| Library / Tipiṭaka / তিপিটক • Tipiṭaka / সারত্থদীপনী-টীকা • Sāratthadīpanī-ṭīkā |
সমুট্ঠানসীসৰণ্ণনা
Samuṭṭhānasīsavaṇṇanā
২৫৭. সমুট্ঠানকথায পন করুণাসীতলভাৰেন চন্দসদিসত্তা ‘‘বুদ্ধচন্দে’’তি ৰুত্তং, কিলেসতিমিরপহানতো ‘‘বুদ্ধাদিচ্চে’’তি ৰুত্তং। পিটকে তীণি দেসযীতি যস্মা তে দেসযন্তি, তস্মা অঙ্গিরসোপি পিটকানি তীণি দেসযি। তানি কতমানীতি আহ ‘‘সুত্তন্ত’’ন্তিআদি। মহাগুণন্তি মহানিসংসং। এৰং নীযতি সদ্ধম্মো, ৰিনযো যদি তিট্ঠতীতি যদি ৰিনযপরিযত্তি অনন্তরহিতা তিট্ঠতি পৰত্ততি, এৰং সতি পটিপত্তিপটিৰেধসদ্ধম্মো নীযতি পৰত্ততি। ৰিনযপরিযত্তি পন কথং তিট্ঠতীতি আহ ‘‘উভতোচা’’তিআদি। পরিৰারেন গন্থিতা তিট্ঠন্তীতি যোজেতব্বং। তস্সেৰ পরিৰারস্সাতি তস্মিংযেৰ পরিৰারে।
257. Samuṭṭhānakathāya pana karuṇāsītalabhāvena candasadisattā ‘‘buddhacande’’ti vuttaṃ, kilesatimirapahānato ‘‘buddhādicce’’ti vuttaṃ. Piṭake tīṇi desayīti yasmā te desayanti, tasmā aṅgirasopi piṭakāni tīṇi desayi. Tāni katamānīti āha ‘‘suttanta’’ntiādi. Mahāguṇanti mahānisaṃsaṃ. Evaṃ nīyati saddhammo, vinayo yadi tiṭṭhatīti yadi vinayapariyatti anantarahitā tiṭṭhati pavattati, evaṃ sati paṭipattipaṭivedhasaddhammo nīyati pavattati. Vinayapariyatti pana kathaṃ tiṭṭhatīti āha ‘‘ubhatocā’’tiādi. Parivārena ganthitā tiṭṭhantīti yojetabbaṃ. Tasseva parivārassāti tasmiṃyeva parivāre.
নিযতকতন্তি কতনিযতং, নিযমিতন্তি অত্থো। অঞ্ঞেহি সদ্ধিন্তি সেসসিক্খাপদেহি সদ্ধিং। অসম্ভিন্নসমুট্ঠানানীতি অসঙ্করসমুট্ঠানানি।
Niyatakatanti kataniyataṃ, niyamitanti attho. Aññehi saddhinti sesasikkhāpadehi saddhiṃ. Asambhinnasamuṭṭhānānīti asaṅkarasamuṭṭhānāni.
তস্মা সিক্খেতি যস্মা ৰিনযে সতি সদ্ধম্মো তিট্ঠতি, ৰিনযো চ পরিৰারেন গন্থিতো তিট্ঠতি, পরিৰারে চ সমুট্ঠানাদীনি দিস্সন্তি, তস্মা সিক্খেয্য পরিৰারং, উগ্গণ্হেয্যাতি অত্থো।
Tasmā sikkheti yasmā vinaye sati saddhammo tiṭṭhati, vinayo ca parivārena ganthito tiṭṭhati, parivāre ca samuṭṭhānādīni dissanti, tasmā sikkheyya parivāraṃ, uggaṇheyyāti attho.
আদিম্হি তাৰ পুরিমনযেতি ‘‘ছন্নং আপত্তিসমুট্ঠানানং কতিহি সমুট্ঠানেহি সমুট্ঠাতীতি একেন সমুট্ঠানেন সমুট্ঠাতি, কাযতো চ চিত্ততো চ সমুট্ঠাতী’’তিআদিনা (পরি॰ ১৮৭) পঞ্ঞত্তিৰারে সকিং আগতনযং সন্ধাযেতং ৰুত্তং।
Ādimhi tāva purimanayeti ‘‘channaṃ āpattisamuṭṭhānānaṃ katihi samuṭṭhānehi samuṭṭhātīti ekena samuṭṭhānena samuṭṭhāti, kāyato ca cittato ca samuṭṭhātī’’tiādinā (pari. 187) paññattivāre sakiṃ āgatanayaṃ sandhāyetaṃ vuttaṃ.
২৫৮. নানুবন্ধে পৰত্তিনিন্তি ‘‘যা পন ভিক্খুনী ৰুট্ঠাপিতং পৰত্তিনিং দ্ৰে ৰস্সানি নানুবন্ধেয্যা’’তি (পাচি॰ ১১১১) ৰুত্তসিক্খাপদং।
258.Nānubandhe pavattininti ‘‘yā pana bhikkhunī vuṭṭhāpitaṃ pavattiniṃ dve vassāni nānubandheyyā’’ti (pāci. 1111) vuttasikkhāpadaṃ.
২৭০. অকতন্তি অঞ্ঞেহি অমিস্সীকতং, নিযতসমুট্ঠানন্তি ৰুত্তং হোতি।
270.Akatanti aññehi amissīkataṃ, niyatasamuṭṭhānanti vuttaṃ hoti.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / পরিৰারপাল়ি • Parivārapāḷi
সমুট্ঠানস্সুদ্দানং • Samuṭṭhānassuddānaṃ
১. পঠমপারাজিকসমুট্ঠানং • 1. Paṭhamapārājikasamuṭṭhānaṃ
১৩. অননুঞ্ঞাতসমুট্ঠানং • 13. Ananuññātasamuṭṭhānaṃ
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / পরিৰার-অট্ঠকথা • Parivāra-aṭṭhakathā
সমুট্ঠানসীসৰণ্ণনা • Samuṭṭhānasīsavaṇṇanā
পঠমপারাজিকসমুট্ঠানৰণ্ণনা • Paṭhamapārājikasamuṭṭhānavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā
সমুট্ঠানসীসৰণ্ণনা • Samuṭṭhānasīsavaṇṇanā
পঠমপারাজিকসমুট্ঠানৰণ্ণনা • Paṭhamapārājikasamuṭṭhānavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / সমুট্ঠানসীসৰণ্ণনা • Samuṭṭhānasīsavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi
সমুট্ঠানসীসৰণ্ণনা • Samuṭṭhānasīsavaṇṇanā
পঠমপারাজিকসমুট্ঠানৰণ্ণনা • Paṭhamapārājikasamuṭṭhānavaṇṇanā
