| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
самудтаанасийсаван̣н̣анаа
Samuṭṭhānasīsavaṇṇanā
257. баал̣ияам̣ ниб̣б̣аанан̃жзва бан̃н̃ад̇д̇ийд̇и зд̇т̇а яасмаа сан̇кад̇ад̇хаммз убаад̣̇ааяа бан̃н̃ад̇д̇аа саммуд̇исажжабхууд̇аа буг̇г̇алаад̣̇ибан̃н̃ад̇д̇и барамад̇т̇ад̇о авиж̇ж̇амаанад̇д̇аа уббад̇д̇ивинаасаяуд̇д̇авад̇т̇уд̇хамманияад̇зна анижжад̣̇угкалагкан̣ад̣̇ваязна яуд̇д̇аад̇и вад̇д̇ум̣ аяуд̇д̇аа, гаарагавзд̣̇агаад̣̇ируубзна бана баригаббид̇зна ад̇д̇асабхаавзна вирахид̇ад̇д̇аа ‘‘анад̇д̇аа’’д̇и вад̇д̇ум̣ яуд̇д̇аа. д̇асмаа аяам̣ бан̃н̃ад̇д̇иби асан̇кад̇ад̇д̇асааман̃н̃ад̇о вад̇т̇убхууд̇зна ниб̣б̣аанзна саха ‘‘анад̇д̇аа ид̇и нижчаяаа’’д̇и вуд̇д̇аа. авиж̇ж̇амаанааби хи саммуд̇и гзнажи бажжаязна агад̇ад̇д̇аа асан̇кад̇аа зваад̇и.
257. Pāḷiyaṃ nibbānañceva paññattīti ettha yasmā saṅkhatadhamme upādāya paññattā sammutisaccabhūtā puggalādipaññatti paramatthato avijjamānattā uppattivināsayuttavatthudhammaniyatena aniccadukkhalakkhaṇadvayena yuttāti vattuṃ ayuttā, kārakavedakādirūpena pana parikappitena attasabhāvena virahitattā ‘‘anattā’’ti vattuṃ yuttā. Tasmā ayaṃ paññattipi asaṅkhatattasāmaññato vatthubhūtena nibbānena saha ‘‘anattā iti nicchayā’’ti vuttā. Avijjamānāpi hi sammuti kenaci paccayena akatattā asaṅkhatā evāti.
гарун̣аасийд̇алад̇д̇ам̣, бан̃н̃аабабхаасид̇ад̇д̇ан̃жа бхаг̇авад̇о д̣̇ассзд̇ум̣ ‘‘б̣уд̣̇д̇хажанд̣̇з, б̣уд̣̇д̇хаад̣̇ижжз’’д̇и зд̇ам̣ убхаяам̣ вуд̇д̇ам̣. хааяад̇и зд̇знаад̇и хаани, д̣̇угкасса хаани д̣̇угкахаани, саб̣б̣ад̣̇угкаабанууд̣̇анагааран̣анд̇и ад̇т̇о. бидагз д̇ийн̣и д̣̇зсаяийд̇и яасмаа ан̃н̃зби махаавийраа саммаасамб̣уд̣̇д̇хаа сад̣̇д̇хаммам̣ д̣̇зсаяанд̇и, д̇асмаа ан̇г̇ийрасо бидагаани д̇ийн̣и д̣̇зсаяийд̇и яож̇анаа. махааг̇ун̣анд̇и махаанисам̣сам̣. звам̣ нийяад̇и сад̣̇д̇хаммод̇и яад̣̇и винаяабарияад̇д̇и абарихийнаа д̇идтад̇и, звам̣ сад̇и бадибад̇д̇ибадивзд̇хасад̣̇д̇хаммоби нийяад̇и бавад̇д̇ийяад̇и, на барихааяад̇ийд̇и ад̇т̇о.
Karuṇāsītalattaṃ, paññāpabhāsitattañca bhagavato dassetuṃ ‘‘buddhacande, buddhādicce’’ti etaṃ ubhayaṃ vuttaṃ. Hāyati etenāti hāni, dukkhassa hāni dukkhahāni, sabbadukkhāpanūdanakāraṇanti attho. Piṭake tīṇi desayīti yasmā aññepi mahāvīrā sammāsambuddhā saddhammaṃ desayanti, tasmā aṅgīraso piṭakāni tīṇi desayīti yojanā. Mahāguṇanti mahānisaṃsaṃ. Evaṃ nīyati saddhammoti yadi vinayapariyatti aparihīnā tiṭṭhati, evaṃ sati paṭipattipaṭivedhasaddhammopi nīyati pavattīyati, na parihāyatīti attho.
