| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
самудтаанасийсаван̣н̣анаа
Samuṭṭhānasīsavaṇṇanā
257. анад̇д̇аад̇и ад̇д̇авирахид̇аа ‘‘алаван̣абхож̇ана’’нд̇иаад̣̇ийсу вияа. гарун̣аасийд̇алабхаавзна жанд̣̇асад̣̇исо. гилзсад̇имираббахаанад̇о аад̣̇ижжо. яасмаа д̇з д̣̇зсаяанд̇и, д̇асмаа ан̇г̇ийрасоби. бидагз д̇ийн̣и д̣̇зсаяи д̇зсам̣ ан̃н̃ад̇арад̇д̇аад̇и ад̇т̇о. винаяо яад̣̇и д̇идтад̇и, звам̣ бадибад̇д̇исад̣̇д̇хаммаад̣̇и нийяад̇и бавад̇д̇ад̇ийд̇и ад̇т̇о. аяам̣ бана гат̇ам̣ д̇идтад̇ийд̇и? ааха ‘‘убхад̇о жаа’’д̇иаад̣̇и. бариваарзна г̇ант̇ид̇аа д̇идтанд̇ийд̇и ад̇т̇о. д̇ассзва бариваарасса суд̇д̇з. нияад̇асамудтаанам̣ гад̇ам̣, вуд̇д̇анд̇и ад̇хиббааяо. асамбхиннасамудтаанаани асан̇гарасамудтаанаани, ан̃н̃зхи асад̣̇исасамудтаанаанийд̇и ад̇т̇о. яасмаа бариваарз сад̇и винаяо д̇идтад̇и, винаяз сад̇и сад̣̇д̇хаммо д̇идтад̇и, яасмаа самудтаанаани жа суд̇д̇з д̣̇иссанд̇и, д̇асмаа сигкзд̇и ад̇т̇о. ‘‘д̇хаммагаамо субзсало’’д̇и бариваарз г̇аараваж̇ананад̇т̇ам̣ вуд̇д̇ам̣. д̇ад̇т̇аад̇и ‘‘д̣̇иссанд̇ий’’д̇и д̇ад̇т̇а. ‘‘згзна самудтаанзна самудтаад̇ийд̇и батамабаарааж̇игам̣ згзна самудтаанзна самудтаад̇ий’’д̇и вуд̇д̇ам̣. баал̣ияан̃хи нид̣̇д̣̇идтасамудтаанан̃жа д̣̇иссад̇и. ‘‘д̇ассзва бариваарасса, самудтаанам̣ нияад̇о гад̇а’’нд̇и вуд̇д̇ам̣ буриманаязд̇и ад̇т̇о. яат̇аан̃ааяанд̇и яат̇аабхууд̇ам̣. ‘‘сан̃жарид̇д̇аабхаасанан̃жаа’’д̇и баато. ‘‘сан̃жарид̇д̇аанубхаасанан̃жаа’’д̇иби ад̇т̇и. наяаваж̇ж̇зхи винаяаваж̇ж̇зхийд̇и ад̇т̇о.
257.Anattāti attavirahitā ‘‘alavaṇabhojana’’ntiādīsu viya. Karuṇāsītalabhāvena candasadiso. Kilesatimirappahānato ādicco. Yasmā te desayanti, tasmā aṅgīrasopi. Piṭake tīṇi desayi tesaṃ aññatarattāti attho. Vinayo yadi tiṭṭhati, evaṃ paṭipattisaddhammādi nīyati pavattatīti attho. Ayaṃ pana kathaṃ tiṭṭhatīti? Āha ‘‘ubhato cā’’tiādi. Parivārena ganthitā tiṭṭhantīti attho. Tasseva parivārassa sutte. Niyatasamuṭṭhānaṃ kataṃ, vuttanti adhippāyo. Asambhinnasamuṭṭhānāni asaṅkarasamuṭṭhānāni, aññehi asadisasamuṭṭhānānīti attho. Yasmā parivāre sati vinayo tiṭṭhati, vinaye sati saddhammo tiṭṭhati, yasmā samuṭṭhānāni ca sutte dissanti, tasmā sikkheti attho. ‘‘Dhammakāmo supesalo’’ti parivāre gāravajananatthaṃ vuttaṃ. Tatthāti ‘‘dissantī’’ti tattha. ‘‘Ekena samuṭṭhānena samuṭṭhātīti paṭhamapārājikaṃ ekena samuṭṭhānena samuṭṭhātī’’ti vuttaṃ. Pāḷiyañhi niddiṭṭhasamuṭṭhānañca dissati. ‘‘Tasseva parivārassa, samuṭṭhānaṃ niyato kata’’nti vuttaṃ purimanayeti attho. Yathāñāyanti yathābhūtaṃ. ‘‘Sañcarittābhāsanañcā’’ti pāṭho. ‘‘Sañcarittānubhāsanañcā’’tipi atthi. Nayavajjehi vinayavajjehīti attho.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / самудтаанассуд̣̇д̣̇аанам̣ • Samuṭṭhānassuddānaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / самудтаанасийсаван̣н̣анаа • Samuṭṭhānasīsavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / самудтаанасийсаван̣н̣анаа • Samuṭṭhānasīsavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / самудтаанасийсаван̣н̣анаа • Samuṭṭhānasīsavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / самудтаанасийсаван̣н̣анаа • Samuṭṭhānasīsavaṇṇanā
