| Library / Tipiṭaka / তিপিটক • Tipiṭaka / কঙ্খাৰিতরণী-পুরাণ-টীকা • Kaṅkhāvitaraṇī-purāṇa-ṭīkā |
সমুট্ঠানৰিনিচ্ছযৰণ্ণনা
Samuṭṭhānavinicchayavaṇṇanā
সমুট্ঠানানং ৰিনিচ্ছযে পন গিরগ্গসমজ্জাদীনি ‘‘অচিত্তকানি লোকৰজ্জানী’’তি ৰুত্তত্তা ‘‘নচ্চ’’ন্তি ৰা ‘‘গন্ধ’’ন্তি ৰা অজানিত্ৰাপি দস্সনেন, ৰিলিম্পনেন ৰা আপজ্জনতো ৰত্থুঅজাননচিত্তেন অচিত্তকানি। ‘‘নচ্চ’’ন্তি ৰা ‘‘গন্ধ’’ন্তি ৰা জানিত্ৰা পস্সন্তিযা, ৰিলিম্পন্তিযা ৰা অকুসলত্তা এৰ লোকৰজ্জানি। চোরিৰুট্ঠাপনাদীনি ‘‘চোরী’’তিআদিনা ৰত্থুং জানিত্ৰা করণেযেৰ আপজ্জনত্তা সচিত্তকানি। উপসম্পদাদীনং একন্তাকুসলচিত্তেনেৰ অকত্তব্বত্তা পণ্ণত্তিৰজ্জানি। ‘‘ইধ সচিত্তকাচিত্তকতা পণ্ণত্তিজাননাজাননতায অগ্গহেত্ৰা ৰত্থুজাননাজাননতায গহেতব্ব’’ন্তি লিখিতং। অধিপ্পেতত্তা সঙ্খেপতো দস্সনাভাৰা –
Samuṭṭhānānaṃ vinicchaye pana giraggasamajjādīni ‘‘acittakāni lokavajjānī’’ti vuttattā ‘‘nacca’’nti vā ‘‘gandha’’nti vā ajānitvāpi dassanena, vilimpanena vā āpajjanato vatthuajānanacittena acittakāni. ‘‘Nacca’’nti vā ‘‘gandha’’nti vā jānitvā passantiyā, vilimpantiyā vā akusalattā eva lokavajjāni. Corivuṭṭhāpanādīni ‘‘corī’’tiādinā vatthuṃ jānitvā karaṇeyeva āpajjanattā sacittakāni. Upasampadādīnaṃ ekantākusalacitteneva akattabbattā paṇṇattivajjāni. ‘‘Idha sacittakācittakatā paṇṇattijānanājānanatāya aggahetvā vatthujānanājānanatāya gahetabba’’nti likhitaṃ. Adhippetattā saṅkhepato dassanābhāvā –
অচিত্তকত্তং দ্ৰিধা মতং, ৰত্থুপণ্ণত্তিঅঞ্ঞাণা।
Acittakattaṃ dvidhā mataṃ, vatthupaṇṇattiaññāṇā;
ৰুত্তং ঞাণং দ্ৰিধা ইধ, সকনামেন অঞ্ঞাতং॥
Vuttaṃ ñāṇaṃ dvidhā idha, sakanāmena aññātaṃ.
পরনামঞ্চ জাননং, ৰত্থুস্সেকং বলক্কারে।
Paranāmañca jānanaṃ, vatthussekaṃ balakkāre;
একধা সমচারিকে, তস্মিং তপ্পটিবন্ধোতি॥
Ekadhā samacārike, tasmiṃ tappaṭibandhoti.
পরনামেন জাননং, দ্ৰিধা মুত্তাদিকে একং।
Paranāmena jānanaṃ, dvidhā muttādike ekaṃ;
একং লোমাদিকে মতন্তি, অযং ভেদো ৰেদিতব্বো॥
Ekaṃ lomādike matanti, ayaṃ bhedo veditabbo.
সেসমেত্থ উত্তানং, অনুত্তানত্থে ৰুত্তৰিনিচ্ছযত্তা ন উদ্ধটন্তি।
Sesamettha uttānaṃ, anuttānatthe vuttavinicchayattā na uddhaṭanti;
সমুট্ঠানৰিনিচ্ছযৰণ্ণনা নিট্ঠিতা।
Samuṭṭhānavinicchayavaṇṇanā niṭṭhitā.
ভিক্খুনীপাতিমোক্খৰণ্ণনা নিট্ঠিতা।
Bhikkhunīpātimokkhavaṇṇanā niṭṭhitā.
কঙ্খাৰিতরণীপুরাণটীকা নিট্ঠিতা।
Kaṅkhāvitaraṇīpurāṇaṭīkā niṭṭhitā.
