| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੪. ਸਾਮੁਗਿਯਾਸੁਤ੍ਤવਣ੍ਣਨਾ
4. Sāmugiyāsuttavaṇṇanā
੧੯੪. ਚਤੁਤ੍ਥੇ ਸਾਮੁਗਿਯਾਤਿ ਸਾਮੁਗਨਿਗਮવਾਸਿਨੋ। ਬ੍ਯਗ੍ਘਪਜ੍ਜਾਤਿ ਤੇ ਆਲਪਨ੍ਤੋ ਏવਮਾਹ। ਕੋਲਨਗਰਸ੍ਸ ਹਿ ਕੋਲਰੁਕ੍ਖੇ ਹਾਰੇਤ੍વਾ ਕਤਤ੍ਤਾ ਕੋਲਨਗਰਨ੍ਤਿ ਚ ਬ੍ਯਗ੍ਘਪਥੇ ਮਾਪਿਤਤ੍ਤਾ ਬ੍ਯਗ੍ਘਪਜ੍ਜਨ੍ਤਿ ਚ ਦ੍વੇ ਨਾਮਾਨਿ। ਏਤੇਸਞ੍ਚ ਪੁਬ੍ਬਪੁਰਿਸਾ ਤਤ੍ਥ વਸਿਂਸੂਤਿ ਬ੍ਯਗ੍ਘਪਜ੍ਜવਾਸਿਤਾਯ ਬ੍ਯਗ੍ਘਪਜ੍ਜવਾਸਿਨੋ ਬ੍ਯਗ੍ਘਪਜ੍ਜਾਤਿ વੁਚ੍ਚਨ੍ਤਿ। ਤੇ ਆਲਪਨ੍ਤੋ ਏવਮਾਹ। ਪਾਰਿਸੁਦ੍ਧਿਪਧਾਨਿਯਙ੍ਗਾਨੀਤਿ ਪਾਰਿਸੁਦ੍ਧਿਅਤ੍ਥਾਯ ਪਧਾਨਿਯਙ੍ਗਾਨਿ ਪਦਹਿਤਬ੍ਬવੀਰਿਯਸ੍ਸ ਅਙ੍ਗਾਨਿ, ਕੋਟ੍ਠਾਸਾਤਿ ਅਤ੍ਥੋ। ਸੀਲਪਾਰਿਸੁਦ੍ਧਿਪਧਾਨਿਯਙ੍ਗਨ੍ਤਿ ਸੀਲਪਰਿਸੋਧਨવੀਰਿਯਸ੍ਸੇਤਂ ਨਾਮਂ। ਤਞ੍ਹਿ ਸੀਲਪਾਰਿਸੁਦ੍ਧਿਪਰਿਪੂਰਣਤ੍ਥਾਯ ਪਧਾਨਿਯਙ੍ਗਨ੍ਤਿ ਸੀਲਪਾਰਿਸੁਦ੍ਧਿਪਧਾਨਿਯਙ੍ਗਂ। ਸੇਸੇਸੁਪਿ ਏਸੇવ ਨਯੋ। ਤਤ੍ਥ ਤਤ੍ਥ ਪਞ੍ਞਾਯ ਅਨੁਗ੍ਗਹੇਸ੍ਸਾਮੀਤਿ ਤਸ੍ਮਿਂ ਤਸ੍ਮਿਂ ਠਾਨੇ વਿਪਸ੍ਸਨਾਪਞ੍ਞਾਯ ਅਨੁਗ੍ਗਹੇਸ੍ਸਾਮਿ । ਯੋ ਤਤ੍ਥ ਛਨ੍ਦੋਤਿਆਦੀਸੁ ਯੋ ਤਸ੍ਮਿਂ ਅਨੁਗ੍ਗਣ੍ਹਨੇ ਕਤ੍ਤੁਕਾਮਤਾਛਨ੍ਦੋਤਿ ਇਮਿਨਾ ਨਯੇਨ ਅਤ੍ਥੋ વੇਦਿਤਬ੍ਬੋ। ਸਤਿਸਮ੍ਪਜਞ੍ਞਂ ਪਨੇਤ੍ਥ ਸਤਿਂ ਉਪਟ੍ਠਪੇਤ੍વਾ ਞਾਣੇਨ ਪਰਿਚ੍ਛਿਨ੍ਦਿਤ੍વਾ વੀਰਿਯਪਗ੍ਗਹਨਤ੍ਥਂ વੁਤ੍ਤਂ। ਰਜਨੀਯੇਸੁ ਧਮ੍ਮੇਸੁ ਚਿਤ੍ਤਂ વਿਰਾਜੇਤੀਤਿ ਰਾਗਪਚ੍ਚਯੇਸੁ ਇਟ੍ਠਾਰਮ੍ਮਣੇਸੁ ਯਥਾ ਚਿਤ੍ਤਂ વਿਰਜ੍ਜਤਿ, ਏવਂ ਕਰੋਤਿ। વਿਮੋਚਨੀਯੇਸੁ ਧਮ੍ਮੇਸੁ ਚਿਤ੍ਤਂ વਿਮੋਚੇਤੀਤਿ ਯੇਹਿ ਆਰਮ੍ਮਣੇਹਿ ਚਿਤ੍ਤਂ વਿਮੋਚੇਤਬ੍ਬਂ, ਤੇਸੁ ਯਥਾ વਿਮੁਚ੍ਚਤਿ, ਏવਂ ਕਰੋਤਿ। વਿਰਾਜੇਤ੍વਾਤਿ ਏਤ੍ਥ ਮਗ੍ਗਕ੍ਖਣੇ વਿਰਾਜੇਤਿ ਨਾਮ, ਫਲਕ੍ਖਣੇ વਿਰਤ੍ਤਂ ਨਾਮ ਹੋਤਿ। ਦੁਤਿਯਪਦੇਪਿ ਏਸੇવ ਨਯੋ। ਸਮ੍ਮਾવਿਮੁਤ੍ਤਿਂ ਫੁਸਤੀਤਿ ਹੇਤੁਨਾ ਨਯੇਨ ਅਰਹਤ੍ਤਫਲવਿਮੁਤ੍ਤਿਂ ਞਾਣਫਸ੍ਸੇਨ ਫੁਸਤੀਤਿ।