винаяабарияад̇д̇и бана гат̇ам̣ д̇идтад̇ийд̇и ааха ‘‘убхад̇о жаа’’д̇иаад̣̇и. бариваарзна г̇ант̇ид̇аа д̇идтад̇ийд̇и яож̇зд̇аб̣б̣ам̣. д̇ассзва бариваарассаад̇и д̇асмим̣ зва бариваарз. самудтаанам̣ нияад̇о гад̇анд̇и згажжам̣ самудтаанзна нияад̇ам̣ гад̇ам̣. д̇асмим̣ бариваарз гин̃жи сигкаабад̣̇ам̣ нияад̇асамудтаанам̣ ан̃н̃зхи асаад̇хааран̣ам̣, д̇ам̣ багаасид̇анд̇и ад̇т̇о.
Vinayapariyatti pana kathaṃ tiṭṭhatīti āha ‘‘ubhato cā’’tiādi. Parivārena ganthitā tiṭṭhatīti yojetabbaṃ. Tasseva parivārassāti tasmiṃ eva parivāre. Samuṭṭhānaṃ niyato katanti ekaccaṃ samuṭṭhānena niyataṃ kataṃ. Tasmiṃ parivāre kiñci sikkhāpadaṃ niyatasamuṭṭhānaṃ aññehi asādhāraṇaṃ, taṃ pakāsitanti attho.
самбхзд̣̇ам̣ нид̣̇аанан̃жан̃н̃анд̇и самбхзд̣̇о сигкаабад̣̇аанам̣ ан̃н̃аман̃н̃асамудтаанзна сам̣гин̣н̣ад̇аа, нид̣̇аанан̃жа бан̃н̃ад̇д̇идтаанам̣, ан̃н̃ам̣ буг̇г̇алаад̣̇ивад̇т̇аад̣̇и жа. суд̇д̇з д̣̇иссанд̇и убарийд̇и хздтаа вуд̇д̇з, убари вагкамаанз жа бариваарасуд̇д̇з зва д̣̇иссанд̇и. яасмаа жа звам̣, д̇асмаа сагаласаасанаад̇хаарасса винаяасса тид̇ихзд̇убхууд̇ам̣ бариваарам̣ сигкзд̇и, звамзд̇т̇а яож̇анаа д̣̇адтаб̣б̣аа.
Sambhedaṃ nidānañcaññanti sambhedo sikkhāpadānaṃ aññamaññasamuṭṭhānena saṃkiṇṇatā, nidānañca paññattiṭṭhānaṃ, aññaṃ puggalādivatthādi ca. Sutte dissanti uparīti heṭṭhā vutte, upari vakkhamāne ca parivārasutte eva dissanti. Yasmā ca evaṃ, tasmā sakalasāsanādhārassa vinayassa ṭhitihetubhūtaṃ parivāraṃ sikkheti, evamettha yojanā daṭṭhabbā.
самбхиннасамудтаанаанийд̇и ан̃н̃зхи саад̇хааран̣асамудтаанаани. аад̣̇имхи д̇аава буриманаязд̇и саб̣б̣абатамз бан̃н̃ад̇д̇иваарз ааг̇ад̇анаяам̣ санд̇хааяа вад̣̇ад̇и, д̇ад̇т̇а бана бан̃н̃ад̇д̇иваарз ‘‘батамам̣ баарааж̇игам̣ гад̇т̇а бан̃н̃ад̇д̇анд̇и, взсаалияам̣ бан̃н̃ад̇д̇а’’нд̇иаад̣̇инаа (бари. 1) нид̣̇аанамби д̣̇иссад̇и зва. барад̇од̇и ааг̇ад̇абхаавам̣ бана санд̇хааяа барад̇о ааг̇ад̇з суд̇д̇з д̣̇иссад̇ийд̇и взд̣̇ид̇аб̣б̣анд̇и вуд̇д̇ам̣. д̇ассаад̇и убхад̇овибхан̇г̇абарияаабаннасса сигкаабад̣̇асса.
