| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
сам̣вид̣̇аавахаарагат̇ааван̣н̣анаа
Saṃvidāvahārakathāvaṇṇanā
сам̣вид̣̇аавахаарагат̇ааяам̣ ‘‘самб̣ахулаа сам̣вид̣̇ахид̇ваа зго бхан̣д̣ам̣ авахарад̇и, аабад̇д̇и саб̣б̣зсам̣ баарааж̇игассаа’’д̇и баал̣ияам̣ ависзсзна вуд̇д̇ад̇д̇аа аан̣аабагаанам̣ аан̣ад̇д̇игкан̣з аабад̇д̇и, авахаарагасса уд̣̇д̇хаарзд̇и яат̇аасамбхавам̣ яож̇зд̇ваа ад̇т̇о г̇ахзд̇аб̣б̣о аан̣ад̇д̇игат̇ааяам̣ ‘‘со д̇ам̣ бхан̣д̣ам̣ авахарад̇и, аабад̇д̇и саб̣б̣зсам̣ баарааж̇игассаа’’д̇иаад̣̇ийсу вияа. зд̇т̇ааби хи аан̣аабагасса аан̣ад̇д̇игкан̣зязва аабад̇д̇и вуд̇д̇аа. д̇ат̇аа жа вагкад̇и ‘‘ат̇а д̇ам̣ бхан̣д̣ам̣ авассам̣ хаарияам̣ ход̇и, яам̣ барад̇о саб̣б̣зсам̣ аабад̇д̇и баарааж̇игассаад̇и вуд̇д̇ам̣, д̇ад̇о имасса д̇ан̇кан̣зязва баарааж̇игам̣ ход̇ийд̇и аяам̣ яуд̇д̇и саб̣б̣ад̇т̇а взд̣̇ид̇аб̣б̣аа’’д̇и (баараа. адта. 1.121). сам̣вид̣̇аавахаарз жа ‘‘аан̣ад̇д̇и над̇т̇ий’’д̇и на вад̇д̇аб̣б̣аа ‘‘анд̇зваасигзсу згамзгасса згзго маасаго саахад̇т̇иго ход̇и, бан̃жа аан̣ад̇д̇игаа’’д̇и важанад̇о. аан̣ад̇д̇ияаа жа сад̇и аан̣аабагасса аан̣ад̇д̇игкан̣зязва аабад̇д̇и ижчид̇аб̣б̣аа, на уд̣̇д̇хаарз.
Saṃvidāvahārakathāyaṃ ‘‘sambahulā saṃvidahitvā eko bhaṇḍaṃ avaharati, āpatti sabbesaṃ pārājikassā’’ti pāḷiyaṃ avisesena vuttattā āṇāpakānaṃ āṇattikkhaṇe āpatti, avahārakassa uddhāreti yathāsambhavaṃ yojetvā attho gahetabbo āṇattikathāyaṃ ‘‘so taṃ bhaṇḍaṃ avaharati, āpatti sabbesaṃ pārājikassā’’tiādīsu viya. Etthāpi hi āṇāpakassa āṇattikkhaṇeyeva āpatti vuttā. Tathā ca vakkhati ‘‘atha taṃ bhaṇḍaṃ avassaṃ hāriyaṃ hoti, yaṃ parato sabbesaṃ āpatti pārājikassāti vuttaṃ, tato imassa taṅkhaṇeyeva pārājikaṃ hotīti ayaṃ yutti sabbattha veditabbā’’ti (pārā. aṭṭha. 1.121). Saṃvidāvahāre ca ‘‘āṇatti natthī’’ti na vattabbā ‘‘antevāsikesu ekamekassa ekeko māsako sāhatthiko hoti, pañca āṇattikā’’ti vacanato. Āṇattiyā ca sati āṇāpakassa āṇattikkhaṇeyeva āpatti icchitabbā, na uddhāre.
