| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੮. ਸਮੁਗ੍ਘਾਤਸਾਰੁਪ੍ਪਸੁਤ੍ਤવਣ੍ਣਨਾ
8. Samugghātasāruppasuttavaṇṇanā
੩੦. ਅਟ੍ਠਮੇ ਸਬ੍ਬਮਞ੍ਞਿਤਸਮੁਗ੍ਘਾਤਸਾਰੁਪ੍ਪਨ੍ਤਿ ਸਬ੍ਬੇਸਂ ਤਣ੍ਹਾਮਾਨਦਿਟ੍ਠਿਮਞ੍ਞਿਤਾਨਂ ਸਮੁਗ੍ਘਾਤਾਯ ਅਨੁਚ੍ਛવਿਕਂ। ਇਧਾਤਿ ਇਮਸ੍ਮਿਂ ਸਾਸਨੇ। ਚਕ੍ਖੁਂ ਨ ਮਞ੍ਞਤੀਤਿ ਚਕ੍ਖੁਂ ਅਹਨ੍ਤਿ વਾ ਮਮਨ੍ਤਿ વਾ ਪਰੋਤਿ વਾ ਪਰਸ੍ਸਾਤਿ વਾ ਨ ਮਞ੍ਞਤਿ। ਚਕ੍ਖੁਸ੍ਮਿਂ ਨ ਮਞ੍ਞਤੀਤਿ ਅਹਂ ਚਕ੍ਖੁਸ੍ਮਿਂ, ਮਮ ਕਿਞ੍ਚਨਪਲਿਬੋਧੋ ਚਕ੍ਖੁਸ੍ਮਿਂ ਪਰੋ ਚਕ੍ਖੁਸ੍ਮਿਂ, ਪਰਸ੍ਸ ਕਿਞ੍ਚਨਪਲਿਬੋਧੋ ਚਕ੍ਖੁਸ੍ਮਿਨ੍ਤਿ ਨ ਮਞ੍ਞਤਿ। ਚਕ੍ਖੁਤੋ ਨ ਮਞ੍ਞਤੀਤਿ ਅਹਂ ਚਕ੍ਖੁਤੋ ਨਿਗ੍ਗਤੋ, ਮਮ ਕਿਞ੍ਚਨਪਲਿਬੋਧੋ ਚਕ੍ਖੁਤੋ ਨਿਗ੍ਗਤੋ, ਪਰੋ ਚਕ੍ਖੁਤੋ ਨਿਗ੍ਗਤੋ, ਪਰਸ੍ਸ ਕਿਞ੍ਚਨਪਲਿਬੋਧੋ ਚਕ੍ਖੁਤੋ ਨਿਗ੍ਗਤੋਤਿ ਏવਮ੍ਪਿ ਨ ਮਞ੍ਞਤਿ, ਤਣ੍ਹਾਮਾਨਦਿਟ੍ਠਿਮਞ੍ਞਨਾਨਂ ਏਕਮ੍ਪਿ ਨ ਉਪ੍ਪਾਦੇਤੀਤਿ ਅਤ੍ਥੋ। ਚਕ੍ਖੁਂ ਮੇਤਿ ਨ ਮਞ੍ਞਤੀਤਿ ਮਮ ਚਕ੍ਖੂਤਿ ਨ ਮਞ੍ਞਤਿ, ਮਮਤ੍ਤਭੂਤਂ ਤਣ੍ਹਾਮਞ੍ਞਨਂ ਨ ਉਪ੍ਪਾਦੇਤੀਤਿ ਅਤ੍ਥੋ। ਸੇਸਂ ਉਤ੍ਤਾਨਮੇવਾਤਿ। ਇਮਸ੍ਮਿਂ ਸੁਤ੍ਤੇ ਚਤੁਚਤ੍ਤਾਲੀਸਾਯ ਠਾਨੇਸੁ ਅਰਹਤ੍ਤਂ ਪਾਪੇਤ੍વਾ વਿਪਸ੍ਸਨਾ ਕਥਿਤਾ।
30. Aṭṭhame sabbamaññitasamugghātasāruppanti sabbesaṃ taṇhāmānadiṭṭhimaññitānaṃ samugghātāya anucchavikaṃ. Idhāti imasmiṃ sāsane. Cakkhuṃ na maññatīti cakkhuṃ ahanti vā mamanti vā paroti vā parassāti vā na maññati. Cakkhusmiṃ na maññatīti ahaṃ cakkhusmiṃ, mama kiñcanapalibodho cakkhusmiṃ paro cakkhusmiṃ, parassa kiñcanapalibodho cakkhusminti na maññati. Cakkhuto na maññatīti ahaṃ cakkhuto niggato, mama kiñcanapalibodho cakkhuto niggato, paro cakkhuto niggato, parassa kiñcanapalibodho cakkhuto niggatoti evampi na maññati, taṇhāmānadiṭṭhimaññanānaṃ ekampi na uppādetīti attho. Cakkhuṃ meti na maññatīti mama cakkhūti na maññati, mamattabhūtaṃ taṇhāmaññanaṃ na uppādetīti attho. Sesaṃ uttānamevāti. Imasmiṃ sutte catucattālīsāya ṭhānesu arahattaṃ pāpetvā vipassanā kathitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੮. ਸਮੁਗ੍ਘਾਤਸਾਰੁਪ੍ਪਸੁਤ੍ਤਂ • 8. Samugghātasāruppasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੮. ਸਮੁਗ੍ਘਾਤਸਾਰੁਪ੍ਪਸੁਤ੍ਤવਣ੍ਣਨਾ • 8. Samugghātasāruppasuttavaṇṇanā
