| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੧੦. ਸਂવਰਕਥਾવਣ੍ਣਨਾ
10. Saṃvarakathāvaṇṇanā
੩੭੯. ਇਦਾਨਿ ਸਂવਰਕਥਾ ਨਾਮ ਹੋਤਿ। ਤਤ੍ਥ ਯੇਸਂ ਤਾવਤਿਂਸੇ ਦੇવੇ ਉਪਾਦਾਯ ਤਤੁਤ੍ਤਰਿ ਦੇવੇਸੁ ਯਸ੍ਮਾ ਤੇ ਪਞ੍ਚ વੇਰਾਨਿ ਨ ਸਮਾਚਰਨ੍ਤਿ, ਤਸ੍ਮਾ ਸਂવਰੋ ਅਤ੍ਥੀਤਿ ਲਦ੍ਧਿ, ਤੇ ਸਨ੍ਧਾਯ ਪੁਚ੍ਛਾ ਸਕવਾਦਿਸ੍ਸ, વੇਰਸਮੁਦਾਚਾਰਂ ਅਪਸ੍ਸਤੋ ਪਟਿਞ੍ਞਾ ਇਤਰਸ੍ਸ। ਤਤੋ ਯਸ੍ਮਾ ਸਂવਰੋ ਨਾਮ ਸਂવਰਿਤਬ੍ਬੇ ਅਸਂવਰੇ ਸਤਿ ਹੋਤਿ, ਤਸ੍ਮਾ ਅਸਂવਰਪੁਚ੍ਛਾ ਸਕવਾਦਿਸ੍ਸ, ਦੇવੇਸੁ ਪਾਣਾਤਿਪਾਤਾਦੀਨਂ ਅਭਾવੇਨ ਪਟਿਕ੍ਖੇਪੋ ਇਤਰਸ੍ਸ।
379. Idāni saṃvarakathā nāma hoti. Tattha yesaṃ tāvatiṃse deve upādāya tatuttari devesu yasmā te pañca verāni na samācaranti, tasmā saṃvaro atthīti laddhi, te sandhāya pucchā sakavādissa, verasamudācāraṃ apassato paṭiññā itarassa. Tato yasmā saṃvaro nāma saṃvaritabbe asaṃvare sati hoti, tasmā asaṃvarapucchā sakavādissa, devesu pāṇātipātādīnaṃ abhāvena paṭikkhepo itarassa.
ਅਤ੍ਥਿ ਮਨੁਸ੍ਸੇਸੂਤਿਆਦਿ ਸਂવਰੇ ਸਤਿ ਅਸਂવਰਸ੍ਸ ਅਸਂવਰੇ ਚ ਸਤਿ ਸਂવਰਸ੍ਸ ਪવਤ੍ਤਿਦਸ੍ਸਨਤ੍ਥਂ વੁਤ੍ਤਂ।
Atthi manussesūtiādi saṃvare sati asaṃvarassa asaṃvare ca sati saṃvarassa pavattidassanatthaṃ vuttaṃ.
੩੮੦. ਪਾਣਾਤਿਪਾਤਾ વੇਰਮਣੀਤਿ ਆਦਿਪਞ੍ਹੇਸੁ ਪਾਣਾਤਿਪਾਤਾਦੀਨਂ ਅਸਮਾਚਰਣવਸੇਨ ਪਟਿਞ੍ਞਾ, ਪਾਣਾਤਿਪਾਤਾਦੀਨਂ ਨਤ੍ਥਿਤਾਯ ਪਟਿਕ੍ਖੇਪੋ વੇਦਿਤਬ੍ਬੋ। ਪਟਿਲੋਮਪਞ੍ਹਾ ਉਤ੍ਤਾਨਤ੍ਥਾਯੇવ।
380. Pāṇātipātā veramaṇīti ādipañhesu pāṇātipātādīnaṃ asamācaraṇavasena paṭiññā, pāṇātipātādīnaṃ natthitāya paṭikkhepo veditabbo. Paṭilomapañhā uttānatthāyeva.
ਅવਸਾਨੇ ਨਤ੍ਥਿ ਦੇવੇਸੁ ਸਂવਰੋਤਿਪਞ੍ਹੇ ਪਾਣਾਤਿਪਾਤਾਦੀਨਿ ਕਤ੍વਾ ਪੁਨ ਤਤੋ ਸਂવਰਾਭਾવਂ ਸਨ੍ਧਾਯ ਪਟਿਞ੍ਞਾ ਸਕવਾਦਿਸ੍ਸ। ਤਤੋ ਛਲવਸੇਨ ਯਦਿ ਸਂવਰੋ ਨਤ੍ਥਿ, ਸਬ੍ਬੇ ਦੇવਾ ਪਾਣਾਤਿਪਾਤਿਨੋਤਿਆਦਿਪੁਚ੍ਛਾ ਪਰવਾਦਿਸ੍ਸ। ਦੇવਾਨਂ વੇਰਸਮੁਦਾਚਾਰਸ੍ਸ ਅਭਾવੇਨ ਪਟਿਕ੍ਖੇਪੋ ਸਕવਾਦਿਸ੍ਸ। ਨਹੇવਨ੍ਤਿ વਚਨਮਤ੍ਤਂ ਗਹੇਤ੍વਾ ਲਦ੍ਧਿਪਤਿਟ੍ਠਾਪਨਂ ਪਰવਾਦਿਸ੍ਸ। ਏવਂ ਪਤਿਟ੍ਠਿਤਾ ਪਨ ਲਦ੍ਧਿ ਅਪ੍ਪਤਿਟ੍ਠਿਤਾવ ਹੋਤੀਤਿ।
Avasāne natthi devesu saṃvarotipañhe pāṇātipātādīni katvā puna tato saṃvarābhāvaṃ sandhāya paṭiññā sakavādissa. Tato chalavasena yadi saṃvaro natthi, sabbe devā pāṇātipātinotiādipucchā paravādissa. Devānaṃ verasamudācārassa abhāvena paṭikkhepo sakavādissa. Nahevanti vacanamattaṃ gahetvā laddhipatiṭṭhāpanaṃ paravādissa. Evaṃ patiṭṭhitā pana laddhi appatiṭṭhitāva hotīti.
ਸਂવਰਕਥਾવਣ੍ਣਨਾ।
Saṃvarakathāvaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੩੦) ੧੦. ਸਂવਰਕਥਾ • (30) 10. Saṃvarakathā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੧੦. ਸਂવਰਕਥਾવਣ੍ਣਨਾ • 10. Saṃvarakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੧੦. ਸਂવਰਕਥਾવਣ੍ਣਨਾ • 10. Saṃvarakathāvaṇṇanā
