| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
8. самуг̇гхаад̇асааруббасуд̇д̇аван̣н̣анаа
8. Samugghātasāruppasuttavaṇṇanā
30. ман̃н̃ид̇ам̣ наама д̇ан̣хаамаанад̣̇идтийхи г̇ахзд̇аб̣б̣ам̣ ман̃н̃ид̇ам̣. саб̣б̣асмим̣ ман̃н̃ид̇анд̇и саб̣б̣аман̃н̃ид̇ам̣, д̇асса самуг̇гхаад̇о сзд̇угхаад̇о, д̇ад̣̇аавахам̣ саб̣б̣аман̃н̃ид̇асамуг̇гхаад̇асааруббам̣. адтагат̇ааяам̣ бана ‘‘ман̃н̃ид̇ам̣ наама жагкаад̣̇ийсу зва уббаж̇ж̇ад̇и, наан̃н̃асми’’нд̇и д̣̇уд̇ияанаяо вуд̇д̇о. анужчавиганд̇и ануруубам̣ авиломам̣. ид̇хаад̇и ид̇хзва саасанз ан̃н̃ад̇т̇а д̇ад̣̇абхаавад̇о. ‘‘д̇ан̣хаа-маанад̣̇идтиман̃н̃ид̇аана’’нд̇и вуд̇д̇ам̣ ман̃н̃ид̇ад̇д̇аяам̣ сабарасанд̇аанзсу бадибагкавасзна яож̇зд̇ваа д̣̇ассзд̇ум̣ ‘‘жагкум̣ аханд̇и ваа’’д̇иаад̣̇и вуд̇д̇ам̣. д̇ад̇т̇а ‘‘жагкум̣ аха’’нд̇и иминаа аж̇жхад̇д̇ависаяам̣ д̣̇идтиман̃н̃ид̇ан̃жа д̣̇ассзд̇и ад̇д̇аабхинивзсаахам̣гаарад̣̇ийбанад̇о. ‘‘мама’’нд̇и иминаа д̇ан̣хааман̃н̃ид̇ам̣ маанаман̃н̃ид̇амби ваа, бариг̇г̇ахамукзнаби сзяяаад̣̇ид̇о маануббаж̇ж̇анад̇о. сзсабад̣̇ад̣̇ваязби иминаа наязна ман̃н̃ид̇авибхааг̇о взд̣̇ид̇аб̣б̣о. аханд̇и ад̇д̇аава, со жа жагкусмим̣ д̇ад̣̇ад̇хийнавуд̇д̇ид̇д̇аа ‘‘баро’’д̇и на ман̃н̃ад̇и. мама гин̃жанабалиб̣од̇хо жагкусмим̣ сад̇и лаб̣бханад̇о, асад̇и на ман̃н̃ад̇и д̇ат̇ааман̃н̃ид̇асса бажжаяагхаад̇ад̇о. сзсабад̣̇ад̣̇ваязби зсзва наяо.
30. Maññitaṃ nāma taṇhāmānadiṭṭhīhi gahetabbaṃ maññitaṃ. Sabbasmiṃ maññitanti sabbamaññitaṃ, tassa samugghāto setughāto, tadāvahaṃ sabbamaññitasamugghātasāruppaṃ. Aṭṭhakathāyaṃ pana ‘‘maññitaṃ nāma cakkhādīsu eva uppajjati, nāññasmi’’nti dutiyanayo vutto. Anucchavikanti anurūpaṃ avilomaṃ. Idhāti idheva sāsane aññattha tadabhāvato. ‘‘Taṇhā-mānadiṭṭhimaññitāna’’nti vuttaṃ maññitattayaṃ saparasantānesu paṭipakkhavasena yojetvā dassetuṃ ‘‘cakkhuṃ ahanti vā’’tiādi vuttaṃ. Tattha ‘‘cakkhuṃ aha’’nti iminā ajjhattavisayaṃ diṭṭhimaññitañca dasseti attābhinivesāhaṃkāradīpanato. ‘‘Mama’’nti iminā taṇhāmaññitaṃ mānamaññitampi vā, pariggahamukhenapi seyyādito mānuppajjanato. Sesapadadvayepi iminā nayena maññitavibhāgo veditabbo. Ahanti attāva, so ca cakkhusmiṃ tadadhīnavuttittā ‘‘paro’’ti na maññati. Mama kiñcanapalibodho cakkhusmiṃ sati labbhanato, asati na maññati tathāmaññitassa paccayaghātato. Sesapadadvayepi eseva nayo.