Sambhinnasamuṭṭhānānīti aññehi sādhāraṇasamuṭṭhānāni. Ādimhi tāva purimanayeti sabbapaṭhame paññattivāre āgatanayaṃ sandhāya vadati, tattha pana paññattivāre ‘‘paṭhamaṃ pārājikaṃ kattha paññattanti, vesāliyaṃ paññatta’’ntiādinā (pari. 1) nidānampi dissati eva. Paratoti āgatabhāvaṃ pana sandhāya parato āgate sutte dissatīti veditabbanti vuttaṃ. Tassāti ubhatovibhaṅgapariyāpannassa sikkhāpadassa.
258. анияад̇аа батамигаад̇и аабад̇д̇им̣ абзгкид̇ваава ид̇т̇илин̇г̇ам̣ гад̇ам̣, батамаанияад̇ам̣ сигкаабад̣̇анд̇и ад̇т̇о. баал̣ияам̣ наануб̣анд̇хз бавад̇д̇ининд̇и вудтаабид̇ам̣ бавад̇д̇иним̣ анануб̣анд̇ханасигкаабад̣̇ам̣.
258.Aniyatā paṭhamikāti āpattiṃ apekkhitvāva itthiliṅgaṃ kataṃ, paṭhamāniyataṃ sikkhāpadanti attho. Pāḷiyaṃ nānubandhe pavattininti vuṭṭhāpitaṃ pavattiniṃ ananubandhanasikkhāpadaṃ.
260. зл̣агаломасигкаабад̣̇авад̇т̇усмим̣ ‘‘бхигкунияо зл̣агаломаани д̇хованд̇ияо раж̇анд̇ияо виж̇адзнд̇ияо рин̃жанд̇и уд̣̇д̣̇зсам̣ барибужча’’нд̇и (баараа. 576) ааг̇ад̇ад̇д̇аа имам̣ рин̃жанд̇и-бад̣̇ам̣ г̇ахзд̇ваа сигкаабад̣̇ам̣ убалагкид̇анд̇и д̣̇ассзнд̇о ‘‘вибхан̇г̇з ‘рин̃жанд̇и уд̣̇д̣̇зса’нд̇и ааг̇ад̇ам̣ зл̣агаломад̇ховаабанасигкаабад̣̇а’’нд̇и ааха.
260.Eḷakalomasikkhāpadavatthusmiṃ ‘‘bhikkhuniyo eḷakalomāni dhovantiyo rajantiyo vijaṭentiyo riñcanti uddesaṃ paripuccha’’nti (pārā. 576) āgatattā imaṃ riñcanti-padaṃ gahetvā sikkhāpadaṃ upalakkhitanti dassento ‘‘vibhaṅge ‘riñcanti uddesa’nti āgataṃ eḷakalomadhovāpanasikkhāpada’’nti āha.
вассигасаадигасигкаабад̣̇анд̇и асамаяз вассигасаадигабариязсанасигкаабад̣̇ам̣ (баараа. 626 аад̣̇аяо). рад̇анасигкаабад̣̇анд̇и рад̇анам̣ ваа рад̇анасаммад̇ам̣ ваа бадисааманасигкаабад̣̇ам̣ (баажи. 502 аад̣̇аяо).
Vassikasāṭikasikkhāpadanti asamaye vassikasāṭikapariyesanasikkhāpadaṃ (pārā. 626 ādayo). Ratanasikkhāpadanti ratanaṃ vā ratanasammataṃ vā paṭisāmanasikkhāpadaṃ (pāci. 502 ādayo).
265. баал̣ияам̣ б̣уд̣̇д̇хан̃аан̣знаад̇и бадивид̣̇д̇хасаб̣б̣ан̃н̃уд̇ан̃н̃аан̣зна.
265. Pāḷiyaṃ buddhañāṇenāti paṭividdhasabbaññutaññāṇena.
267. ‘‘на д̣̇зсзнд̇и д̇ат̇ааг̇ад̇аа’’д̇и зд̇зна чад̇д̇абаан̣исса д̇хаммад̣̇зсанаабадигкзбам̣ д̣̇ассзд̇и.
