| Library / Tipiṭaka / ತಿಪಿಟಕ • Tipiṭaka / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā |
೧೨. ದ್ವಾದಸಮವಗ್ಗೋ
12. Dvādasamavaggo
೧. ಸಂವರೋ ಕಮ್ಮನ್ತಿಕಥಾವಣ್ಣನಾ
1. Saṃvaro kammantikathāvaṇṇanā
೬೩೦-೬೩೨. ಇದಾನಿ ಸಂವರೋ ಕಮ್ಮನ್ತಿಕಥಾ ನಾಮ ಹೋತಿ। ತತ್ಥ ‘‘ಚಕ್ಖುನಾ ರೂಪಂ ದಿಸ್ವಾ ನಿಮಿತ್ತಗ್ಗಾಹೀ ಹೋತಿ, ನ ನಿಮಿತ್ತಗ್ಗಾಹೀ ಹೋತೀ’’ತಿ ಸುತ್ತಂ ನಿಸ್ಸಾಯ ‘‘ಸಂವರೋಪಿ ಅಸಂವರೋಪಿ ಕಮ್ಮ’’ನ್ತಿ ಯೇಸಂ ಲದ್ಧಿ, ಸೇಯ್ಯಥಾಪಿ ಮಹಾಸಂಘಿಕಾನಂ; ತೇ ಸನ್ಧಾಯ ಪುಚ್ಛಾ ಸಕವಾದಿಸ್ಸ, ಪಟಿಞ್ಞಾ ಇತರಸ್ಸ।
630-632. Idāni saṃvaro kammantikathā nāma hoti. Tattha ‘‘cakkhunā rūpaṃ disvā nimittaggāhī hoti, na nimittaggāhī hotī’’ti suttaṃ nissāya ‘‘saṃvaropi asaṃvaropi kamma’’nti yesaṃ laddhi, seyyathāpi mahāsaṃghikānaṃ; te sandhāya pucchā sakavādissa, paṭiññā itarassa.
ಅಥ ನಂ ಯಾ ಸಕಸಮಯೇ ಚೇತನಾ ‘‘ಕಮ್ಮ’’ನ್ತಿ ವುತ್ತಾ ಯಥಾ ಸಾ ಕಾಯವಚೀಮನೋದ್ವಾರೇಸು ಪವತ್ತಮಾನಾ ಕಾಯಕಮ್ಮಾದಿನಾಮಂ ಲಭತಿ, ತಥಾ ‘‘ಯದಿ ತೇ ಸಂವರೋ ಕಮ್ಮಂ, ಸೋಪಿ ಚಕ್ಖುನ್ದ್ರಿಯಾದೀಸು ಪವತ್ತಮಾನೋ ಚಕ್ಖುಕಮ್ಮಾದಿನಾಮಂ ಲಭೇಯ್ಯಾ’’ತಿ ಚೋದೇತುಂ ಚಕ್ಖುನ್ದ್ರಿಯಸಂವರೋ ಚಕ್ಖುಕಮ್ಮನ್ತಿಆದಿಮಾಹ। ಇತರೋ ತಾದಿಸಂ ಸುತ್ತಪದಂ ಅಪಸ್ಸನ್ತೋ ಚತೂಸು ದ್ವಾರೇಸು ಪಟಿಕ್ಖಿಪಿತ್ವಾ ಪಞ್ಚಮೇ ಕಾಯದ್ವಾರೇ ಪಸಾದಕಾಯಂ ಸನ್ಧಾಯ ಪಟಿಕ್ಖಿಪತಿ, ವಿಞ್ಞತ್ತಿಕಾಯಂ ಸನ್ಧಾಯ ಪಟಿಜಾನಾತಿ। ಸೋ ಹಿ ಪಸಾದಕಾಯಮ್ಪಿ ವಿಞ್ಞತ್ತಿಕಾಯಮ್ಪಿ ಕಾಯಿನ್ದ್ರಿಯನ್ತ್ವೇವ ಇಚ್ಛತಿ। ಮನೋದ್ವಾರೇಪಿ ವಿಪಾಕದ್ವಾರಂ ಸನ್ಧಾಯ ಪಟಿಕ್ಖಿಪತಿ, ಕಮ್ಮದ್ವಾರಂ ಸನ್ಧಾಯ ಪಟಿಜಾನಾತಿ। ಅಸಂವರೇಪಿ ಏಸೇವ ನಯೋ। ‘‘ಚಕ್ಖುನಾ ರೂಪಂ ದಿಸ್ವಾ’’ತಿ ಸುತ್ತಂ ತೇಸು ದ್ವಾರೇಸು ಸಂವರಾಸಂವರಮೇವ ದೀಪೇತಿ, ನ ತಸ್ಸ ಕಮ್ಮಭಾವಂ, ತಸ್ಮಾ ಅಸಾಧಕನ್ತಿ।
Atha naṃ yā sakasamaye cetanā ‘‘kamma’’nti vuttā yathā sā kāyavacīmanodvāresu pavattamānā kāyakammādināmaṃ labhati, tathā ‘‘yadi te saṃvaro kammaṃ, sopi cakkhundriyādīsu pavattamāno cakkhukammādināmaṃ labheyyā’’ti codetuṃ cakkhundriyasaṃvaro cakkhukammantiādimāha. Itaro tādisaṃ suttapadaṃ apassanto catūsu dvāresu paṭikkhipitvā pañcame kāyadvāre pasādakāyaṃ sandhāya paṭikkhipati, viññattikāyaṃ sandhāya paṭijānāti. So hi pasādakāyampi viññattikāyampi kāyindriyantveva icchati. Manodvārepi vipākadvāraṃ sandhāya paṭikkhipati, kammadvāraṃ sandhāya paṭijānāti. Asaṃvarepi eseva nayo. ‘‘Cakkhunā rūpaṃ disvā’’ti suttaṃ tesu dvāresu saṃvarāsaṃvarameva dīpeti, na tassa kammabhāvaṃ, tasmā asādhakanti.
ಸಂವರೋ ಕಮ್ಮನ್ತಿಕಥಾವಣ್ಣನಾ।
Saṃvaro kammantikathāvaṇṇanā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಅಭಿಧಮ್ಮಪಿಟಕ • Abhidhammapiṭaka / ಕಥಾವತ್ಥುಪಾಳಿ • Kathāvatthupāḷi / (೧೧೬) ೧. ಸಂವರೋ ಕಮ್ಮನ್ತಿಕಥಾ • (116) 1. Saṃvaro kammantikathā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā / ೧. ಸಂವರೋಕಮ್ಮನ್ತಿಕಥಾವಣ್ಣನಾ • 1. Saṃvarokammantikathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā / ೧. ಸಂವರೋಕಮ್ಮನ್ತಿಕಥಾವಣ್ಣನಾ • 1. Saṃvarokammantikathāvaṇṇanā
