| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
4. сам̣варасуд̇д̇аван̣н̣анаа
4. Saṃvarasuttavaṇṇanā
14. жад̇уд̇т̇з сам̣вараад̣̇ийнам̣ саад̇ханавасзна бад̣̇ахад̇и зд̇зхийд̇и бад̇хаанаани. сам̣варанд̇асса уббаннавийрияанд̇и яат̇аа абхиж̇жхаад̣̇аяо на уббаж̇ж̇анд̇и, звам̣ сад̇ияаа убадтаанз жагкаад̣̇ийнам̣ бид̣̇аханз аналасасса уббаннавийрияам̣. баж̇аханд̇ассаад̇и винод̣̇знд̇асса. уббаннавийрияанд̇и д̇ассзва бахаанасса саад̇ханавасзна бавад̇д̇авийрияам̣. бхаавзнд̇асса уббаннавийрияанд̇и зд̇т̇ааби зсзва наяо. самаад̇хинимид̇д̇анд̇и самаад̇хи зва. буримуббаннасамаад̇хи хи барад̇о уббаж̇ж̇анагасамаад̇хисса гааран̣ам̣ ход̇ийд̇и ‘‘самаад̇хинимид̇д̇а’’нд̇и вуд̇д̇ам̣.
14. Catutthe saṃvarādīnaṃ sādhanavasena padahati etehīti padhānāni. Saṃvarantassa uppannavīriyanti yathā abhijjhādayo na uppajjanti, evaṃ satiyā upaṭṭhāne cakkhādīnaṃ pidahane analasassa uppannavīriyaṃ. Pajahantassāti vinodentassa. Uppannavīriyanti tasseva pahānassa sādhanavasena pavattavīriyaṃ. Bhāventassa uppannavīriyanti etthāpi eseva nayo. Samādhinimittanti samādhi eva. Purimuppannasamādhi hi parato uppajjanakasamādhissa kāraṇaṃ hotīti ‘‘samādhinimitta’’nti vuttaṃ.
убад̇хививзгад̇д̇аад̇и канд̇хуубад̇хиаад̣̇иубад̇хийхи вивид̇д̇ад̇д̇аа виниссадад̇д̇аа. д̇ам̣ ааг̇аммаад̇и д̇ам̣ ниб̣б̣аанам̣ маг̇г̇зна ад̇хиг̇амахзд̇у. рааг̇аад̣̇аяо вираж̇ж̇анд̇и зд̇т̇а, зд̇знаад̇и вирааг̇о. звам̣ нирод̇хоби д̣̇адтаб̣б̣о. яасмаа ид̇ха б̣ож̇жхан̇г̇амиссагавасзна ижчид̇аа, д̇асмаа ‘‘аарамман̣авасзна ваа ад̇хиг̇анд̇аб̣б̣авасзна ваа’’д̇и вуд̇д̇ам̣. д̇ад̇т̇а ад̇хиг̇анд̇аб̣б̣авасзнаад̇и д̇анниннад̇аавасзна. воссаг̇г̇абарин̣ааминд̇и воссаг̇г̇авасзна барин̣аамид̇ам̣ барижжаж̇анавасзна жзва багканд̣̇анавасзна жа барин̣ааманасийлам̣. д̇знааха ‘‘д̣̇вз воссаг̇г̇аа’’д̇иаад̣̇и. канд̇хаанам̣ барижжаж̇анам̣ наама д̇аббадиб̣ад̣̇д̇хагилзсаббахаанавасзнаад̇и язнаагаарзна вибассанаа гилзсз баж̇ахад̇и, д̇знзваагаарзна д̇аннимид̇д̇агканд̇хз жа баж̇ахад̇ийд̇и вад̇д̇аб̣б̣ад̇ам̣ арахад̇ийд̇и ааха ‘‘вибассанаа…бз… барижжаж̇ад̇ий’’д̇и. яасмаа вибассанаа вудтаанаг̇ааминибхаавам̣ баабун̣анд̇ий ниннабон̣абаб̣бхаарабхаавзна згам̣сад̇о ниб̣б̣аанам̣ багканд̣̇ад̇ийд̇и вад̇д̇аб̣б̣ад̇ам̣ лабхад̇и, маг̇г̇о жа самужчзд̣̇авасзна гилзсз канд̇хз жа рааг̇ам̣ барижжаж̇ад̇и, д̇асмаа яат̇ааггамам̣ вибассанаамаг̇г̇аанам̣ васзна багканд̣̇анабарижжааг̇авоссаг̇г̇аа взд̣̇ид̇аб̣б̣аа. восаг̇г̇ад̇т̇ааяаад̇и барижжааг̇авоссаг̇г̇ад̇т̇ааяа жзва багканд̣̇анавоссаг̇г̇ад̇т̇ааяа жа. барин̣амад̇ийд̇и барижжаж̇ад̇и. д̇ам̣ бана барин̣ааманам̣ вудтаанаг̇ааминибхааваббад̇д̇ияаа жзва арияамаг̇г̇абхааваббад̇д̇ияаа жа ижчид̇анд̇и ааха ‘‘вибассанаабхааван̃жа маг̇г̇абхааван̃жа баабун̣аад̇ий’’д̇и. сзсабад̣̇зсууд̇и ‘‘д̇хаммавижаяасамб̣ож̇жхан̇г̇ам̣ бхаавзд̇ий’’д̇иаад̣̇ийсу сзсасамб̣ож̇жхан̇г̇агодтаасзсу.
