| Library / Tipiṭaka / ཏིཔིཊཀ • Tipiṭaka / སཱརཏྠདཱིཔནཱི-ཊཱིཀཱ • Sāratthadīpanī-ṭīkā |
སམུཊྛཱནསཱིསཝཎྞནཱ
Samuṭṭhānasīsavaṇṇanā
༢༥༧. སམུཊྛཱནཀཐཱཡ པན ཀརུཎཱསཱིཏལབྷཱཝེན ཙནྡསདིསཏྟཱ ‘‘བུདྡྷཙནྡེ’’ཏི ཝུཏྟཾ, ཀིལེསཏིམིརཔཧཱནཏོ ‘‘བུདྡྷཱདིཙྩེ’’ཏི ཝུཏྟཾ། པིཊཀེ ཏཱིཎི དེསཡཱིཏི ཡསྨཱ ཏེ དེསཡནྟི, ཏསྨཱ ཨངྒིརསོཔི པིཊཀཱནི ཏཱིཎི དེསཡི། ཏཱནི ཀཏམཱནཱིཏི ཨཱཧ ‘‘སུཏྟནྟ’’ནྟིཨཱདི། མཧཱགུཎནྟི མཧཱནིསཾསཾ། ཨེཝཾ ནཱིཡཏི སདྡྷམྨོ, ཝིནཡོ ཡདི ཏིཊྛཏཱིཏི ཡདི ཝིནཡཔརིཡཏྟི ཨནནྟརཧིཏཱ ཏིཊྛཏི པཝཏྟཏི, ཨེཝཾ སཏི པཊིཔཏྟིཔཊིཝེདྷསདྡྷམྨོ ནཱིཡཏི པཝཏྟཏི། ཝིནཡཔརིཡཏྟི པན ཀཐཾ ཏིཊྛཏཱིཏི ཨཱཧ ‘‘ཨུབྷཏོཙཱ’’ཏིཨཱདི། པརིཝཱརེན གནྠིཏཱ ཏིཊྛནྟཱིཏི ཡོཛེཏབྦཾ། ཏསྶེཝ པརིཝཱརསྶཱཏི ཏསྨིཾཡེཝ པརིཝཱརེ།
257. Samuṭṭhānakathāya pana karuṇāsītalabhāvena candasadisattā ‘‘buddhacande’’ti vuttaṃ, kilesatimirapahānato ‘‘buddhādicce’’ti vuttaṃ. Piṭake tīṇi desayīti yasmā te desayanti, tasmā aṅgirasopi piṭakāni tīṇi desayi. Tāni katamānīti āha ‘‘suttanta’’ntiādi. Mahāguṇanti mahānisaṃsaṃ. Evaṃ nīyati saddhammo, vinayo yadi tiṭṭhatīti yadi vinayapariyatti anantarahitā tiṭṭhati pavattati, evaṃ sati paṭipattipaṭivedhasaddhammo nīyati pavattati. Vinayapariyatti pana kathaṃ tiṭṭhatīti āha ‘‘ubhatocā’’tiādi. Parivārena ganthitā tiṭṭhantīti yojetabbaṃ. Tasseva parivārassāti tasmiṃyeva parivāre.
ནིཡཏཀཏནྟི ཀཏནིཡཏཾ, ནིཡམིཏནྟི ཨཏྠོ། ཨཉྙེཧི སདྡྷིནྟི སེསསིཀྑཱཔདེཧི སདྡྷིཾ། ཨསམྦྷིནྣསམུཊྛཱནཱནཱིཏི ཨསངྐརསམུཊྛཱནཱནི།
Niyatakatanti kataniyataṃ, niyamitanti attho. Aññehi saddhinti sesasikkhāpadehi saddhiṃ. Asambhinnasamuṭṭhānānīti asaṅkarasamuṭṭhānāni.
