| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੮. ਸਮੁਗ੍ਘਾਤਸਾਰੁਪ੍ਪਸੁਤ੍ਤਂ
8. Samugghātasāruppasuttaṃ
੩੦. ‘‘ਸਬ੍ਬਮਞ੍ਞਿਤਸਮੁਗ੍ਘਾਤਸਾਰੁਪ੍ਪਂ વੋ, ਭਿਕ੍ਖવੇ, ਪਟਿਪਦਂ ਦੇਸੇਸ੍ਸਾਮਿ। ਤਂ ਸੁਣਾਥ, ਸਾਧੁਕਂ ਮਨਸਿ ਕਰੋਥ; ਭਾਸਿਸ੍ਸਾਮੀਤਿ। ਕਤਮਾ ਚ ਸਾ, ਭਿਕ੍ਖવੇ, ਸਬ੍ਬਮਞ੍ਞਿਤਸਮੁਗ੍ਘਾਤਸਾਰੁਪ੍ਪਾ ਪਟਿਪਦਾ? ਇਧ, ਭਿਕ੍ਖવੇ, ਭਿਕ੍ਖੁ ਚਕ੍ਖੁਂ ਨ ਮਞ੍ਞਤਿ, ਚਕ੍ਖੁਸ੍ਮਿਂ ਨ ਮਞ੍ਞਤਿ, ਚਕ੍ਖੁਤੋ ਨ ਮਞ੍ਞਤਿ, ਚਕ੍ਖੁਂ ਮੇਤਿ ਨ ਮਞ੍ਞਤਿ। ਰੂਪੇ ਨ ਮਞ੍ਞਤਿ, ਰੂਪੇਸੁ ਨ ਮਞ੍ਞਤਿ, ਰੂਪਤੋ ਨ ਮਞ੍ਞਤਿ, ਰੂਪਾ ਮੇਤਿ ਨ ਮਞ੍ਞਤਿ। ਚਕ੍ਖੁવਿਞ੍ਞਾਣਂ ਨ ਮਞ੍ਞਤਿ, ਚਕ੍ਖੁવਿਞ੍ਞਾਣਸ੍ਮਿਂ ਨ ਮਞ੍ਞਤਿ, ਚਕ੍ਖੁવਿਞ੍ਞਾਣਤੋ ਨ ਮਞ੍ਞਤਿ, ਚਕ੍ਖੁવਿਞ੍ਞਾਣਂ ਮੇਤਿ ਨ ਮਞ੍ਞਤਿ। ਚਕ੍ਖੁਸਮ੍ਫਸ੍ਸਂ ਨ ਮਞ੍ਞਤਿ, ਚਕ੍ਖੁਸਮ੍ਫਸ੍ਸਸ੍ਮਿਂ ਨ ਮਞ੍ਞਤਿ, ਚਕ੍ਖੁਸਮ੍ਫਸ੍ਸਤੋ ਨ ਮਞ੍ਞਤਿ, ਚਕ੍ਖੁਸਮ੍ਫਸ੍ਸੋ ਮੇਤਿ ਨ ਮਞ੍ਞਤਿ। ਯਮ੍ਪਿਦਂ ਚਕ੍ਖੁਸਮ੍ਫਸ੍ਸਪਚ੍ਚਯਾ ਉਪ੍ਪਜ੍ਜਤਿ વੇਦਯਿਤਂ ਸੁਖਂ વਾ ਦੁਕ੍ਖਂ વਾ ਅਦੁਕ੍ਖਮਸੁਖਂ વਾ ਤਮ੍ਪਿ ਨ ਮਞ੍ਞਤਿ , ਤਸ੍ਮਿਮ੍ਪਿ ਨ ਮਞ੍ਞਤਿ, ਤਤੋਪਿ ਨ ਮਞ੍ਞਤਿ, ਤਂ ਮੇਤਿ ਨ ਮਞ੍ਞਤਿ…ਪੇ॰… ਜਿવ੍ਹਂ ਨ ਮਞ੍ਞਤਿ, ਜਿવ੍ਹਾਯ ਨ ਮਞ੍ਞਤਿ, ਜਿવ੍ਹਾਤੋ ਨ ਮਞ੍ਞਤਿ, ਜਿવ੍ਹਾ ਮੇਤਿ ਨ ਮਞ੍ਞਤਿ। ਰਸੇ ਨ ਮਞ੍ਞਤਿ, ਰਸੇਸੁ ਨ ਮਞ੍ਞਤਿ, ਰਸਤੋ ਨ ਮਞ੍ਞਤਿ, ਰਸਾ ਮੇਤਿ ਨ ਮਞ੍ਞਤਿ। ਜਿવ੍ਹਾવਿਞ੍ਞਾਣਂ ਨ ਮਞ੍ਞਤਿ, ਜਿવ੍ਹਾવਿਞ੍ਞਾਣਸ੍ਮਿਂ ਨ ਮਞ੍ਞਤਿ, ਜਿવ੍ਹਾવਿਞ੍ਞਾਣਤੋ ਨ ਮਞ੍ਞਤਿ, ਜਿવ੍ਹਾવਿਞ੍ਞਾਣਂ ਮੇਤਿ ਨ ਮਞ੍ਞਤਿ। ਜਿવ੍ਹਾਸਮ੍ਫਸ੍ਸਂ ਨ ਮਞ੍ਞਤਿ, ਜਿવ੍ਹਾਸਮ੍ਫਸ੍ਸਸ੍ਮਿਂ ਨ ਮਞ੍ਞਤਿ, ਜਿવ੍ਹਾਸਮ੍ਫਸ੍ਸਤੋ ਨ ਮਞ੍ਞਤਿ, ਜਿવ੍ਹਾਸਮ੍ਫਸ੍ਸੋ ਮੇਤਿ ਨ ਮਞ੍ਞਤਿ। ਯਮ੍ਪਿਦਂ ਜਿવ੍ਹਾਸਮ੍ਫਸ੍ਸਪਚ੍ਚਯਾ ਉਪ੍ਪਜ੍ਜਤਿ વੇਦਯਿਤਂ ਸੁਖਂ વਾ ਦੁਕ੍ਖਂ વਾ ਅਦੁਕ੍ਖਮਸੁਖਂ વਾ ਤਮ੍ਪਿ ਨ ਮਞ੍ਞਤਿ, ਤਸ੍ਮਿਮ੍ਪਿ ਨ ਮਞ੍ਞਤਿ, ਤਤੋਪਿ ਨ ਮਞ੍ਞਤਿ, ਤਂ ਮੇਤਿ ਨ ਮਞ੍ਞਤਿ…ਪੇ॰… ਮਨਂ ਨ ਮਞ੍ਞਤਿ, ਮਨਸ੍ਮਿਂ ਨ ਮਞ੍ਞਤਿ, ਮਨਤੋ ਨ ਮਞ੍ਞਤਿ, ਮਨੋ ਮੇਤਿ ਨ ਮਞ੍ਞਤਿ। ਧਮ੍ਮੇ ਨ ਮਞ੍ਞਤਿ, ਧਮ੍ਮੇਸੁ ਨ ਮਞ੍ਞਤਿ, ਧਮ੍ਮਤੋ ਨ ਮਞ੍ਞਤਿ, ਧਮ੍ਮਾ ਮੇਤਿ ਨ ਮਞ੍ਞਤਿ। ਮਨੋવਿਞ੍ਞਾਣਂ ਨ ਮਞ੍ਞਤਿ, ਮਨੋવਿਞ੍ਞਾਣਸ੍ਮਿਂ ਨ ਮਞ੍ਞਤਿ, ਮਨੋવਿਞ੍ਞਾਣਤੋ ਨ ਮਞ੍ਞਤਿ, ਮਨੋવਿਞ੍ਞਾਣਂ ਮੇਤਿ ਨ ਮਞ੍ਞਤਿ। ਮਨੋਸਮ੍ਫਸ੍ਸਂ ਨ ਮਞ੍ਞਤਿ, ਮਨੋਸਮ੍ਫਸ੍ਸਸ੍ਮਿਂ ਨ ਮਞ੍ਞਤਿ, ਮਨੋਸਮ੍ਫਸ੍ਸਤੋ ਨ ਮਞ੍ਞਤਿ, ਮਨੋਸਮ੍ਫਸ੍ਸੋ ਮੇਤਿ ਨ ਮਞ੍ਞਤਿ । ਯਮ੍ਪਿਦਂ ਮਨੋਸਮ੍ਫਸ੍ਸਪਚ੍ਚਯਾ ਉਪ੍ਪਜ੍ਜਤਿ વੇਦਯਿਤਂ ਸੁਖਂ વਾ ਦੁਕ੍ਖਂ વਾ ਅਦੁਕ੍ਖਮਸੁਖਂ વਾ ਤਮ੍ਪਿ ਨ ਮਞ੍ਞਤਿ, ਤਸ੍ਮਿਮ੍ਪਿ ਨ ਮਞ੍ਞਤਿ, ਤਤੋਪਿ ਨ ਮਞ੍ਞਤਿ, ਤਂ ਮੇਤਿ ਨ ਮਞ੍ਞਤਿ। ਸਬ੍ਬਂ ਨ ਮਞ੍ਞਤਿ, ਸਬ੍ਬਸ੍ਮਿਂ ਨ ਮਞ੍ਞਤਿ, ਸਬ੍ਬਤੋ ਨ ਮਞ੍ਞਤਿ, ਸਬ੍ਬਂ ਮੇਤਿ ਨ ਮਞ੍ਞਤਿ। ਸੋ ਏવਂ ਅਮਞ੍ਞਮਾਨੋ ਨ ਚ ਕਿਞ੍ਚਿ ਲੋਕੇ ਉਪਾਦਿਯਤਿ। ਅਨੁਪਾਦਿਯਂ ਨ ਪਰਿਤਸ੍ਸਤਿ। ਅਪਰਿਤਸ੍ਸਂ ਪਚ੍ਚਤ੍ਤਞ੍ਞੇવ ਪਰਿਨਿਬ੍ਬਾਯਤਿ। ‘ਖੀਣਾ ਜਾਤਿ, વੁਸਿਤਂ ਬ੍ਰਹ੍ਮਚਰਿਯਂ, ਕਤਂ ਕਰਣੀਯਂ, ਨਾਪਰਂ ਇਤ੍ਥਤ੍ਤਾਯਾ’ਤਿ ਪਜਾਨਾਤਿ। ਅਯਂ ਖੋ ਸਾ, ਭਿਕ੍ਖવੇ, ਸਬ੍ਬਮਞ੍ਞਿਤਸਮੁਗ੍ਘਾਤਸਾਰੁਪ੍ਪਾ ਪਟਿਪਦਾ’’ਤਿ। ਅਟ੍ਠਮਂ।
30. ‘‘Sabbamaññitasamugghātasāruppaṃ vo, bhikkhave, paṭipadaṃ desessāmi. Taṃ suṇātha, sādhukaṃ manasi karotha; bhāsissāmīti. Katamā ca sā, bhikkhave, sabbamaññitasamugghātasāruppā paṭipadā? Idha, bhikkhave, bhikkhu cakkhuṃ na maññati, cakkhusmiṃ na maññati, cakkhuto na maññati, cakkhuṃ meti na maññati. Rūpe na maññati, rūpesu na maññati, rūpato na maññati, rūpā meti na maññati. Cakkhuviññāṇaṃ na maññati, cakkhuviññāṇasmiṃ na maññati, cakkhuviññāṇato na maññati, cakkhuviññāṇaṃ meti na maññati. Cakkhusamphassaṃ na maññati, cakkhusamphassasmiṃ na maññati, cakkhusamphassato na maññati, cakkhusamphasso meti na maññati. Yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi na maññati , tasmimpi na maññati, tatopi na maññati, taṃ meti na maññati…pe… jivhaṃ na maññati, jivhāya na maññati, jivhāto na maññati, jivhā meti na maññati. Rase na maññati, rasesu na maññati, rasato