| Library / Tipiṭaka / д̇ибидага • Tipiṭaka / бан̃жабагаран̣а-анудийгаа • Pañcapakaraṇa-anuṭīkā |
10. сам̣варагат̇ааван̣н̣анаа
10. Saṃvarakathāvaṇṇanā
379. аадаанаадияасуд̇д̇з ‘‘санд̇и, бхигкавз, яагкаа язбхуяязна баан̣аад̇ибаад̇аа аббадивирад̇аа’’д̇и (д̣̇ий. ни. 3.276, 286) ааг̇ад̇ад̇д̇аа жаад̇умахаарааж̇игаанам̣ сам̣вараасам̣варасаб̣бхааво авиваад̣̇асид̣̇д̇хо. яад̇т̇а бана виваад̣̇о, д̇амзва д̣̇ассзнд̇зна д̇аавад̇им̣саад̣̇аяо г̇ахид̇аад̇и имамад̇т̇ам̣ д̣̇ассзд̇ум̣ ‘‘жаад̇умахаарааж̇игаана’’нд̇и вуд̇д̇ам̣. звам̣ сад̇ийд̇и яад̣̇и д̇аавад̇им̣сзсу сам̣вараасам̣варо над̇т̇и, звам̣ санд̇з. сураабаананд̇и зд̇т̇ааби ‘‘суяяад̇ий’’д̇и бад̣̇ам̣ аанзд̇ваа самб̣анд̇хид̇аб̣б̣ам̣. гат̇ам̣ суяяад̇ийд̇и? вуд̇д̇ан̃хзд̇ам̣ гумбхаж̇аад̇агз –
379. Āṭānāṭiyasutte ‘‘santi, bhikkhave, yakkhā yebhuyyena pāṇātipātā appaṭiviratā’’ti (dī. ni. 3.276, 286) āgatattā cātumahārājikānaṃ saṃvarāsaṃvarasabbhāvo avivādasiddho. Yattha pana vivādo, tameva dassentena tāvatiṃsādayo gahitāti imamatthaṃ dassetuṃ ‘‘cātumahārājikāna’’nti vuttaṃ. Evaṃ satīti yadi tāvatiṃsesu saṃvarāsaṃvaro natthi, evaṃ sante. Surāpānanti etthāpi ‘‘suyyatī’’ti padaṃ ānetvā sambandhitabbaṃ. Kathaṃ suyyatīti? Vuttañhetaṃ kumbhajātake –
‘‘яам̣ вз бивид̇ваа буб̣б̣ад̣̇зваа бамад̇д̇аа,
‘‘Yaṃ ve pivitvā pubbadevā pamattā,
д̇ид̣̇иваа жуд̇аа сассад̇ияаа самааяаа;
Tidivā cutā sassatiyā samāyā;
д̇ам̣ д̇аад̣̇исам̣ маж̇ж̇амимам̣ нирад̇т̇ам̣,
Taṃ tādisaṃ majjamimaṃ niratthaṃ,
ж̇аанам̣ махаарааж̇а гат̇ам̣ бивзяяаа’’д̇и. (ж̇аа. 1.16.58);
Jānaṃ mahārāja kathaṃ piveyyā’’ti. (jā. 1.16.58);
д̇ад̇т̇а буб̣б̣ад̣̇зваа наама асураа. д̇з хи д̇аавад̇им̣саанам̣ уббад̇д̇ид̇о буб̣б̣ад̣̇зваад̇и бан̃н̃ааяим̣су. бамад̇д̇аад̇и сураабаанзна бамаад̣̇ам̣ аабаннаа. д̇ид̣̇иваад̇и мануссажаад̇умахаарааж̇игалогз убаад̣̇ааяа д̇ад̇ияалогабхууд̇аа д̣̇звадтаанаа, наамамзва ваа зд̇ам̣ д̇асса д̣̇звадтаанасса. сассад̇ияаад̇и гзвалам̣ д̣̇ийгхааяугад̇ам̣ санд̇хааяа вад̣̇ад̇и. самааяаа саха ад̇д̇ано асурамааяааяа, асураманд̇зхи сад̣̇д̇хим̣ жуд̇аад̇и ад̇т̇о. адтагат̇ааяан̃жа вуд̇д̇ам̣ ‘‘ааг̇анд̇угад̣̇звабуд̇д̇аа ааг̇ад̇аад̇и нзваасигаа г̇анд̇хабаанам̣ саж̇ж̇аяим̣су. сагго сагабарисааяа сан̃н̃амад̣̇аасий’’д̇и. д̇знааха ‘‘д̇зсам̣ сураабаанам̣ асам̣варо на ход̇ийд̇и вад̇д̇аб̣б̣ам̣ ход̇ий’’д̇и. зд̇т̇а жа д̇аавад̇им̣саанам̣ баад̇убхаавад̇о бадтааяа сураабаанамби д̇ад̇т̇а наахоси, баг̇зва баан̣аад̇ибаад̇аад̣̇аяод̇и вирамид̇аб̣б̣аабхаавад̇о зва д̇аавад̇им̣сад̇о бадтааяа убари д̣̇звалогзсу самаад̣̇аанасамбад̇д̇авирад̇ивасзна бурзд̇аб̣б̣аа сам̣вараа на санд̇и, логуд̇д̇араа бана санд̇иязва. д̇ат̇аа д̇зхи бахаад̇аб̣б̣аа асам̣вараа. на хи аббахийнаанусаяаанам̣ маг̇г̇аваж̇жхаа гилзсаа на санд̇ийд̇и.
Tattha pubbadevā nāma asurā. Te hi tāvatiṃsānaṃ uppattito pubbadevāti paññāyiṃsu. Pamattāti surāpānena pamādaṃ āpannā. Tidivāti manussacātumahārājikaloke upādāya tatiyalokabhūtā devaṭṭhānā, nāmameva vā etaṃ tassa devaṭṭhānassa. Sassatiyāti kevalaṃ dīghāyukataṃ sandhāya vadati. Samāyā saha attano asuramāyāya, asuramantehi saddhiṃ cutāti attho. Aṭṭhakathāyañca vuttaṃ ‘‘āgantukadevaputtā āgatāti nevāsikā gandhapānaṃ sajjayiṃsu. Sakko sakaparisāya saññamadāsī’’ti. Tenāha ‘‘tesaṃ surāpānaṃ asaṃvaro na hotīti vattabbaṃ hotī’’ti. Ettha ca tāvatiṃsānaṃ pātubhāvato paṭṭhāya surāpānampi tattha nāhosi, pageva pāṇātipātādayoti viramitabbābhāvato eva tāvatiṃsato paṭṭhāya upari devalokesu samādānasampattavirativasena puretabbā saṃvarā na santi, lokuttarā pana santiyeva. Tathā tehi pahātabbā asaṃvarā. Na hi appahīnānusayānaṃ maggavajjhā kilesā na santīti.
сам̣варагат̇ааван̣н̣анаа нидтид̇аа.
Saṃvarakathāvaṇṇanā niṭṭhitā.
д̇ад̇ияаваг̇г̇аван̣н̣анаа нидтид̇аа.
Tatiyavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (30) 10. сам̣варагат̇аа • (30) 10. Saṃvarakathā
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 10. сам̣варагат̇ааван̣н̣анаа • 10. Saṃvarakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 10. сам̣варагат̇ааван̣н̣анаа • 10. Saṃvarakathāvaṇṇanā
