| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
8. сам̣взж̇анийяасуд̇д̇ам̣
8. Saṃvejanīyasuttaṃ
118. ‘‘жад̇д̇ааримаани, бхигкавз, сад̣̇д̇хасса гулабуд̇д̇асса д̣̇ассанийяаани сам̣взж̇анийяаани таанаани. гад̇амаани жад̇д̇аари? ‘ид̇ха д̇ат̇ааг̇ад̇о ж̇аад̇о’д̇и, бхигкавз, сад̣̇д̇хасса гулабуд̇д̇асса д̣̇ассанийяам̣ сам̣взж̇анийяам̣ таанам̣. ‘ид̇ха д̇ат̇ааг̇ад̇о ануд̇д̇арам̣ саммаасамб̣од̇хим̣ абхисамб̣уд̣̇д̇хо’д̇и, бхигкавз, сад̣̇д̇хасса гулабуд̇д̇асса д̣̇ассанийяам̣ сам̣взж̇анийяам̣ таанам̣. ‘ид̇ха д̇ат̇ааг̇ад̇о ануд̇д̇арам̣ д̇хаммажаггам̣ бавад̇д̇зсий’д̇и, бхигкавз, сад̣̇д̇хасса гулабуд̇д̇асса д̣̇ассанийяам̣ сам̣взж̇анийяам̣ таанам̣. ‘ид̇ха д̇ат̇ааг̇ад̇о анубаад̣̇исзсааяа ниб̣б̣аанад̇хаад̇уяаа бариниб̣б̣уд̇о’д̇и , бхигкавз, сад̣̇д̇хасса гулабуд̇д̇асса д̣̇ассанийяам̣ сам̣взж̇анийяам̣ таанам̣. имаани ко, бхигкавз, жад̇д̇аари сад̣̇д̇хасса гулабуд̇д̇асса д̣̇ассанийяаани сам̣взж̇анийяаани таанааний’’д̇и. адтамам̣.
118. ‘‘Cattārimāni, bhikkhave, saddhassa kulaputtassa dassanīyāni saṃvejanīyāni ṭhānāni. Katamāni cattāri? ‘Idha tathāgato jāto’ti, bhikkhave, saddhassa kulaputtassa dassanīyaṃ saṃvejanīyaṃ ṭhānaṃ. ‘Idha tathāgato anuttaraṃ sammāsambodhiṃ abhisambuddho’ti, bhikkhave, saddhassa kulaputtassa dassanīyaṃ saṃvejanīyaṃ ṭhānaṃ. ‘Idha tathāgato anuttaraṃ dhammacakkaṃ pavattesī’ti, bhikkhave, saddhassa kulaputtassa dassanīyaṃ saṃvejanīyaṃ ṭhānaṃ. ‘Idha tathāgato anupādisesāya nibbānadhātuyā parinibbuto’ti , bhikkhave, saddhassa kulaputtassa dassanīyaṃ saṃvejanīyaṃ ṭhānaṃ. Imāni kho, bhikkhave, cattāri saddhassa kulaputtassa dassanīyāni saṃvejanīyāni ṭhānānī’’ti. Aṭṭhamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 8-10. сам̣взж̇анийяаад̣̇исуд̇д̇ад̇д̇аяаван̣н̣анаа • 8-10. Saṃvejanīyādisuttattayavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 8-10. сам̣взж̇анийяасуд̇д̇аад̣̇иван̣н̣анаа • 8-10. Saṃvejanīyasuttādivaṇṇanā
