॥
Kimeva sandhāya te bhāsitaṃ ise, ‘‘kuto nu āgacchatha bho tayo janā’’.
੮੯.
89.
ਤੁવਞ੍ਚ ਏਕੋ ਭਰਿਯਾ ਚ ਤੇ ਪਿਯਾ, ਸਮੁਗ੍ਗਪਕ੍ਖਿਤ੍ਤਨਿਕਿਣ੍ਣਮਨ੍ਤਰੇ ।
Tuvañca eko bhariyā ca te piyā, samuggapakkhittanikiṇṇamantare ;
੯੦.
90.
ਸਂવਿਗ੍ਗਰੂਪੋ ਇਸਿਨਾ વਿਯਾਕਤੋ 7, ਸੋ ਦਾਨવੋ ਤਤ੍ਥ ਸਮੁਗ੍ਗਮੁਗ੍ਗਿਲਿ।
Saṃviggarūpo isinā viyākato 8, so dānavo tattha samuggamuggili;
ਅਦ੍ਦਕ੍ਖਿ ਭਰਿਯਂ ਸੁਚਿ ਮਾਲਧਾਰਿਨਿਂ, વਾਯੁਸ੍ਸ ਪੁਤ੍ਤੇਨ ਸਹਾ ਤਹਿਂ ਰਤਂ॥
Addakkhi bhariyaṃ suci māladhāriniṃ, vāyussa puttena sahā tahiṃ rataṃ.
੯੧.
91.
ਸੁਦਿਟ੍ਠਰੂਪਮੁਗ੍ਗਤਪਾਨੁવਤ੍ਤਿਨਾ 9, ਹੀਨਾ ਨਰਾ ਯੇ ਪਮਦਾવਸਂ ਗਤਾ।
Sudiṭṭharūpamuggatapānuvattinā 10, hīnā narā ye pamadāvasaṃ gatā;
ਯਥਾ ਹવੇ ਪਾਣਰਿવੇਤ੍ਥ ਰਕ੍ਖਿਤਾ, ਦੁਟ੍ਠਾ ਮਯੀ ਅਞ੍ਞਮਭਿਪ੍ਪਮੋਦਯਿ॥
Yathā have pāṇarivettha rakkhitā, duṭṭhā mayī aññamabhippamodayi.
੯੨.
92.
ਦਿવਾ ਚ ਰਤ੍ਤੋ ਚ ਮਯਾ ਉਪਟ੍ਠਿਤਾ, ਤਪਸ੍ਸਿਨਾ ਜੋਤਿਰਿવਾ વਨੇ વਸਂ।
Divā ca ratto ca mayā upaṭṭhitā, tapassinā jotirivā vane vasaṃ;
ਸਾ ਧਮ੍ਮਮੁਕ੍ਕਮ੍ਮ ਅਧਮ੍ਮਮਾਚਰਿ, ਅਕਿਰਿਯਰੂਪੋ ਪਮਦਾਹਿ ਸਨ੍ਥવੋ॥
Sā dhammamukkamma adhammamācari, akiriyarūpo pamadāhi santhavo.
੯੩.
93.
ਸਰੀਰਮਜ੍ਝਮ੍ਹਿ ਠਿਤਾਤਿਮਞ੍ਞਹਂ, ਮਯ੍ਹਂ ਅਯਨ੍ਤਿ ਅਸਤਿਂ ਅਸਞ੍ਞਤਂ।
Sarīramajjhamhi ṭhitātimaññahaṃ, mayhaṃ ayanti asatiṃ asaññataṃ;
ਸਾ ਧਮ੍ਮਮੁਕ੍ਕਮ੍ਮ ਅਧਮ੍ਮਮਾਚਰਿ, ਅਕਿਰਿਯਰੂਪੋ ਪਮਦਾਹਿ ਸਨ੍ਥવੋ॥
Sā dhammamukkamma adhammamācari, akiriyarūpo pamadāhi santhavo.
੯੪.
94.
ਸੁਰਕ੍ਖਿਤਂ ਮੇਤਿ ਕਥਂ ਨੁ વਿਸ੍ਸਸੇ, ਅਨੇਕਚਿਤ੍ਤਾਸੁ ਨ ਹਤ੍ਥਿ 11 ਰਕ੍ਖਣਾ।
Surakkhitaṃ meti kathaṃ nu vissase, anekacittāsu na hatthi 12 rakkhaṇā;
ਏਤਾ ਹਿ ਪਾਤਾਲਪਪਾਤਸਨ੍ਨਿਭਾ, ਏਤ੍ਥਪ੍ਪਮਤ੍ਤੋ ਬ੍ਯਸਨਂ ਨਿਗਚ੍ਛਤਿ॥
Etā hi pātālapapātasannibhā, etthappamatto byasanaṃ nigacchati.
੯੫.
95.
ਤਸ੍ਮਾ ਹਿ ਤੇ ਸੁਖਿਨੋ વੀਤਸੋਕਾ, ਯੇ ਮਾਤੁਗਾਮੇਹਿ ਚਰਨ੍ਤਿ ਨਿਸ੍ਸਟਾ।
Tasmā hi te sukhino vītasokā, ye mātugāmehi caranti nissaṭā;
ਏਤਂ ਸਿવਂ ਉਤ੍ਤਮਮਾਭਿਪਤ੍ਥਯਂ, ਨ ਮਾਤੁਗਾਮੇਹਿ ਕਰੇਯ੍ਯ ਸਨ੍ਥવਨ੍ਤਿ॥
Etaṃ sivaṃ uttamamābhipatthayaṃ, na mātugāmehi kareyya santhavanti.
ਸਮੁਗ੍ਗਜਾਤਕਂ ਦਸਮਂ।
Samuggajātakaṃ dasamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਜਾਤਕ-ਅਟ੍ਠਕਥਾ • Jātaka-aṭṭhakathā / [੪੩੬] ੧੦. ਸਮੁਗ੍ਗਜਾਤਕવਣ੍ਣਨਾ • [436] 10. Samuggajātakavaṇṇanā
