| Library / Tipiṭaka / তিপিটক • Tipiṭaka / পরিৰারপাল়ি • Parivārapāḷi |
৫. সমুট্ঠানৰারো
5. Samuṭṭhānavāro
১৯৭. মেথুনং ধম্মং পটিসেৰনপচ্চযা আপত্তিযো ছন্নং আপত্তিসমুট্ঠানানং কতিহি সমুট্ঠানেহি সমুট্ঠন্তি? মেথুনং ধম্মং পটিসেৰনপচ্চযা আপত্তিযো ছন্নং আপত্তিসমুট্ঠানানং একেন সমুট্ঠানেন সমুট্ঠন্তি – কাযতো চ চিত্ততো চ সমুট্ঠন্তি, ন ৰাচতো…পে॰…।
197. Methunaṃ dhammaṃ paṭisevanapaccayā āpattiyo channaṃ āpattisamuṭṭhānānaṃ katihi samuṭṭhānehi samuṭṭhanti? Methunaṃ dhammaṃ paṭisevanapaccayā āpattiyo channaṃ āpattisamuṭṭhānānaṃ ekena samuṭṭhānena samuṭṭhanti – kāyato ca cittato ca samuṭṭhanti, na vācato…pe….
অনাদরিযং পটিচ্চ উদকে উচ্চারং ৰা পস্সাৰং ৰা খেল়ং ৰা করণপচ্চযা আপত্তি ছন্নং আপত্তিসমুট্ঠানানং কতিহি সমুট্ঠানেহি সমুট্ঠাতি? অনাদরিযং পটিচ্চ উদকে উচ্চারং ৰা পস্সাৰং ৰা খেল়ং ৰা করণপচ্চযা আপত্তি ছন্নং আপত্তিসমুট্ঠানানং একেন সমুট্ঠানেন সমুট্ঠাতি – কাযতো চ চিত্ততো চ সমুট্ঠাতি, ন ৰাচতো…পে॰…।
Anādariyaṃ paṭicca udake uccāraṃ vā passāvaṃ vā kheḷaṃ vā karaṇapaccayā āpatti channaṃ āpattisamuṭṭhānānaṃ katihi samuṭṭhānehi samuṭṭhāti? Anādariyaṃ paṭicca udake uccāraṃ vā passāvaṃ vā kheḷaṃ vā karaṇapaccayā āpatti channaṃ āpattisamuṭṭhānānaṃ ekena samuṭṭhānena samuṭṭhāti – kāyato ca cittato ca samuṭṭhāti, na vācato…pe….
সমুট্ঠানৰারো নিট্ঠিতো পঞ্চমো।
Samuṭṭhānavāro niṭṭhito pañcamo.