ахам̣ жагкуд̇о ниг̇г̇ад̇од̇и ‘‘аха’’нд̇и вад̇д̇аб̣б̣о аяам̣ сад̇д̇о жагкуд̇о ниг̇г̇ад̇о д̇ад̇т̇а сукумаагаарзна убалаб̣бханад̇о. мама гин̃жанабалиб̣од̇хо жагкуд̇о ниг̇г̇ад̇о д̇асмим̣ сад̇и зва убалаб̣бханад̇о . сзсад̣̇ваязби зсзва наяо. д̇ад̇т̇а барод̇и баро сад̇д̇о. мама жагкууд̇и на ман̃н̃ад̇и яасса д̇ам̣ жагку, д̇асса ‘‘аха’’нд̇и вад̇д̇аб̣б̣ассзва абхаавад̇о. мамад̇д̇абхууд̇анд̇и мама гааран̣ам̣. сзсам̣ уд̇д̇аанамзва. звамзд̇асмим̣ суд̇д̇з жагкурууба-жагкувин̃н̃аан̣а-жагкусампасса-сукад̣̇угкаад̣̇угкамасукавасзна сад̇д̇а ваараа жагкуд̣̇ваарз, д̇ат̇аа сод̇ад̣̇ваараад̣̇ийсууд̇и ча сад̇д̇агаа д̣̇взжад̇д̇аалийса. буна саггааяавасзна ‘‘саб̣б̣ам̣ на ман̃н̃ад̇ий’’д̇иаад̣̇инаа вуд̇д̇ам̣, д̇зна д̇зжад̇д̇аалийса. буна д̇збхуумагаваддам̣ ‘‘лого’’д̇и г̇ахзд̇ваа ‘‘на гин̃жи логз убаад̣̇ияад̇ий’’д̇и вуд̇д̇ам̣, д̇зна жад̇ужад̇д̇аалийса хонд̇и. звам̣ саб̣б̣ат̇ааби жад̇ужад̇д̇аалийсааяа таанзсу арахад̇д̇ам̣ баабзд̇ваа вибассанаа гат̇ид̇аад̇и взд̣̇ид̇аб̣б̣аа. ‘‘жад̇ужад̇д̇аалийсаад̇хигасад̇зсуу’’д̇и гзсужи бод̇т̇агзсу ликанд̇и, саа жа бамаад̣̇алзкаа.
Ahaṃ cakkhuto niggatoti ‘‘aha’’nti vattabbo ayaṃ satto cakkhuto niggato tattha sukhumākārena upalabbhanato. Mama kiñcanapalibodho cakkhuto niggato tasmiṃ sati eva upalabbhanato . Sesadvayepi eseva nayo. Tattha paroti paro satto. Mama cakkhūti na maññati yassa taṃ cakkhu, tassa ‘‘aha’’nti vattabbasseva abhāvato. Mamattabhūtanti mama kāraṇaṃ. Sesaṃ uttānameva. Evametasmiṃ sutte cakkhurūpa-cakkhuviññāṇa-cakkhusamphassa-sukhadukkhādukkhamasukhavasena satta vārā cakkhudvāre, tathā sotadvārādīsūti cha sattakā dvecattālīsa. Puna sakkāyavasena ‘‘sabbaṃ na maññatī’’tiādinā vuttaṃ, tena tecattālīsa. Puna tebhūmakavaṭṭaṃ ‘‘loko’’ti gahetvā ‘‘na kiñci loke upādiyatī’’ti vuttaṃ, tena catucattālīsa honti. Evaṃ sabbathāpi catucattālīsāya ṭhānesu arahattaṃ pāpetvā vipassanā kathitāti veditabbā. ‘‘Catucattālīsādhikasatesū’’ti kesuci potthakesu likhanti, sā ca pamādalekhā.
самуг̇гхаад̇асааруббасуд̇д̇аван̣н̣анаа нидтид̇аа.
Samugghātasāruppasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 8. самуг̇гхаад̇асааруббасуд̇д̇ам̣ • 8. Samugghātasāruppasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8. самуг̇гхаад̇асааруббасуд̇д̇аван̣н̣анаа • 8. Samugghātasāruppasuttavaṇṇanā
