| Library / Tipiṭaka / д̇ибидага • Tipiṭaka / бариваара-адтагат̇аа • Parivāra-aṭṭhakathā |
самудтаанасийсаван̣н̣анаа
Samuṭṭhānasīsavaṇṇanā
257. д̇ад̣̇ананд̇арааяа бана самудтаанагат̇ааяа анад̇д̇аа ид̇и нижчаяаад̇и анад̇д̇аа ид̇и нижчид̇аа. сабхааг̇ад̇хаммаананд̇и анижжаагаараад̣̇ийхи сабхааг̇аанам̣ сан̇кад̇ад̇хаммаанам̣. наамамад̇д̇ам̣ на нааяад̇ийд̇и наамамад̇д̇амби на бан̃н̃ааяад̇и. д̣̇угкахаанинд̇и д̣̇угкагхаад̇анам̣. канд̇хагаа яаа жа маад̇игаад̇и канд̇хагаа яаа жа маад̇игаад̇и ад̇т̇о. аяамзва ваа баато. самудтаанам̣ нияад̇о гад̇анд̇и самудтаанам̣ нияад̇огад̇ам̣ нияад̇агад̇ам̣; нияад̇асамудтаананд̇и ад̇т̇о. зд̇зна бхууд̇аарожанажоривудтаабанаананун̃н̃аад̇асигкаабад̣̇ад̇д̇аяасса сан̇г̇ахо бажжзд̇аб̣б̣о. зд̇аанзва хи д̇ийн̣и сигкаабад̣̇аани нияад̇асамудтаанаани, ан̃н̃зхи сад̣̇д̇хим̣ асамбхиннасамудтаанаани.
257. Tadanantarāya pana samuṭṭhānakathāya anattā iti nicchayāti anattā iti nicchitā. Sabhāgadhammānanti aniccākārādīhi sabhāgānaṃ saṅkhatadhammānaṃ. Nāmamattaṃ na nāyatīti nāmamattampi na paññāyati. Dukkhahāninti dukkhaghātanaṃ. Khandhakā yā ca mātikāti khandhakā yā ca mātikāti attho. Ayameva vā pāṭho. Samuṭṭhānaṃ niyato katanti samuṭṭhānaṃ niyatokataṃ niyatakataṃ; niyatasamuṭṭhānanti attho. Etena bhūtārocanacorivuṭṭhāpanaananuññātasikkhāpadattayassa saṅgaho paccetabbo. Etāneva hi tīṇi sikkhāpadāni niyatasamuṭṭhānāni, aññehi saddhiṃ asambhinnasamuṭṭhānāni.
самбхзд̣̇ам̣ нид̣̇аанан̃жан̃н̃анд̇и ан̃н̃амби самбхзд̣̇ан̃жа нид̣̇аанан̃жа. д̇ад̇т̇а самбхзд̣̇аважанзна самудтаанасамбхзд̣̇асса г̇ахан̣ам̣ бажжзд̇аб̣б̣ам̣, д̇аани хи д̇ийн̣и сигкаабад̣̇аани табзд̇ваа сзсаани самбхиннасамудтаанаани. нид̣̇аанаважанзна сигкаабад̣̇аанам̣ бан̃н̃ад̇д̇ид̣̇зсасан̇каад̇ам̣ нид̣̇аанам̣ бажжзд̇аб̣б̣ам̣. суд̇д̇з д̣̇иссанд̇и убарийд̇и сигкаабад̣̇аанам̣ самудтаананияамо самбхзд̣̇о нид̣̇аананд̇и имаани д̇ийн̣и суд̇д̇амхи зва д̣̇иссанд̇и; бан̃н̃ааяанд̇ийд̇и ад̇т̇о. д̇ад̇т̇а ‘‘згзна самудтаанзна самудтаад̇и, гааяад̇о жа жид̇д̇ад̇о жаа’’д̇иаад̣̇имхи д̇аава буриманаяз самудтаананияамо жа самбхзд̣̇о жа д̣̇иссанд̇и. ид̇арам̣ бана нид̣̇аанам̣ наама –
Sambhedaṃ nidānañcaññanti aññampi sambhedañca nidānañca. Tattha sambhedavacanena samuṭṭhānasambhedassa gahaṇaṃ paccetabbaṃ, tāni hi tīṇi sikkhāpadāni ṭhapetvā sesāni sambhinnasamuṭṭhānāni. Nidānavacanena sikkhāpadānaṃ paññattidesasaṅkhātaṃ nidānaṃ paccetabbaṃ. Sutte dissanti uparīti sikkhāpadānaṃ samuṭṭhānaniyamo sambhedo nidānanti imāni tīṇi suttamhi eva dissanti; paññāyantīti attho. Tattha ‘‘ekena samuṭṭhānena samuṭṭhāti, kāyato ca cittato cā’’tiādimhi tāva purimanaye samuṭṭhānaniyamo ca sambhedo ca dissanti. Itaraṃ pana nidānaṃ nāma –
‘‘взсаалияаа рааж̇аг̇ахз, саавад̇т̇ияаа жа аал̣авий;
‘‘Vesāliyā rājagahe, sāvatthiyā ca āḷavī;
госамб̣ияаа жа саггзсу, бхаг̇г̇зсу жзва бан̃н̃ад̇д̇аа’’д̇и.
