| Library / Tipiṭaka / ਤਿਪਿਟਕ • Tipiṭaka / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā |
ਸਮੁਟ੍ਠਾਨਸੀਸવਣ੍ਣਨਾ
Samuṭṭhānasīsavaṇṇanā
੨੫੭. ਅਨਤ੍ਤਾਤਿ ਅਤ੍ਤવਿਰਹਿਤਾ ‘‘ਅਲવਣਭੋਜਨ’’ਨ੍ਤਿਆਦੀਸੁ વਿਯ। ਕਰੁਣਾਸੀਤਲਭਾવੇਨ ਚਨ੍ਦਸਦਿਸੋ। ਕਿਲੇਸਤਿਮਿਰਪ੍ਪਹਾਨਤੋ ਆਦਿਚ੍ਚੋ। ਯਸ੍ਮਾ ਤੇ ਦੇਸਯਨ੍ਤਿ, ਤਸ੍ਮਾ ਅਙ੍ਗੀਰਸੋਪਿ। ਪਿਟਕੇ ਤੀਣਿ ਦੇਸਯਿ ਤੇਸਂ ਅਞ੍ਞਤਰਤ੍ਤਾਤਿ ਅਤ੍ਥੋ। વਿਨਯੋ ਯਦਿ ਤਿਟ੍ਠਤਿ, ਏવਂ ਪਟਿਪਤ੍ਤਿਸਦ੍ਧਮ੍ਮਾਦਿ ਨੀਯਤਿ ਪવਤ੍ਤਤੀਤਿ ਅਤ੍ਥੋ। ਅਯਂ ਪਨ ਕਥਂ ਤਿਟ੍ਠਤੀਤਿ? ਆਹ ‘‘ਉਭਤੋ ਚਾ’’ਤਿਆਦਿ। ਪਰਿવਾਰੇਨ ਗਨ੍ਥਿਤਾ ਤਿਟ੍ਠਨ੍ਤੀਤਿ ਅਤ੍ਥੋ। ਤਸ੍ਸੇવ ਪਰਿવਾਰਸ੍ਸ ਸੁਤ੍ਤੇ। ਨਿਯਤਸਮੁਟ੍ਠਾਨਂ ਕਤਂ, વੁਤ੍ਤਨ੍ਤਿ ਅਧਿਪ੍ਪਾਯੋ। ਅਸਮ੍ਭਿਨ੍ਨਸਮੁਟ੍ਠਾਨਾਨਿ ਅਸਙ੍ਕਰਸਮੁਟ੍ਠਾਨਾਨਿ, ਅਞ੍ਞੇਹਿ ਅਸਦਿਸਸਮੁਟ੍ਠਾਨਾਨੀਤਿ ਅਤ੍ਥੋ। ਯਸ੍ਮਾ ਪਰਿવਾਰੇ ਸਤਿ વਿਨਯੋ ਤਿਟ੍ਠਤਿ, વਿਨਯੇ ਸਤਿ ਸਦ੍ਧਮ੍ਮੋ ਤਿਟ੍ਠਤਿ, ਯਸ੍ਮਾ ਸਮੁਟ੍ਠਾਨਾਨਿ ਚ ਸੁਤ੍ਤੇ ਦਿਸ੍ਸਨ੍ਤਿ, ਤਸ੍ਮਾ ਸਿਕ੍ਖੇਤਿ ਅਤ੍ਥੋ। ‘‘ਧਮ੍ਮਕਾਮੋ ਸੁਪੇਸਲੋ’’ਤਿ ਪਰਿવਾਰੇ ਗਾਰવਜਨਨਤ੍ਥਂ વੁਤ੍ਤਂ। ਤਤ੍ਥਾਤਿ ‘‘ਦਿਸ੍ਸਨ੍ਤੀ’’ਤਿ ਤਤ੍ਥ। ‘‘ਏਕੇਨ ਸਮੁਟ੍ਠਾਨੇਨ ਸਮੁਟ੍ਠਾਤੀਤਿ ਪਠਮਪਾਰਾਜਿਕਂ ਏਕੇਨ ਸਮੁਟ੍ਠਾਨੇਨ ਸਮੁਟ੍ਠਾਤੀ’’ਤਿ વੁਤ੍ਤਂ। ਪਾਲ਼ਿਯਞ੍ਹਿ ਨਿਦ੍ਦਿਟ੍ਠਸਮੁਟ੍ਠਾਨਞ੍ਚ ਦਿਸ੍ਸਤਿ। ‘‘ਤਸ੍ਸੇવ ਪਰਿવਾਰਸ੍ਸ, ਸਮੁਟ੍ਠਾਨਂ ਨਿਯਤੋ ਕਤ’’ਨ੍ਤਿ વੁਤ੍ਤਂ ਪੁਰਿਮਨਯੇਤਿ ਅਤ੍ਥੋ। ਯਥਾਞਾਯਨ੍ਤਿ ਯਥਾਭੂਤਂ। ‘‘ਸਞ੍ਚਰਿਤ੍ਤਾਭਾਸਨਞ੍ਚਾ’’ਤਿ ਪਾਠੋ। ‘‘ਸਞ੍ਚਰਿਤ੍ਤਾਨੁਭਾਸਨਞ੍ਚਾ’’ਤਿਪਿ ਅਤ੍ਥਿ। ਨਯવਜ੍ਜੇਹਿ વਿਨਯવਜ੍ਜੇਹੀਤਿ ਅਤ੍ਥੋ।
257.Anattāti attavirahitā ‘‘alavaṇabhojana’’ntiādīsu viya. Karuṇāsītalabhāvena candasadiso. Kilesatimirappahānato ādicco. Yasmā te desayanti, tasmā aṅgīrasopi. Piṭake tīṇi desayi tesaṃ aññatarattāti attho. Vinayo yadi tiṭṭhati, evaṃ paṭipattisaddhammādi