na maññati, rasā meti na maññati. Jivhāviññāṇaṃ na maññati, jivhāviññāṇasmiṃ na maññati, jivhāviññāṇato na maññati, jivhāviññāṇaṃ meti na maññati. Jivhāsamphassaṃ na maññati, jivhāsamphassasmiṃ na maññati, jivhāsamphassato na maññati, jivhāsamphasso meti na maññati. Yampidaṃ jivhāsamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi na maññati, tasmimpi na maññati, tatopi na maññati, taṃ meti na maññati…pe… manaṃ na maññati, manasmiṃ na maññati, manato na maññati, mano meti na maññati. Dhamme na maññati, dhammesu na maññati, dhammato na maññati, dhammā meti na maññati. Manoviññāṇaṃ na maññati, manoviññāṇasmiṃ na maññati, manoviññāṇato na maññati, manoviññāṇaṃ meti na maññati. Manosamphassaṃ na maññati, manosamphassasmiṃ na maññati, manosamphassato na maññati, manosamphasso meti na maññati . Yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi na maññati, tasmimpi na maññati, tatopi na maññati, taṃ meti na maññati. Sabbaṃ na maññati, sabbasmiṃ na maññati, sabbato na maññati, sabbaṃ meti na maññati. So evaṃ amaññamāno na ca kiñci loke upādiyati. Anupādiyaṃ na paritassati. Aparitassaṃ paccattaññeva parinibbāyati. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāti. Ayaṃ kho sā, bhikkhave, sabbamaññitasamugghātasāruppā paṭipadā’’ti. Aṭṭhamaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੮. ਸਮੁਗ੍ਘਾਤਸਾਰੁਪ੍ਪਸੁਤ੍ਤવਣ੍ਣਨਾ • 8. Samugghātasāruppasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੮. ਸਮੁਗ੍ਘਾਤਸਾਰੁਪ੍ਪਸੁਤ੍ਤવਣ੍ਣਨਾ • 8. Samugghātasāruppasuttavaṇṇanā