Upadhivivekattāti khandhūpadhiādiupadhīhi vivittattā vinissaṭattā. Taṃ āgammāti taṃ nibbānaṃ maggena adhigamahetu. Rāgādayo virajjanti ettha, etenāti virāgo. Evaṃ nirodhopi daṭṭhabbo. Yasmā idha bojjhaṅgamissakavasena icchitā, tasmā ‘‘ārammaṇavasena vā adhigantabbavasena vā’’ti vuttaṃ. Tattha adhigantabbavasenāti tanninnatāvasena. Vossaggapariṇāminti vossaggavasena pariṇāmitaṃ pariccajanavasena ceva pakkhandanavasena ca pariṇāmanasīlaṃ. Tenāha ‘‘dve vossaggā’’tiādi. Khandhānaṃ pariccajanaṃ nāma tappaṭibaddhakilesappahānavasenāti yenākārena vipassanā kilese pajahati, tenevākārena tannimittakkhandhe ca pajahatīti vattabbataṃ arahatīti āha ‘‘vipassanā…pe… pariccajatī’’ti. Yasmā vipassanā vuṭṭhānagāminibhāvaṃ pāpuṇantī ninnapoṇapabbhārabhāvena ekaṃsato nibbānaṃ pakkhandatīti vattabbataṃ labhati, maggo ca samucchedavasena kilese khandhe ca rāgaṃ pariccajati, tasmā yathākkamaṃ vipassanāmaggānaṃ vasena pakkhandanapariccāgavossaggā veditabbā. Vosaggatthāyāti pariccāgavossaggatthāya ceva pakkhandanavossaggatthāya ca. Pariṇamatīti pariccajati. Taṃ pana pariṇāmanaṃ vuṭṭhānagāminibhāvappattiyā ceva ariyamaggabhāvappattiyā ca icchitanti āha ‘‘vipassanābhāvañca maggabhāvañca pāpuṇātī’’ti. Sesapadesūti ‘‘dhammavicayasambojjhaṅgaṃ bhāvetī’’tiādīsu sesasambojjhaṅgakoṭṭhāsesu.
бхад̣̇д̣̇аганд̇и абхад̣̇д̣̇агаанам̣ нийваран̣аад̣̇ибаабад̇хаммаанам̣ вигкамбханзна рааг̇авиг̇аманзна зганд̇ахид̇ад̇д̇аа д̣̇уллабхад̇д̇аа жа бхад̣̇д̣̇агам̣ сунд̣̇арам̣. на хи ан̃н̃ам̣ самаад̇хинимид̇д̇ам̣ звам̣ д̣̇уллабхам̣ рааг̇асса уж̇увибажжанийгабхууд̇ам̣ ад̇т̇и. анурагкад̇ийд̇и зд̇т̇а анурагканаа наама ад̇хиг̇ад̇асамаад̇хид̇о яат̇аа барихаани на ход̇и, звам̣ бадибад̇д̇исаасана-д̇аббадибагкавиг̇аманзнаад̇и ааха ‘‘самаад̇хий’’д̇иаад̣̇и. адтигасан̃н̃аад̣̇игаад̇и адтигаж̇жхаанаад̣̇игаа. сан̃н̃аасийсзна хи жхаанам̣ вад̣̇ад̇и. сзсамзд̇т̇а уд̇д̇аанамзва.
Bhaddakanti abhaddakānaṃ nīvaraṇādipāpadhammānaṃ vikkhambhanena rāgavigamanena ekantahitattā dullabhattā ca bhaddakaṃ sundaraṃ. Na hi aññaṃ samādhinimittaṃ evaṃ dullabhaṃ rāgassa ujuvipaccanīkabhūtaṃ atthi. Anurakkhatīti ettha anurakkhanā nāma adhigatasamādhito yathā parihāni na hoti, evaṃ paṭipattisāsana-tappaṭipakkhavigamanenāti āha ‘‘samādhī’’tiādi. Aṭṭhikasaññādikāti aṭṭhikajjhānādikā. Saññāsīsena hi jhānaṃ vadati. Sesamettha uttānameva.
сам̣варасуд̇д̇аван̣н̣анаа нидтид̇аа.
Saṃvarasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 4. сам̣варасуд̇д̇ам̣ • 4. Saṃvarasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 4. сам̣варасуд̇д̇аван̣н̣анаа • 4. Saṃvarasuttavaṇṇanā
