| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
8. ஸமுக்³கா⁴தஸாருப்பஸுத்தவண்ணனா
8. Samugghātasāruppasuttavaṇṇanā
30. அட்ட²மே ஸப்³ப³மஞ்ஞிதஸமுக்³கா⁴தஸாருப்பந்தி ஸப்³பே³ஸங் தண்ஹாமானதி³ட்டி²மஞ்ஞிதானங் ஸமுக்³கா⁴தாய அனுச்ச²விகங். இதா⁴தி இமஸ்மிங் ஸாஸனே. சக்கு²ங் ந மஞ்ஞதீதி சக்கு²ங் அஹந்தி வா மமந்தி வா பரோதி வா பரஸ்ஸாதி வா ந மஞ்ஞதி. சக்கு²ஸ்மிங் ந மஞ்ஞதீதி அஹங் சக்கு²ஸ்மிங், மம கிஞ்சனபலிபோ³தோ⁴ சக்கு²ஸ்மிங் பரோ சக்கு²ஸ்மிங், பரஸ்ஸ கிஞ்சனபலிபோ³தோ⁴ சக்கு²ஸ்மிந்தி ந மஞ்ஞதி. சக்கு²தோ ந மஞ்ஞதீதி அஹங் சக்கு²தோ நிக்³க³தோ, மம கிஞ்சனபலிபோ³தோ⁴ சக்கு²தோ நிக்³க³தோ, பரோ சக்கு²தோ நிக்³க³தோ, பரஸ்ஸ கிஞ்சனபலிபோ³தோ⁴ சக்கு²தோ நிக்³க³தோதி ஏவம்பி ந மஞ்ஞதி, தண்ஹாமானதி³ட்டி²மஞ்ஞனானங் ஏகம்பி ந உப்பாதே³தீதி அத்தோ². சக்கு²ங் மேதி ந மஞ்ஞதீதி மம சக்கூ²தி ந மஞ்ஞதி, மமத்தபூ⁴தங் தண்ஹாமஞ்ஞனங் ந உப்பாதே³தீதி அத்தோ². ஸேஸங் உத்தானமேவாதி. இமஸ்மிங் ஸுத்தே சதுசத்தாலீஸாய டா²னேஸு அரஹத்தங் பாபெத்வா விபஸ்ஸனா கதி²தா.
30. Aṭṭhame sabbamaññitasamugghātasāruppanti sabbesaṃ taṇhāmānadiṭṭhimaññitānaṃ samugghātāya anucchavikaṃ. Idhāti imasmiṃ sāsane. Cakkhuṃ na maññatīti cakkhuṃ ahanti vā mamanti vā paroti vā parassāti vā na maññati. Cakkhusmiṃ na maññatīti ahaṃ cakkhusmiṃ, mama kiñcanapalibodho cakkhusmiṃ paro cakkhusmiṃ, parassa kiñcanapalibodho cakkhusminti na maññati. Cakkhuto na maññatīti ahaṃ cakkhuto niggato, mama kiñcanapalibodho cakkhuto niggato, paro cakkhuto niggato, parassa kiñcanapalibodho cakkhuto niggatoti evampi na maññati, taṇhāmānadiṭṭhimaññanānaṃ ekampi na uppādetīti attho. Cakkhuṃ meti na maññatīti mama cakkhūti na maññati, mamattabhūtaṃ taṇhāmaññanaṃ na uppādetīti attho. Sesaṃ uttānamevāti. Imasmiṃ sutte catucattālīsāya ṭhānesu arahattaṃ pāpetvā vipassanā kathitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 8. ஸமுக்³கா⁴தஸாருப்பஸுத்தங் • 8. Samugghātasāruppasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 8. ஸமுக்³கா⁴தஸாருப்பஸுத்தவண்ணனா • 8. Samugghātasāruppasuttavaṇṇanā
