| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
4. саамуг̇ияаасуд̇д̇аван̣н̣анаа
4. Sāmugiyāsuttavaṇṇanā
194. жад̇уд̇т̇з саамуг̇ияаад̇и саамуг̇аниг̇амаваасино. б̣яаг̇гхабаж̇ж̇аад̇и д̇з аалабанд̇о звамааха. голанаг̇арасса хи голаругкз хаарзд̇ваа гад̇ад̇д̇аа голанаг̇аранд̇и жа б̣яаг̇гхабат̇з маабид̇ад̇д̇аа б̣яаг̇гхабаж̇ж̇анд̇и жа д̣̇вз наамаани. зд̇зсан̃жа буб̣б̣абурисаа д̇ад̇т̇а васим̣сууд̇и б̣яаг̇гхабаж̇ж̇аваасид̇ааяа б̣яаг̇гхабаж̇ж̇аваасино б̣яаг̇гхабаж̇ж̇аад̇и вужжанд̇и. д̇з аалабанд̇о звамааха. баарисуд̣̇д̇хибад̇хаанияан̇г̇аанийд̇и баарисуд̣̇д̇хиад̇т̇ааяа бад̇хаанияан̇г̇аани бад̣̇ахид̇аб̣б̣авийрияасса ан̇г̇аани, годтаасаад̇и ад̇т̇о. сийлабаарисуд̣̇д̇хибад̇хаанияан̇г̇анд̇и сийлабарисод̇ханавийрияассзд̇ам̣ наамам̣. д̇ан̃хи сийлабаарисуд̣̇д̇хибарибууран̣ад̇т̇ааяа бад̇хаанияан̇г̇анд̇и сийлабаарисуд̣̇д̇хибад̇хаанияан̇г̇ам̣. сзсзсуби зсзва наяо. д̇ад̇т̇а д̇ад̇т̇а бан̃н̃ааяа ануг̇г̇ахзссаамийд̇и д̇асмим̣ д̇асмим̣ таанз вибассанаабан̃н̃ааяа ануг̇г̇ахзссаами . яо д̇ад̇т̇а чанд̣̇од̇иаад̣̇ийсу яо д̇асмим̣ ануг̇г̇ан̣ханз гад̇д̇угаамад̇аачанд̣̇од̇и иминаа наязна ад̇т̇о взд̣̇ид̇аб̣б̣о. сад̇исамбаж̇ан̃н̃ам̣ банзд̇т̇а сад̇им̣ убадтабзд̇ваа н̃аан̣зна барижчинд̣̇ид̇ваа вийрияабаг̇г̇аханад̇т̇ам̣ вуд̇д̇ам̣. раж̇анийязсу д̇хаммзсу жид̇д̇ам̣ вирааж̇зд̇ийд̇и рааг̇абажжаязсу идтаарамман̣зсу яат̇аа жид̇д̇ам̣ вираж̇ж̇ад̇и, звам̣ гарод̇и. виможанийязсу д̇хаммзсу жид̇д̇ам̣ виможзд̇ийд̇и язхи аарамман̣зхи жид̇д̇ам̣ виможзд̇аб̣б̣ам̣, д̇зсу яат̇аа вимужжад̇и, звам̣ гарод̇и. вирааж̇зд̇ваад̇и зд̇т̇а маг̇г̇агкан̣з вирааж̇зд̇и наама, палагкан̣з вирад̇д̇ам̣ наама ход̇и. д̣̇уд̇ияабад̣̇зби зсзва наяо. саммаавимуд̇д̇им̣ пусад̇ийд̇и хзд̇унаа наязна арахад̇д̇апалавимуд̇д̇им̣ н̃аан̣апассзна пусад̇ийд̇и.
194. Catutthe sāmugiyāti sāmuganigamavāsino. Byagghapajjāti te ālapanto evamāha. Kolanagarassa hi kolarukkhe hāretvā katattā kolanagaranti ca byagghapathe māpitattā byagghapajjanti ca dve nāmāni. Etesañca pubbapurisā tattha vasiṃsūti byagghapajjavāsitāya byagghapajjavāsino byagghapajjāti vuccanti. Te ālapanto evamāha. Pārisuddhipadhāniyaṅgānīti pārisuddhiatthāya padhāniyaṅgāni padahitabbavīriyassa aṅgāni, koṭṭhāsāti attho. Sīlapārisuddhipadhāniyaṅganti sīlaparisodhanavīriyassetaṃ nāmaṃ. Tañhi sīlapārisuddhiparipūraṇatthāya padhāniyaṅganti sīlapārisuddhipadhāniyaṅgaṃ. Sesesupi eseva nayo. Tattha tattha paññāya anuggahessāmīti tasmiṃ tasmiṃ ṭhāne vipassanāpaññāya anuggahessāmi . Yo tattha chandotiādīsu yo tasmiṃ anuggaṇhane kattukāmatāchandoti iminā nayena attho veditabbo. Satisampajaññaṃ panettha satiṃ upaṭṭhapetvā ñāṇena paricchinditvā vīriyapaggahanatthaṃ vuttaṃ. Rajanīyesu dhammesu cittaṃ virājetīti rāgapaccayesu iṭṭhārammaṇesu yathā cittaṃ virajjati, evaṃ karoti. Vimocanīyesu dhammesu cittaṃ vimocetīti yehi ārammaṇehi cittaṃ vimocetabbaṃ, tesu yathā vimuccati, evaṃ karoti. Virājetvāti ettha maggakkhaṇe virājeti nāma, phalakkhaṇe virattaṃ nāma hoti. Dutiyapadepi eseva nayo. Sammāvimuttiṃ phusatīti hetunā nayena arahattaphalavimuttiṃ ñāṇaphassena phusatīti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 4. саамуг̇ияасуд̇д̇ам̣ • 4. Sāmugiyasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 4. саамуг̇ияасуд̇д̇аван̣н̣анаа • 4. Sāmugiyasuttavaṇṇanā
