| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
4. саамуг̇ияасуд̇д̇ам̣
4. Sāmugiyasuttaṃ
194. згам̣ самаяам̣ ааяасмаа аананд̣̇о голиязсу вихарад̇и саамуг̇ам̣ наама 1 голияаанам̣ ниг̇амо. ат̇а ко самб̣ахулаа саамуг̇ияаа голияабуд̇д̇аа язнааяасмаа аананд̣̇о д̇знубасан̇гамим̣су; убасан̇гамид̇ваа ааяасманд̇ам̣ аананд̣̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннз ко д̇з саамуг̇ияз голияабуд̇д̇з ааяасмаа аананд̣̇о зд̇ад̣̇авожа –
194. Ekaṃ samayaṃ āyasmā ānando koliyesu viharati sāmugaṃ nāma 2 koliyānaṃ nigamo. Atha kho sambahulā sāmugiyā koliyaputtā yenāyasmā ānando tenupasaṅkamiṃsu; upasaṅkamitvā āyasmantaṃ ānandaṃ abhivādetvā ekamantaṃ nisīdiṃsu. Ekamantaṃ nisinne kho te sāmugiye koliyaputte āyasmā ānando etadavoca –
‘‘жад̇д̇ааримаани, б̣яаг̇гхабаж̇ж̇аа, баарисуд̣̇д̇хибад̇хаанияан̇г̇аани д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна саммад̣̇агкаад̇аани сад̇д̇аанам̣ висуд̣̇д̇хияаа согабарид̣̇зваанам̣ 3 самад̇иггамааяа д̣̇угкад̣̇оманассаанам̣ ад̇т̇ан̇г̇амааяа н̃ааяасса ад̇хиг̇амааяа ниб̣б̣аанасса сажчигирияааяа. гад̇амаани жад̇д̇аари? сийлабаарисуд̣̇д̇хибад̇хаанияан̇г̇ам̣, жид̇д̇абаарисуд̣̇д̇хибад̇хаанияан̇г̇ам̣ , д̣̇идтибаарисуд̣̇д̇хибад̇хаанияан̇г̇ам̣, вимуд̇д̇ибаарисуд̣̇д̇хибад̇хаанияан̇г̇ам̣.
‘‘Cattārimāni, byagghapajjā, pārisuddhipadhāniyaṅgāni tena bhagavatā jānatā passatā arahatā sammāsambuddhena sammadakkhātāni sattānaṃ visuddhiyā sokaparidevānaṃ 4 samatikkamāya dukkhadomanassānaṃ atthaṅgamāya ñāyassa adhigamāya nibbānassa sacchikiriyāya. Katamāni cattāri? Sīlapārisuddhipadhāniyaṅgaṃ, cittapārisuddhipadhāniyaṅgaṃ , diṭṭhipārisuddhipadhāniyaṅgaṃ, vimuttipārisuddhipadhāniyaṅgaṃ.
‘‘гад̇аман̃жа , б̣яаг̇гхабаж̇ж̇аа, сийлабаарисуд̣̇д̇хибад̇хаанияан̇г̇ам̣? ид̇ха, б̣яаг̇гхабаж̇ж̇аа, бхигку сийлаваа ход̇и…бз… самаад̣̇ааяа сигкад̇и сигкаабад̣̇зсу. аяам̣ вужжад̇и, б̣яаг̇гхабаж̇ж̇аа, сийлабаарисуд̣̇д̇хи. ид̇и зваруубим̣ сийлабаарисуд̣̇д̇хим̣ абарибуурам̣ ваа барибуурзссаами барибуурам̣ ваа д̇ад̇т̇а д̇ад̇т̇а бан̃н̃ааяа ануг̇г̇ахзссаамийд̇и, яо д̇ад̇т̇а чанд̣̇о жа вааяаамо жа уссаахо жа уссол̣хий жа аббадивааний жа сад̇и жа самбаж̇ан̃н̃ан̃жа, ид̣̇ам̣ вужжад̇и, б̣яаг̇гхабаж̇ж̇аа, сийлабаарисуд̣̇д̇хибад̇хаанияан̇г̇ам̣.
‘‘Katamañca , byagghapajjā, sīlapārisuddhipadhāniyaṅgaṃ? Idha, byagghapajjā, bhikkhu sīlavā hoti…pe… samādāya sikkhati sikkhāpadesu. Ayaṃ vuccati, byagghapajjā, sīlapārisuddhi. Iti evarūpiṃ sīlapārisuddhiṃ aparipūraṃ vā paripūressāmi paripūraṃ vā tattha tattha paññāya anuggahessāmīti, yo tattha chando ca vāyāmo ca ussāho ca ussoḷhī ca appaṭivānī ca sati ca sampajaññañca, idaṃ vuccati, byagghapajjā, sīlapārisuddhipadhāniyaṅgaṃ.