ཏསྨཱ སིཀྑེཏི ཡསྨཱ ཝིནཡེ སཏི སདྡྷམྨོ ཏིཊྛཏི, ཝིནཡོ ཙ པརིཝཱརེན གནྠིཏོ ཏིཊྛཏི, པརིཝཱརེ ཙ སམུཊྛཱནཱདཱིནི དིསྶནྟི, ཏསྨཱ སིཀྑེཡྻ པརིཝཱརཾ, ཨུགྒཎྷེཡྻཱཏི ཨཏྠོ།
Tasmā sikkheti yasmā vinaye sati saddhammo tiṭṭhati, vinayo ca parivārena ganthito tiṭṭhati, parivāre ca samuṭṭhānādīni dissanti, tasmā sikkheyya parivāraṃ, uggaṇheyyāti attho.
ཨཱདིམྷི ཏཱཝ པུརིམནཡེཏི ‘‘ཚནྣཾ ཨཱཔཏྟིསམུཊྛཱནཱནཾ ཀཏིཧི སམུཊྛཱནེཧི སམུཊྛཱཏཱིཏི ཨེཀེན སམུཊྛཱནེན སམུཊྛཱཏི, ཀཱཡཏོ ཙ ཙིཏྟཏོ ཙ སམུཊྛཱཏཱི’’ཏིཨཱདིནཱ (པརི॰ ༡༨༧) པཉྙཏྟིཝཱརེ སཀིཾ ཨཱགཏནཡཾ སནྡྷཱཡེཏཾ ཝུཏྟཾ།
Ādimhi tāva purimanayeti ‘‘channaṃ āpattisamuṭṭhānānaṃ katihi samuṭṭhānehi samuṭṭhātīti ekena samuṭṭhānena samuṭṭhāti, kāyato ca cittato ca samuṭṭhātī’’tiādinā (pari. 187) paññattivāre sakiṃ āgatanayaṃ sandhāyetaṃ vuttaṃ.
༢༥༨. ནཱནུབནྡྷེ པཝཏྟིནིནྟི ‘‘ཡཱ པན བྷིཀྑུནཱི ཝུཊྛཱཔིཏཾ པཝཏྟིནིཾ དྭེ ཝསྶཱནི ནཱནུབནྡྷེཡྻཱ’’ཏི (པཱཙི॰ ༡༡༡༡) ཝུཏྟསིཀྑཱཔདཾ།
258.Nānubandhe pavattininti ‘‘yā pana bhikkhunī vuṭṭhāpitaṃ pavattiniṃ dve vassāni nānubandheyyā’’ti (pāci. 1111) vuttasikkhāpadaṃ.
༢༧༠. ཨཀཏནྟི ཨཉྙེཧི ཨམིསྶཱིཀཏཾ, ནིཡཏསམུཊྛཱནནྟི ཝུཏྟཾ ཧོཏི།
270.Akatanti aññehi amissīkataṃ, niyatasamuṭṭhānanti vuttaṃ hoti.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / པརིཝཱརཔཱལི༹ • Parivārapāḷi
སམུཊྛཱནསྶུདྡཱནཾ • Samuṭṭhānassuddānaṃ
༡. པཋམཔཱརཱཛིཀསམུཊྛཱནཾ • 1. Paṭhamapārājikasamuṭṭhānaṃ
༡༣. ཨནནུཉྙཱཏསམུཊྛཱནཾ • 13. Ananuññātasamuṭṭhānaṃ
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / པརིཝཱར-ཨཊྛཀཐཱ • Parivāra-aṭṭhakathā
སམུཊྛཱནསཱིསཝཎྞནཱ • Samuṭṭhānasīsavaṇṇanā
པཋམཔཱརཱཛིཀསམུཊྛཱནཝཎྞནཱ • Paṭhamapārājikasamuṭṭhānavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā
སམུཊྛཱནསཱིསཝཎྞནཱ • Samuṭṭhānasīsavaṇṇanā
པཋམཔཱརཱཛིཀསམུཊྛཱནཝཎྞནཱ • Paṭhamapārājikasamuṭṭhānavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / སམུཊྛཱནསཱིསཝཎྞནཱ • Samuṭṭhānasīsavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi
སམུཊྛཱནསཱིསཝཎྞནཱ • Samuṭṭhānasīsavaṇṇanā
པཋམཔཱརཱཛིཀསམུཊྛཱནཝཎྞནཱ • Paṭhamapārājikasamuṭṭhānavaṇṇanā
