| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
10. сам̣варагат̇ааван̣н̣анаа
10. Saṃvarakathāvaṇṇanā
379. ид̣̇аани сам̣варагат̇аа наама ход̇и. д̇ад̇т̇а язсам̣ д̇аавад̇им̣сз д̣̇звз убаад̣̇ааяа д̇ад̇уд̇д̇ари д̣̇звзсу яасмаа д̇з бан̃жа взраани на самаажаранд̇и, д̇асмаа сам̣варо ад̇т̇ийд̇и лад̣̇д̇хи, д̇з санд̇хааяа бужчаа сагаваад̣̇исса, взрасамуд̣̇аажаарам̣ абассад̇о бадин̃н̃аа ид̇арасса. д̇ад̇о яасмаа сам̣варо наама сам̣варид̇аб̣б̣з асам̣варз сад̇и ход̇и, д̇асмаа асам̣варабужчаа сагаваад̣̇исса, д̣̇звзсу баан̣аад̇ибаад̇аад̣̇ийнам̣ абхаавзна бадигкзбо ид̇арасса.
379. Idāni saṃvarakathā nāma hoti. Tattha yesaṃ tāvatiṃse deve upādāya tatuttari devesu yasmā te pañca verāni na samācaranti, tasmā saṃvaro atthīti laddhi, te sandhāya pucchā sakavādissa, verasamudācāraṃ apassato paṭiññā itarassa. Tato yasmā saṃvaro nāma saṃvaritabbe asaṃvare sati hoti, tasmā asaṃvarapucchā sakavādissa, devesu pāṇātipātādīnaṃ abhāvena paṭikkhepo itarassa.
ад̇т̇и мануссзсууд̇иаад̣̇и сам̣варз сад̇и асам̣варасса асам̣варз жа сад̇и сам̣варасса бавад̇д̇ид̣̇ассанад̇т̇ам̣ вуд̇д̇ам̣.
Atthi manussesūtiādi saṃvare sati asaṃvarassa asaṃvare ca sati saṃvarassa pavattidassanatthaṃ vuttaṃ.
380. баан̣аад̇ибаад̇аа взраман̣ийд̇и аад̣̇ибан̃хзсу баан̣аад̇ибаад̇аад̣̇ийнам̣ асамаажаран̣авасзна бадин̃н̃аа, баан̣аад̇ибаад̇аад̣̇ийнам̣ над̇т̇ид̇ааяа бадигкзбо взд̣̇ид̇аб̣б̣о. бадиломабан̃хаа уд̇д̇аанад̇т̇ааязва.
380. Pāṇātipātā veramaṇīti ādipañhesu pāṇātipātādīnaṃ asamācaraṇavasena paṭiññā, pāṇātipātādīnaṃ natthitāya paṭikkhepo veditabbo. Paṭilomapañhā uttānatthāyeva.
авасаанз над̇т̇и д̣̇звзсу сам̣варод̇ибан̃хз баан̣аад̇ибаад̇аад̣̇ийни гад̇ваа буна д̇ад̇о сам̣вараабхаавам̣ санд̇хааяа бадин̃н̃аа сагаваад̣̇исса. д̇ад̇о чалавасзна яад̣̇и сам̣варо над̇т̇и, саб̣б̣з д̣̇зваа баан̣аад̇ибаад̇инод̇иаад̣̇ибужчаа бараваад̣̇исса. д̣̇зваанам̣ взрасамуд̣̇аажаарасса абхаавзна бадигкзбо сагаваад̣̇исса. нахзванд̇и важанамад̇д̇ам̣ г̇ахзд̇ваа лад̣̇д̇хибад̇идтаабанам̣ бараваад̣̇исса. звам̣ бад̇идтид̇аа бана лад̣̇д̇хи аббад̇идтид̇аава ход̇ийд̇и.
Avasāne natthi devesu saṃvarotipañhe pāṇātipātādīni katvā puna tato saṃvarābhāvaṃ sandhāya paṭiññā sakavādissa. Tato chalavasena yadi saṃvaro natthi, sabbe devā pāṇātipātinotiādipucchā paravādissa. Devānaṃ verasamudācārassa abhāvena paṭikkhepo sakavādissa. Nahevanti vacanamattaṃ gahetvā laddhipatiṭṭhāpanaṃ paravādissa. Evaṃ patiṭṭhitā pana laddhi appatiṭṭhitāva hotīti.
сам̣варагат̇ааван̣н̣анаа.
Saṃvarakathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (30) 10. сам̣варагат̇аа • (30) 10. Saṃvarakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 10. сам̣варагат̇ааван̣н̣анаа • 10. Saṃvarakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 10. сам̣варагат̇ааван̣н̣анаа • 10. Saṃvarakathāvaṇṇanā
