| Library / Tipiṭaka / తిపిటక • Tipiṭaka / పరివారపాళి • Parivārapāḷi |
సముట్ఠానసీససఙ్ఖేపో
Samuṭṭhānasīsasaṅkhepo
సముట్ఠానస్సుద్దానం
Samuṭṭhānassuddānaṃ
౨౫౭.
257.
అనిచ్చా సబ్బే సఙ్ఖారా, దుక్ఖానత్తా చ సఙ్ఖతా;
Aniccā sabbe saṅkhārā, dukkhānattā ca saṅkhatā;
నిబ్బానఞ్చేవ పఞ్ఞత్తి, అనత్తా ఇతి నిచ్ఛయా.
Nibbānañceva paññatti, anattā iti nicchayā.
బుద్ధచన్దే అనుప్పన్నే, బుద్ధాదిచ్చే అనుగ్గతే;
Buddhacande anuppanne, buddhādicce anuggate;
తేసం సభాగధమ్మానం, నామమత్తం న నాయతి.
Tesaṃ sabhāgadhammānaṃ, nāmamattaṃ na nāyati.
దుక్కరం వివిధం కత్వా, పూరయిత్వాన పారమీ;
Dukkaraṃ vividhaṃ katvā, pūrayitvāna pāramī;
ఉప్పజ్జన్తి మహావీరా, చక్ఖుభూతా సబ్రహ్మకే.
Uppajjanti mahāvīrā, cakkhubhūtā sabrahmake.
తే దేసయన్తి సద్ధమ్మం, దుక్ఖహానిం సుఖావహం;
Te desayanti saddhammaṃ, dukkhahāniṃ sukhāvahaṃ;
అఙ్గీరసో సక్యముని, సబ్బభూతానుకమ్పకో.
Aṅgīraso sakyamuni, sabbabhūtānukampako.
సబ్బసత్తుత్తమో సీహో, పిటకే తీణి దేసయి;
Sabbasattuttamo sīho, piṭake tīṇi desayi;
సుత్తన్తమభిధమ్మఞ్చ, వినయఞ్చ మహాగుణం.
Suttantamabhidhammañca, vinayañca mahāguṇaṃ.
ఏవం నీయతి సద్ధమ్మో, వినయో యది తిట్ఠతి;
Evaṃ nīyati saddhammo, vinayo yadi tiṭṭhati;
ఉభతో చ విభఙ్గాని, ఖన్ధకా యా చ మాతికా.
Ubhato ca vibhaṅgāni, khandhakā yā ca mātikā.
మాలా సుత్తగుణేనేవ, పరివారేన గన్థితా;
Mālā suttaguṇeneva, parivārena ganthitā;
తస్సేవ పరివారస్స, సముట్ఠానం నియతో కతం.
Tasseva parivārassa, samuṭṭhānaṃ niyato kataṃ.
సమ్భేదం నిదానం చఞ్ఞం, సుత్తే దిస్సన్తి ఉపరి;
Sambhedaṃ nidānaṃ caññaṃ, sutte dissanti upari;
తస్మా సిక్ఖే పరివారం, ధమ్మకామో సుపేసలోతి.
Tasmā sikkhe parivāraṃ, dhammakāmo supesaloti.
Related texts:
అట్ఠకథా • Aṭṭhakathā / వినయపిటక (అట్ఠకథా) • Vinayapiṭaka (aṭṭhakathā) / పరివార-అట్ఠకథా • Parivāra-aṭṭhakathā / సముట్ఠానసీసవణ్ణనా • Samuṭṭhānasīsavaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / సారత్థదీపనీ-టీకా • Sāratthadīpanī-ṭīkā / సముట్ఠానసీసవణ్ణనా • Samuṭṭhānasīsavaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / వజిరబుద్ధి-టీకా • Vajirabuddhi-ṭīkā / సముట్ఠానసీసవణ్ణనా • Samuṭṭhānasīsavaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / విమతివినోదనీ-టీకా • Vimativinodanī-ṭīkā / సముట్ఠానసీసవణ్ణనా • Samuṭṭhānasīsavaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / పాచిత్యాదియోజనాపాళి • Pācityādiyojanāpāḷi / సముట్ఠానసీసవణ్ణనా • Samuṭṭhānasīsavaṇṇanā