‘‘гад̇аман̃жа, б̣яаг̇гхабаж̇ж̇аа, жид̇д̇абаарисуд̣̇д̇хибад̇хаанияан̇г̇ам̣? ид̇ха, б̣яаг̇гхабаж̇ж̇аа, бхигку вивижжзва гаамзхи…бз… жад̇уд̇т̇ам̣ жхаанам̣ убасамбаж̇ж̇а вихарад̇и. аяам̣ вужжад̇и, б̣яаг̇гхабаж̇ж̇аа, жид̇д̇абаарисуд̣̇д̇хи. ид̇и зваруубим̣ жид̇д̇абаарисуд̣̇д̇хим̣ абарибуурам̣ ваа барибуурзссаами барибуурам̣ ваа д̇ад̇т̇а д̇ад̇т̇а бан̃н̃ааяа ануг̇г̇ахзссаамийд̇и, яо д̇ад̇т̇а чанд̣̇о жа вааяаамо жа уссаахо жа уссол̣хий жа аббадивааний жа сад̇и жа самбаж̇ан̃н̃ан̃жа, ид̣̇ам̣ вужжад̇и, б̣яаг̇гхабаж̇ж̇аа, жид̇д̇абаарисуд̣̇д̇хибад̇хаанияан̇г̇ам̣.
‘‘Katamañca, byagghapajjā, cittapārisuddhipadhāniyaṅgaṃ? Idha, byagghapajjā, bhikkhu vivicceva kāmehi…pe… catutthaṃ jhānaṃ upasampajja viharati. Ayaṃ vuccati, byagghapajjā, cittapārisuddhi. Iti evarūpiṃ cittapārisuddhiṃ aparipūraṃ vā paripūressāmi paripūraṃ vā tattha tattha paññāya anuggahessāmīti, yo tattha chando ca vāyāmo ca ussāho ca ussoḷhī ca appaṭivānī ca sati ca sampajaññañca, idaṃ vuccati, byagghapajjā, cittapārisuddhipadhāniyaṅgaṃ.
‘‘гад̇аман̃жа, б̣яаг̇гхабаж̇ж̇аа, д̣̇идтибаарисуд̣̇д̇хибад̇хаанияан̇г̇ам̣? ид̇ха, б̣яаг̇гхабаж̇ж̇аа, бхигку ‘ид̣̇ам̣ д̣̇угка’нд̇и яат̇аабхууд̇ам̣ баж̇аанаад̇и…бз… ‘аяам̣ д̣̇угканирод̇хаг̇ааминий бадибад̣̇аа’д̇и яат̇аабхууд̇ам̣ баж̇аанаад̇и. аяам̣ вужжад̇и, б̣яаг̇гхабаж̇ж̇аа, д̣̇идтибаарисуд̣̇д̇хи. ид̇и зваруубим̣ д̣̇идтибаарисуд̣̇д̇хим̣ абарибуурам̣ ваа…бз… д̇ад̇т̇а д̇ад̇т̇а бан̃н̃ааяа ануг̇г̇ахзссаамийд̇и, яо д̇ад̇т̇а чанд̣̇о жа вааяаамо жа уссаахо жа уссол̣хий жа аббадивааний жа сад̇и жа самбаж̇ан̃н̃ан̃жа, ид̣̇ам̣ вужжад̇и, б̣яаг̇гхабаж̇ж̇аа, д̣̇идтибаарисуд̣̇д̇хибад̇хаанияан̇г̇ам̣ .
‘‘Katamañca, byagghapajjā, diṭṭhipārisuddhipadhāniyaṅgaṃ? Idha, byagghapajjā, bhikkhu ‘idaṃ dukkha’nti yathābhūtaṃ pajānāti…pe… ‘ayaṃ dukkhanirodhagāminī paṭipadā’ti yathābhūtaṃ pajānāti. Ayaṃ vuccati, byagghapajjā, diṭṭhipārisuddhi. Iti evarūpiṃ diṭṭhipārisuddhiṃ aparipūraṃ vā…pe… tattha tattha paññāya anuggahessāmīti, yo tattha chando ca vāyāmo ca ussāho ca ussoḷhī ca appaṭivānī ca sati ca sampajaññañca, idaṃ vuccati, byagghapajjā, diṭṭhipārisuddhipadhāniyaṅgaṃ .
