| Library / Tipiṭaka / তিপিটক • Tipiṭaka / পরিৰারপাল়ি • Parivārapāḷi |
৫. সমুট্ঠানৰারো
5. Samuṭṭhānavāro
২৪৩. অৰস্সুতায ভিক্খুনিযা অৰস্সুতস্স পুরিসপুগ্গলস্স কাযসংসগ্গং সাদিযন্তিযা আপত্তিযো ছন্নং আপত্তিসমুট্ঠানানং কতিহি সমুট্ঠানেহি সমুট্ঠন্তি? অৰস্সুতায ভিক্খুনিযা অৰস্সুতস্স পুরিসপুগ্গলস্স কাযসংসগ্গং সাদিযন্তিযা আপত্তিযো ছন্নং আপত্তিসমুট্ঠানানং একেন সমুট্ঠানেন সমুট্ঠন্তি – কাযতো চ চিত্ততো চ সমুট্ঠন্তি, ন ৰাচতো…পে॰…।
243. Avassutāya bhikkhuniyā avassutassa purisapuggalassa kāyasaṃsaggaṃ sādiyantiyā āpattiyo channaṃ āpattisamuṭṭhānānaṃ katihi samuṭṭhānehi samuṭṭhanti? Avassutāya bhikkhuniyā avassutassa purisapuggalassa kāyasaṃsaggaṃ sādiyantiyā āpattiyo channaṃ āpattisamuṭṭhānānaṃ ekena samuṭṭhānena samuṭṭhanti – kāyato ca cittato ca samuṭṭhanti, na vācato…pe….
দধিং ৰিঞ্ঞাপেত্ৰা ভুঞ্জন্তিযা আপত্তিযো ছন্নং আপত্তিসমুট্ঠানানং কতিহি সমুট্ঠানেহি সমুট্ঠন্তি? দধিং ৰিঞ্ঞাপেত্ৰা ভুঞ্জন্তিযা আপত্তিযো ছন্নং আপত্তিসমুট্ঠানানং চতূহি সমুট্ঠানেহি সমুট্ঠন্তি – সিযা কাযতো সমুট্ঠন্তি, ন ৰাচতো ন চিত্ততো; সিযা কাযতো চ ৰাচতো চ সমুট্ঠন্তি, ন চিত্ততো; সিযা কাযতো চ চিত্ততো চ সমুট্ঠন্তি, ন ৰাচতো; সিযা কাযতো চ ৰাচতো চ চিত্ততো চ সমুট্ঠন্তি।
Dadhiṃ viññāpetvā bhuñjantiyā āpattiyo channaṃ āpattisamuṭṭhānānaṃ katihi samuṭṭhānehi samuṭṭhanti? Dadhiṃ viññāpetvā bhuñjantiyā āpattiyo channaṃ āpattisamuṭṭhānānaṃ catūhi samuṭṭhānehi samuṭṭhanti – siyā kāyato samuṭṭhanti, na vācato na cittato; siyā kāyato ca vācato ca samuṭṭhanti, na cittato; siyā kāyato ca cittato ca samuṭṭhanti, na vācato; siyā kāyato ca vācato ca cittato ca samuṭṭhanti.
সমুট্ঠানৰারো নিট্ঠিতো পঞ্চমো।
Samuṭṭhānavāro niṭṭhito pañcamo.