яад̣̇и звам̣ ‘‘д̇зсу зго бхан̣д̣ам̣ авахарад̇и, д̇ассуд̣̇д̇хаарз саб̣б̣зсам̣ баарааж̇ига’’нд̇и гасмаа вуд̇д̇анд̇и? нааяам̣ д̣̇осо. зд̇т̇а хи саб̣б̣зсам̣язва аабад̇д̇ид̣̇ассанад̇т̇ам̣ авахаарагассаби аабад̇д̇исамбхавадтаанам̣ д̣̇ассзнд̇о ‘‘д̇ассуд̣̇д̇хаарз саб̣б̣зсам̣ баарааж̇ига’’нд̇и ааха, на бана аан̣аабагаанамби уд̣̇д̇хаарзязва аабад̇д̇ид̣̇ассанад̇т̇анд̇и звамад̇т̇о г̇ахзд̇аб̣б̣о. ‘‘самб̣ахулаа згам̣ аан̣аабзнд̇и ‘г̇ажчзд̇ам̣ аахараа’д̇и, д̇ассуд̣̇д̇хаарз саб̣б̣зсам̣ баарааж̇ига’’нд̇иаад̣̇ийсуби звамзва ад̇т̇о г̇ахзд̇аб̣б̣о. ат̇а ваа сам̣вид̣̇аавахаарз аан̣аабагаанамби уд̣̇д̇хаарзязва аабад̇д̇и, на аан̣ад̇д̇игкан̣зд̇и аавзн̣игамид̣̇ам̣ лагкан̣анд̇и адтагат̇аажарияаббамаан̣зна г̇ахзд̇аб̣б̣ам̣, ид̇о ваа ан̃н̃зна багаарзна яат̇аа адтагат̇ааяам̣ буб̣б̣знаабарам̣ на вируж̇жхад̇и, д̇ат̇аа виймам̣сид̇ваа г̇ахзд̇аб̣б̣ам̣.
Yadi evaṃ ‘‘tesu eko bhaṇḍaṃ avaharati, tassuddhāre sabbesaṃ pārājika’’nti kasmā vuttanti? Nāyaṃ doso. Ettha hi sabbesaṃyeva āpattidassanatthaṃ avahārakassapi āpattisambhavaṭṭhānaṃ dassento ‘‘tassuddhāre sabbesaṃ pārājika’’nti āha, na pana āṇāpakānampi uddhāreyeva āpattidassanatthanti evamattho gahetabbo. ‘‘Sambahulā ekaṃ āṇāpenti ‘gacchetaṃ āharā’ti, tassuddhāre sabbesaṃ pārājika’’ntiādīsupi evameva attho gahetabbo. Atha vā saṃvidāvahāre āṇāpakānampi uddhāreyeva āpatti, na āṇattikkhaṇeti āveṇikamidaṃ lakkhaṇanti aṭṭhakathācariyappamāṇena gahetabbaṃ, ito vā aññena pakārena yathā aṭṭhakathāyaṃ pubbenāparaṃ na virujjhati, tathā vīmaṃsitvā gahetabbaṃ.
сам̣вид̇хааяаад̇и сам̣вид̣̇ахид̇ваа. д̇зна нзсам̣ д̣̇уггадаабад̇д̇ияод̇и аан̣ад̇д̇ивасзна баарааж̇игаабад̇д̇ияаа асамбхавз сад̇и вуд̇д̇ам̣. яад̣̇и хи д̇з аан̣ад̇д̇аа авассам̣ д̇ам̣ харанд̇и, баарааж̇игаабад̇д̇иязва нзсам̣ д̣̇адтаб̣б̣аа, на д̣̇уггадаабад̇д̇и. саахад̇т̇игам̣ ваа аан̣ад̇д̇игасса аан̣ад̇д̇игам̣ ваа саахад̇т̇игасса ан̇г̇ам̣ на ход̇ийд̇и бхиннагаалависаяад̇д̇аа ан̃н̃аман̃н̃асса ан̇г̇ам̣ на ход̇и. д̇ат̇аа хи сахад̇т̇аа авахаранд̇асса таанаажааванз аабад̇д̇и, аан̣ад̇д̇ияаа бана аан̣ад̇д̇игкан̣зязваад̇и бхиннагаалависаяаа саахад̇т̇игаан̣ад̇д̇игзхи аабаж̇ж̇ид̇аб̣б̣аабад̇д̇ияо.
Saṃvidhāyāti saṃvidahitvā. Tena nesaṃ dukkaṭāpattiyoti āṇattivasena pārājikāpattiyā asambhave sati vuttaṃ. Yadi hi te āṇattā avassaṃ taṃ haranti, pārājikāpattiyeva nesaṃ daṭṭhabbā, na dukkaṭāpatti. Sāhatthikaṃ vā āṇattikassa āṇattikaṃ vā sāhatthikassa aṅgaṃ na hotīti bhinnakālavisayattā aññamaññassa aṅgaṃ na hoti. Tathā hi sahatthā avaharantassa ṭhānācāvane āpatti, āṇattiyā pana āṇattikkhaṇeyevāti bhinnakālavisayā sāhatthikāṇattikehi āpajjitabbāpattiyo.
сам̣вид̣̇аавахаарагат̇ааван̣н̣анаа нидтид̇аа.
Saṃvidāvahārakathāvaṇṇanā niṭṭhitā.