267.‘‘Na desenti tathāgatā’’ti etena chattapāṇissa dhammadesanāpaṭikkhepaṃ dasseti.
269. агад̇анд̇и ан̃н̃зхи амиссийгад̇ам̣, нияад̇асамудтаананд̇и ад̇т̇о. агад̇анд̇и ваа буб̣б̣з анааг̇ад̇ам̣, абхинаванд̇и ад̇т̇о.
269.Akatanti aññehi amissīkataṃ, niyatasamuṭṭhānanti attho. Akatanti vā pubbe anāgataṃ, abhinavanti attho.
270. самудтаанан̃хи сан̇кзбанд̇и зд̇т̇а сан̇кибанд̇и сан̇г̇аяханд̇и сад̣̇исасамудтаанаани зд̇т̇аад̇и сан̇кзбо, самудтаанасийсам̣. нзд̇и винзд̇и гааяаважийд̣̇ужжарид̇анд̇и нзд̇д̇и, винаяабаал̣и, саа зва д̇хаммод̇и нзд̇д̇ид̇хаммод̇и ааха ‘‘винаяабаал̣ид̇хаммассаа’’д̇и.
270.Samuṭṭhānañhi saṅkhepanti ettha saṅkhipanti saṅgayhanti sadisasamuṭṭhānāni etthāti saṅkhepo, samuṭṭhānasīsaṃ. Neti vineti kāyavacīduccaritanti netti, vinayapāḷi, sā eva dhammoti nettidhammoti āha ‘‘vinayapāḷidhammassā’’ti.
самудтаанасийсаван̣н̣анаа нидтид̇аа.
Samuṭṭhānasīsavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi
самудтаанассуд̣̇д̣̇аанам̣ • Samuṭṭhānassuddānaṃ
1. батамабаарааж̇игасамудтаанам̣ • 1. Paṭhamapārājikasamuṭṭhānaṃ
3. сан̃жарид̇д̇асамудтаанам̣ • 3. Sañcarittasamuṭṭhānaṃ
8. ад̣̇д̇хаанасамудтаанам̣ • 8. Addhānasamuṭṭhānaṃ
10. д̇хаммад̣̇зсанаасамудтаанам̣ • 10. Dhammadesanāsamuṭṭhānaṃ
12. жоривудтаабанасамудтаанам̣ • 12. Corivuṭṭhāpanasamuṭṭhānaṃ
13. ананун̃н̃аад̇асамудтаанам̣ • 13. Ananuññātasamuṭṭhānaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā
самудтаанасийсаван̣н̣анаа • Samuṭṭhānasīsavaṇṇanā
батамабаарааж̇игасамудтаанаван̣н̣анаа • Paṭhamapārājikasamuṭṭhānavaṇṇanā
сан̃жарид̇д̇асамудтаанаван̣н̣анаа • Sañcarittasamuṭṭhānavaṇṇanā
ад̣̇д̇хаанасамудтаанаван̣н̣анаа • Addhānasamuṭṭhānavaṇṇanā
д̇хаммад̣̇зсанаасамудтаанаван̣н̣анаа • Dhammadesanāsamuṭṭhānavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / самудтаанасийсаван̣н̣анаа • Samuṭṭhānasīsavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā
самудтаанасийсаван̣н̣анаа • Samuṭṭhānasīsavaṇṇanā
батамабаарааж̇игасамудтаанаван̣н̣анаа • Paṭhamapārājikasamuṭṭhānavaṇṇanā
д̣̇уд̇ияабаарааж̇игасамудтаанаван̣н̣анаа • Dutiyapārājikasamuṭṭhānavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi
самудтаанасийсаван̣н̣анаа • Samuṭṭhānasīsavaṇṇanā
батамабаарааж̇игасамудтаанаван̣н̣анаа • Paṭhamapārājikasamuṭṭhānavaṇṇanā
сан̃жарид̇д̇асамудтаанаван̣н̣анаа • Sañcarittasamuṭṭhānavaṇṇanā
ад̣̇д̇хаанасамудтаанаван̣н̣анаа • Addhānasamuṭṭhānavaṇṇanā
д̇хаммад̣̇зсанаасамудтаанаван̣н̣анаа • Dhammadesanāsamuṭṭhānavaṇṇanā
