| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
сам̣вид̣̇аавахаарагат̇ааван̣н̣анаа
Saṃvidāvahārakathāvaṇṇanā
сам̣вид̣̇аавахаарагат̇ааяам̣ сам̣вид̇хааяаад̇и сам̣вид̣̇ахид̇ваа. д̇зна нзсам̣ д̣̇уггадаабад̇д̇ияод̇и аан̣ад̇д̇ивасзна баарааж̇игаабад̇д̇ияаа асамбхавз сад̇ийд̇и вуд̇д̇ам̣. яад̣̇и хи д̇зна аан̣ад̇д̇аа яат̇аан̣ад̇д̇ивасзна харанд̇и, аан̣ад̇д̇игкан̣з зва баарааж̇игаабад̇д̇им̣ аабаж̇ж̇анд̇и. баал̣ияам̣ ‘‘самб̣ахулаа сам̣вид̣̇ахид̇ваа зго бхан̣д̣ам̣ авахарад̇и, аабад̇д̇и саб̣б̣зсам̣ баарааж̇игассаа’’д̇и (баараа. 118) зд̇т̇ааби аан̣аабагаанам̣ аан̣ад̇д̇игкан̣зязва аабад̇д̇и, авахаарагасса уд̣̇д̇хаарзд̇и г̇ахзд̇аб̣б̣о. самб̣ахулаа бхигкуу згам̣ аан̣аабзнд̇и ‘г̇ажчзд̇ам̣ аахараа’д̇и, д̇ассуд̣̇д̇хаарз саб̣б̣зсам̣ баарааж̇иганд̇иаад̣̇ийсуби звамзва ад̇т̇о г̇ахзд̇аб̣б̣о. саахад̇т̇игам̣ ваа аан̣ад̇д̇игасса аан̣ад̇д̇игам̣ ваа саахад̇т̇игасса ан̇г̇ам̣ на ход̇ийд̇и бхиннагаалигад̇д̇аа ан̃н̃аман̃н̃асса ан̇г̇ам̣ на ход̇и. д̇ат̇аа хи сахад̇т̇аа авахаранд̇асса таанаажааванагкан̣з аабад̇д̇и, аан̣ад̇д̇ияаа бана аан̣ад̇д̇игкан̣зязваад̇и бхиннагаалигад̇д̇аа аабад̇д̇ияод̇и.
Saṃvidāvahārakathāyaṃ saṃvidhāyāti saṃvidahitvā. Tena nesaṃ dukkaṭāpattiyoti āṇattivasena pārājikāpattiyā asambhave satīti vuttaṃ. Yadi hi tena āṇattā yathāṇattivasena haranti, āṇattikkhaṇe eva pārājikāpattiṃ āpajjanti. Pāḷiyaṃ ‘‘sambahulā saṃvidahitvā eko bhaṇḍaṃ avaharati, āpatti sabbesaṃ pārājikassā’’ti (pārā. 118) etthāpi āṇāpakānaṃ āṇattikkhaṇeyeva āpatti, avahārakassa uddhāreti gahetabbo. Sambahulā bhikkhū ekaṃ āṇāpenti ‘gacchetaṃ āharā’ti, tassuddhāre sabbesaṃ pārājikantiādīsupi evameva attho gahetabbo. Sāhatthikaṃ vā āṇattikassa āṇattikaṃ vā sāhatthikassa aṅgaṃ na hotīti bhinnakālikattā aññamaññassa aṅgaṃ na hoti. Tathā hi sahatthā avaharantassa ṭhānācāvanakkhaṇe āpatti, āṇattiyā pana āṇattikkhaṇeyevāti bhinnakālikattā āpattiyoti.
