| Library / Tipiṭaka / ತಿಪಿಟಕ • Tipiṭaka / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā |
ಸಮುಟ್ಠಾನಸೀಸವಣ್ಣನಾ
Samuṭṭhānasīsavaṇṇanā
೨೫೭. ಸಮುಟ್ಠಾನಕಥಾಯ ಪನ ಕರುಣಾಸೀತಲಭಾವೇನ ಚನ್ದಸದಿಸತ್ತಾ ‘‘ಬುದ್ಧಚನ್ದೇ’’ತಿ ವುತ್ತಂ, ಕಿಲೇಸತಿಮಿರಪಹಾನತೋ ‘‘ಬುದ್ಧಾದಿಚ್ಚೇ’’ತಿ ವುತ್ತಂ। ಪಿಟಕೇ ತೀಣಿ ದೇಸಯೀತಿ ಯಸ್ಮಾ ತೇ ದೇಸಯನ್ತಿ, ತಸ್ಮಾ ಅಙ್ಗಿರಸೋಪಿ ಪಿಟಕಾನಿ ತೀಣಿ ದೇಸಯಿ। ತಾನಿ ಕತಮಾನೀತಿ ಆಹ ‘‘ಸುತ್ತನ್ತ’’ನ್ತಿಆದಿ। ಮಹಾಗುಣನ್ತಿ ಮಹಾನಿಸಂಸಂ। ಏವಂ ನೀಯತಿ ಸದ್ಧಮ್ಮೋ, ವಿನಯೋ ಯದಿ ತಿಟ್ಠತೀತಿ ಯದಿ ವಿನಯಪರಿಯತ್ತಿ ಅನನ್ತರಹಿತಾ ತಿಟ್ಠತಿ ಪವತ್ತತಿ, ಏವಂ ಸತಿ ಪಟಿಪತ್ತಿಪಟಿವೇಧಸದ್ಧಮ್ಮೋ ನೀಯತಿ ಪವತ್ತತಿ। ವಿನಯಪರಿಯತ್ತಿ ಪನ ಕಥಂ ತಿಟ್ಠತೀತಿ ಆಹ ‘‘ಉಭತೋಚಾ’’ತಿಆದಿ। ಪರಿವಾರೇನ ಗನ್ಥಿತಾ ತಿಟ್ಠನ್ತೀತಿ ಯೋಜೇತಬ್ಬಂ। ತಸ್ಸೇವ ಪರಿವಾರಸ್ಸಾತಿ ತಸ್ಮಿಂಯೇವ ಪರಿವಾರೇ।
257. Samuṭṭhānakathāya pana karuṇāsītalabhāvena candasadisattā ‘‘buddhacande’’ti vuttaṃ, kilesatimirapahānato ‘‘buddhādicce’’ti vuttaṃ. Piṭake tīṇi desayīti yasmā te desayanti, tasmā aṅgirasopi piṭakāni tīṇi desayi. Tāni katamānīti āha ‘‘suttanta’’ntiādi. Mahāguṇanti mahānisaṃsaṃ. Evaṃ nīyati saddhammo, vinayo yadi tiṭṭhatīti yadi vinayapariyatti anantarahitā tiṭṭhati pavattati, evaṃ sati paṭipattipaṭivedhasaddhammo nīyati pavattati. Vinayapariyatti pana kathaṃ tiṭṭhatīti āha ‘‘ubhatocā’’tiādi. Parivārena ganthitā tiṭṭhantīti yojetabbaṃ. Tasseva parivārassāti tasmiṃyeva parivāre.
ನಿಯತಕತನ್ತಿ ಕತನಿಯತಂ, ನಿಯಮಿತನ್ತಿ ಅತ್ಥೋ। ಅಞ್ಞೇಹಿ ಸದ್ಧಿನ್ತಿ ಸೇಸಸಿಕ್ಖಾಪದೇಹಿ ಸದ್ಧಿಂ। ಅಸಮ್ಭಿನ್ನಸಮುಟ್ಠಾನಾನೀತಿ ಅಸಙ್ಕರಸಮುಟ್ಠಾನಾನಿ।
Niyatakatanti kataniyataṃ, niyamitanti attho. Aññehi saddhinti sesasikkhāpadehi saddhiṃ. Asambhinnasamuṭṭhānānīti asaṅkarasamuṭṭhānāni.
ತಸ್ಮಾ ಸಿಕ್ಖೇತಿ ಯಸ್ಮಾ ವಿನಯೇ ಸತಿ ಸದ್ಧಮ್ಮೋ ತಿಟ್ಠತಿ, ವಿನಯೋ ಚ ಪರಿವಾರೇನ ಗನ್ಥಿತೋ ತಿಟ್ಠತಿ, ಪರಿವಾರೇ ಚ ಸಮುಟ್ಠಾನಾದೀನಿ ದಿಸ್ಸನ್ತಿ, ತಸ್ಮಾ ಸಿಕ್ಖೇಯ್ಯ ಪರಿವಾರಂ, ಉಗ್ಗಣ್ಹೇಯ್ಯಾತಿ ಅತ್ಥೋ।
Tasmā sikkheti yasmā vinaye sati saddhammo tiṭṭhati, vinayo ca parivārena ganthito tiṭṭhati, parivāre ca samuṭṭhānādīni dissanti, tasmā sikkheyya parivāraṃ, uggaṇheyyāti attho.