194. Catutthe sāmugiyāti sāmuganigamavāsino. Byagghapajjāti te ālapanto evamāha. Kolanagarassa hi kolarukkhe hāretvā katattā kolanagaranti ca byagghapathe māpitattā byagghapajjanti ca dve nāmāni. Etesañca pubbapurisā tattha vasiṃsūti byagghapajjavāsitāya byagghapajjavāsino byagghapajjāti vuccanti. Te ālapanto evamāha. Pārisuddhipadhāniyaṅgānīti pārisuddhiatthāya padhāniyaṅgāni padahitabbavīriyassa aṅgāni, koṭṭhāsāti attho. Sīlapārisuddhipadhāniyaṅganti sīlaparisodhanavīriyassetaṃ nāmaṃ. Tañhi sīlapārisuddhiparipūraṇatthāya padhāniyaṅganti sīlapārisuddhipadhāniyaṅgaṃ. Sesesupi eseva nayo. Tattha tattha paññāya anuggahessāmīti tasmiṃ tasmiṃ ṭhāne vipassanāpaññāya anuggahessāmi . Yo tattha chandotiādīsu yo tasmiṃ anuggaṇhane kattukāmatāchandoti iminā nayena attho veditabbo. Satisampajaññaṃ panettha satiṃ upaṭṭhapetvā ñāṇena paricchinditvā vīriyapaggahanatthaṃ vuttaṃ. Rajanīyesu dhammesu cittaṃ virājetīti rāgapaccayesu iṭṭhārammaṇesu yathā cittaṃ virajjati, evaṃ karoti. Vimocanīyesu dhammesu cittaṃ vimocetīti yehi ārammaṇehi cittaṃ vimocetabbaṃ, tesu yathā vimuccati, evaṃ karoti. Virājetvāti ettha maggakkhaṇe virājeti nāma, phalakkhaṇe virattaṃ nāma hoti. Dutiyapadepi eseva nayo. Sammāvimuttiṃ phusatīti hetunā nayena arahattaphalavimuttiṃ ñāṇaphassena phusatīti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੪. ਸਾਮੁਗਿਯਸੁਤ੍ਤਂ • 4. Sāmugiyasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੪. ਸਾਮੁਗਿਯਸੁਤ੍ਤવਣ੍ਣਨਾ • 4. Sāmugiyasuttavaṇṇanā