‘‘гад̇аман̃жа, б̣яаг̇гхабаж̇ж̇аа, вимуд̇д̇ибаарисуд̣̇д̇хибад̇хаанияан̇г̇ам̣? са ко со, б̣яаг̇гхабаж̇ж̇аа, арияасааваго иминаа жа сийлабаарисуд̣̇д̇хибад̇хаанияан̇г̇зна саманнааг̇ад̇о иминаа жа жид̇д̇абаарисуд̣̇д̇хибад̇хаанияан̇г̇зна саманнааг̇ад̇о иминаа жа д̣̇идтибаарисуд̣̇д̇хибад̇хаанияан̇г̇зна саманнааг̇ад̇о раж̇анийязсу д̇хаммзсу жид̇д̇ам̣ вирааж̇зд̇и, виможанийязсу д̇хаммзсу жид̇д̇ам̣ виможзд̇и. со раж̇анийязсу д̇хаммзсу жид̇д̇ам̣ вирааж̇зд̇ваа, виможанийязсу д̇хаммзсу жид̇д̇ам̣ виможзд̇ваа саммаавимуд̇д̇им̣ пусад̇и. аяам̣ вужжад̇и, б̣яаг̇гхабаж̇ж̇аа, вимуд̇д̇ибаарисуд̣̇д̇хи. ид̇и зваруубим̣ вимуд̇д̇ибаарисуд̣̇д̇хим̣ абарибуурам̣ ваа барибуурзссаами барибуурам̣ ваа д̇ад̇т̇а д̇ад̇т̇а бан̃н̃ааяа ануг̇г̇ахзссаамийд̇и, яо д̇ад̇т̇а чанд̣̇о жа вааяаамо жа уссаахо жа уссол̣хий жа аббадивааний жа сад̇и жа самбаж̇ан̃н̃ан̃жа, ид̣̇ам̣ вужжад̇и, б̣яаг̇гхабаж̇ж̇аа, вимуд̇д̇ибаарисуд̣̇д̇хибад̇хаанияан̇г̇ам̣.
‘‘Katamañca, byagghapajjā, vimuttipārisuddhipadhāniyaṅgaṃ? Sa kho so, byagghapajjā, ariyasāvako iminā ca sīlapārisuddhipadhāniyaṅgena samannāgato iminā ca cittapārisuddhipadhāniyaṅgena samannāgato iminā ca diṭṭhipārisuddhipadhāniyaṅgena samannāgato rajanīyesu dhammesu cittaṃ virājeti, vimocanīyesu dhammesu cittaṃ vimoceti. So rajanīyesu dhammesu cittaṃ virājetvā, vimocanīyesu dhammesu cittaṃ vimocetvā sammāvimuttiṃ phusati. Ayaṃ vuccati, byagghapajjā, vimuttipārisuddhi. Iti evarūpiṃ vimuttipārisuddhiṃ aparipūraṃ vā paripūressāmi paripūraṃ vā tattha tattha paññāya anuggahessāmīti, yo tattha chando ca vāyāmo ca ussāho ca ussoḷhī ca appaṭivānī ca sati ca sampajaññañca, idaṃ vuccati, byagghapajjā, vimuttipārisuddhipadhāniyaṅgaṃ.
‘‘имаани ко, б̣яаг̇гхабаж̇ж̇аа, жад̇д̇аари баарисуд̣̇д̇хибад̇хаанияан̇г̇аани д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна саммад̣̇агкаад̇аани сад̇д̇аанам̣ висуд̣̇д̇хияаа согабарид̣̇зваанам̣ самад̇иггамааяа д̣̇угкад̣̇оманассаанам̣ ад̇т̇ан̇г̇амааяа н̃ааяасса ад̇хиг̇амааяа ниб̣б̣аанасса сажчигирияааяаа’’д̇и. жад̇уд̇т̇ам̣.
‘‘Imāni kho, byagghapajjā, cattāri pārisuddhipadhāniyaṅgāni tena bhagavatā jānatā passatā arahatā sammāsambuddhena sammadakkhātāni sattānaṃ visuddhiyā sokaparidevānaṃ samatikkamāya dukkhadomanassānaṃ atthaṅgamāya ñāyassa adhigamāya nibbānassa sacchikiriyāyā’’ti. Catutthaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 4. саамуг̇ияаасуд̇д̇аван̣н̣анаа • 4. Sāmugiyāsuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 4. саамуг̇ияасуд̇д̇аван̣н̣анаа • 4. Sāmugiyasuttavaṇṇanā