ಆದಿಮ್ಹಿ ತಾವ ಪುರಿಮನಯೇತಿ ‘‘ಛನ್ನಂ ಆಪತ್ತಿಸಮುಟ್ಠಾನಾನಂ ಕತಿಹಿ ಸಮುಟ್ಠಾನೇಹಿ ಸಮುಟ್ಠಾತೀತಿ ಏಕೇನ ಸಮುಟ್ಠಾನೇನ ಸಮುಟ್ಠಾತಿ, ಕಾಯತೋ ಚ ಚಿತ್ತತೋ ಚ ಸಮುಟ್ಠಾತೀ’’ತಿಆದಿನಾ (ಪರಿ॰ ೧೮೭) ಪಞ್ಞತ್ತಿವಾರೇ ಸಕಿಂ ಆಗತನಯಂ ಸನ್ಧಾಯೇತಂ ವುತ್ತಂ।
Ādimhi tāva purimanayeti ‘‘channaṃ āpattisamuṭṭhānānaṃ katihi samuṭṭhānehi samuṭṭhātīti ekena samuṭṭhānena samuṭṭhāti, kāyato ca cittato ca samuṭṭhātī’’tiādinā (pari. 187) paññattivāre sakiṃ āgatanayaṃ sandhāyetaṃ vuttaṃ.
೨೫೮. ನಾನುಬನ್ಧೇ ಪವತ್ತಿನಿನ್ತಿ ‘‘ಯಾ ಪನ ಭಿಕ್ಖುನೀ ವುಟ್ಠಾಪಿತಂ ಪವತ್ತಿನಿಂ ದ್ವೇ ವಸ್ಸಾನಿ ನಾನುಬನ್ಧೇಯ್ಯಾ’’ತಿ (ಪಾಚಿ॰ ೧೧೧೧) ವುತ್ತಸಿಕ್ಖಾಪದಂ।
258.Nānubandhe pavattininti ‘‘yā pana bhikkhunī vuṭṭhāpitaṃ pavattiniṃ dve vassāni nānubandheyyā’’ti (pāci. 1111) vuttasikkhāpadaṃ.
೨೭೦. ಅಕತನ್ತಿ ಅಞ್ಞೇಹಿ ಅಮಿಸ್ಸೀಕತಂ, ನಿಯತಸಮುಟ್ಠಾನನ್ತಿ ವುತ್ತಂ ಹೋತಿ।
270.Akatanti aññehi amissīkataṃ, niyatasamuṭṭhānanti vuttaṃ hoti.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಪರಿವಾರಪಾಳಿ • Parivārapāḷi
ಸಮುಟ್ಠಾನಸ್ಸುದ್ದಾನಂ • Samuṭṭhānassuddānaṃ
೧. ಪಠಮಪಾರಾಜಿಕಸಮುಟ್ಠಾನಂ • 1. Paṭhamapārājikasamuṭṭhānaṃ
೧೩. ಅನನುಞ್ಞಾತಸಮುಟ್ಠಾನಂ • 13. Ananuññātasamuṭṭhānaṃ
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಪರಿವಾರ-ಅಟ್ಠಕಥಾ • Parivāra-aṭṭhakathā
ಸಮುಟ್ಠಾನಸೀಸವಣ್ಣನಾ • Samuṭṭhānasīsavaṇṇanā
ಪಠಮಪಾರಾಜಿಕಸಮುಟ್ಠಾನವಣ್ಣನಾ • Paṭhamapārājikasamuṭṭhānavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಜಿರಬುದ್ಧಿ-ಟೀಕಾ • Vajirabuddhi-ṭīkā
ಸಮುಟ್ಠಾನಸೀಸವಣ್ಣನಾ • Samuṭṭhānasīsavaṇṇanā
ಪಠಮಪಾರಾಜಿಕಸಮುಟ್ಠಾನವಣ್ಣನಾ • Paṭhamapārājikasamuṭṭhānavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಿಮತಿವಿನೋದನೀ-ಟೀಕಾ • Vimativinodanī-ṭīkā / ಸಮುಟ್ಠಾನಸೀಸವಣ್ಣನಾ • Samuṭṭhānasīsavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi
ಸಮುಟ್ಠಾನಸೀಸವಣ್ಣನಾ • Samuṭṭhānasīsavaṇṇanā
ಪಠಮಪಾರಾಜಿಕಸಮುಟ್ಠಾನವಣ್ಣನಾ • Paṭhamapārājikasamuṭṭhānavaṇṇanā