nīyati pavattatīti attho. Ayaṃ pana kathaṃ tiṭṭhatīti? Āha ‘‘ubhato cā’’tiādi. Parivārena ganthitā tiṭṭhantīti attho. Tasseva parivārassa sutte. Niyatasamuṭṭhānaṃ kataṃ, vuttanti adhippāyo. Asambhinnasamuṭṭhānāni asaṅkarasamuṭṭhānāni, aññehi asadisasamuṭṭhānānīti attho. Yasmā parivāre sati vinayo tiṭṭhati, vinaye sati saddhammo tiṭṭhati, yasmā samuṭṭhānāni ca sutte dissanti, tasmā sikkheti attho. ‘‘Dhammakāmo supesalo’’ti parivāre gāravajananatthaṃ vuttaṃ. Tatthāti ‘‘dissantī’’ti tattha. ‘‘Ekena samuṭṭhānena samuṭṭhātīti paṭhamapārājikaṃ ekena samuṭṭhānena samuṭṭhātī’’ti vuttaṃ. Pāḷiyañhi niddiṭṭhasamuṭṭhānañca dissati. ‘‘Tasseva parivārassa, samuṭṭhānaṃ niyato kata’’nti vuttaṃ purimanayeti attho. Yathāñāyanti yathābhūtaṃ. ‘‘Sañcarittābhāsanañcā’’ti pāṭho. ‘‘Sañcarittānubhāsanañcā’’tipi atthi. Nayavajjehi vinayavajjehīti attho.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਪਰਿવਾਰਪਾਲ਼ਿ • Parivārapāḷi / ਸਮੁਟ੍ਠਾਨਸ੍ਸੁਦ੍ਦਾਨਂ • Samuṭṭhānassuddānaṃ
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਪਰਿવਾਰ-ਅਟ੍ਠਕਥਾ • Parivāra-aṭṭhakathā / ਸਮੁਟ੍ਠਾਨਸੀਸવਣ੍ਣਨਾ • Samuṭṭhānasīsavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਸਮੁਟ੍ਠਾਨਸੀਸવਣ੍ਣਨਾ • Samuṭṭhānasīsavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਸਮੁਟ੍ਠਾਨਸੀਸવਣ੍ਣਨਾ • Samuṭṭhānasīsavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਸਮੁਟ੍ਠਾਨਸੀਸવਣ੍ਣਨਾ • Samuṭṭhānasīsavaṇṇanā