Kosambiyā ca sakkesu, bhaggesu ceva paññattā’’ti.
звам̣ убари д̣̇иссад̇и, барад̇о ааг̇ад̇з суд̇д̇з д̣̇иссад̇ийд̇и взд̣̇ид̇аб̣б̣ам̣.
Evaṃ upari dissati, parato āgate sutte dissatīti veditabbaṃ.
‘‘вибхан̇г̇з д̣̇вийсуу’’д̇и г̇аат̇ааяа аяамад̇т̇о – яам̣ сигкаабад̣̇ам̣ д̣̇вийсу вибхан̇г̇зсу бан̃н̃ад̇д̇ам̣ убосат̇ад̣̇ивасз бхигкуу жа бхигкунияо жа уд̣̇д̣̇исанд̇и, д̇асса яат̇аан̃ааяам̣ самудтаанам̣ бавагкаами, д̇ам̣ мз сун̣аат̇аад̇и.
‘‘Vibhaṅgedvīsū’’ti gāthāya ayamattho – yaṃ sikkhāpadaṃ dvīsu vibhaṅgesu paññattaṃ uposathadivase bhikkhū ca bhikkhuniyo ca uddisanti, tassa yathāñāyaṃ samuṭṭhānaṃ pavakkhāmi, taṃ me suṇāthāti.
сан̃жарид̇д̇аанубхаасанан̃жаад̇и сан̃жарид̇д̇ан̃жа саманубхаасанан̃жа. ад̇ирзган̃жа жийваранд̇и ад̇ирзгажийварам̣ ; гат̇инанд̇и ад̇т̇о. ломаани бад̣̇асод̇хаммод̇и зл̣агаломаани жа бад̣̇асод̇хаммо жа. бхууд̇ам̣ сам̣вид̇хаанзна жаад̇и бхууд̇аарожанан̃жа сам̣вид̣̇ахид̇ваа ад̣̇д̇хаанаббадибаж̇ж̇анан̃жа. т̇зяяад̣̇зсанаа жорим̣ жаад̇и т̇зяяасад̇т̇о жа чад̇д̇абаан̣исса аг̇илаанасса д̇хаммад̣̇зсанаа жа жоривудтаабанан̃жа. ананун̃н̃аад̇ааяа д̇зрасаад̇и маад̇аабид̇усаамигзхи ананун̃н̃аад̇ааяа сад̣̇д̇хим̣ имаани д̇зраса самудтаанаани хонд̇и. сад̣̇исаа ид̇ха д̣̇иссарзд̇и ид̇ха убхад̇овибхан̇г̇з зд̇зсу д̇зрасасу самудтаанасийсзсу згзгасмим̣ ан̃н̃ааниби сад̣̇исаани самудтаанаани д̣̇иссанд̇и.
Sañcarittānubhāsanañcāti sañcarittañca samanubhāsanañca. Atirekañca cīvaranti atirekacīvaraṃ ; kathinanti attho. Lomāni padasodhammoti eḷakalomāni ca padasodhammo ca. Bhūtaṃ saṃvidhānena cāti bhūtārocanañca saṃvidahitvā addhānappaṭipajjanañca. Theyyadesanā coriṃ cāti theyyasattho ca chattapāṇissa agilānassa dhammadesanā ca corivuṭṭhāpanañca. Ananuññātāya terasāti mātāpitusāmikehi ananuññātāya saddhiṃ imāni terasa samuṭṭhānāni honti. Sadisā idha dissareti idha ubhatovibhaṅge etesu terasasu samuṭṭhānasīsesu ekekasmiṃ aññānipi sadisāni samuṭṭhānāni dissanti.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / самудтаанассуд̣̇д̣̇аанам̣ • Samuṭṭhānassuddānaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / самудтаанасийсаван̣н̣анаа • Samuṭṭhānasīsavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / самудтаанасийсаван̣н̣анаа • Samuṭṭhānasīsavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / самудтаанасийсаван̣н̣анаа • Samuṭṭhānasīsavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / самудтаанасийсаван̣н̣анаа • Samuṭṭhānasīsavaṇṇanā
