| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
7. сам̣вид̇хаанасигкаабад̣̇ам̣
7. Saṃvidhānasikkhāpadaṃ
181. сад̇д̇амз ‘‘д̇аасам̣ бхигкунийнам̣ бажчаа г̇ажчанд̇ийна’’нд̇и бад̣̇аани ‘‘бад̇д̇ажийвара’’нд̇и баатасзсзна яож̇зд̇аб̣б̣аанийд̇и ааха ‘‘бажчаа г̇ажчанд̇ийнам̣ бад̇д̇ажийвара’’нд̇и. д̇аа бхигкунияо бажчаа г̇ажчанд̇ияод̇и вибхад̇д̇ивибаллаасам̣ гад̇ваа ‘‘д̣̇уусзсу’’нд̇ибад̣̇зна яож̇зд̇аб̣б̣аанийд̇и ааха ‘‘д̇аа бхигкунияо жораа д̣̇уусаяим̣суу’’д̇и. ат̇а ваа вибхад̇д̇ивибаллаасамагад̇ваа ‘‘ажчинд̣̇им̣суу’’д̇и бад̣̇з ‘‘бад̇д̇ажийвара’’нд̇ибад̣̇ам̣ аж̇жхаахарид̇ваа ‘‘д̣̇уусзсу’’нд̇ибад̣̇з ‘‘сийла’’нд̇и баатам̣ аж̇жхаахарид̇ваа яож̇зд̇аб̣б̣анд̇и д̣̇адтаб̣б̣ам̣.
181. Sattame ‘‘tāsaṃ bhikkhunīnaṃ pacchā gacchantīna’’nti padāni ‘‘pattacīvara’’nti pāṭhasesena yojetabbānīti āha ‘‘pacchā gacchantīnaṃ pattacīvara’’nti. Tā bhikkhuniyo pacchā gacchantiyoti vibhattivipallāsaṃ katvā ‘‘dūsesu’’ntipadena yojetabbānīti āha ‘‘tā bhikkhuniyo corā dūsayiṃsū’’ti. Atha vā vibhattivipallāsamakatvā ‘‘acchindiṃsū’’ti pade ‘‘pattacīvara’’ntipadaṃ ajjhāharitvā ‘‘dūsesu’’ntipade ‘‘sīla’’nti pāṭhaṃ ajjhāharitvā yojetabbanti daṭṭhabbaṃ.
182-3. сам̣буб̣б̣о, вибуб̣б̣о жа д̇хаад̇хаад̇у д̇ваабажжаяо ход̇ийд̇и ааха ‘‘сам̣вид̣̇ахид̇ваа’’д̇и. гуггудод̇и д̇амб̣ажуул̣о. со хи гугад̇и аахаарад̇т̇ам̣ баан̣агаад̣̇аяо аад̣̇ад̣̇аад̇ийд̇и гуггудо. аяанд̇и г̇аамо. ад̇хигаран̣з н̣од̇и ааха ‘‘самбад̣̇анд̇и зд̇т̇аа’’д̇и. зд̇т̇аад̇и жа зд̇асмим̣ г̇аамз. уд̇д̇арабад̣̇асса ад̇хигаран̣ад̇т̇ад̇д̇аа буб̣б̣абад̣̇зна чадтийсамаасод̇и ааха ‘‘гуггудаана’’нд̇иаад̣̇и. звам̣ н̣асад̣̇д̣̇асса ад̇хигаран̣ад̇т̇ам̣, буб̣б̣абад̣̇зна чадтийсамаасан̃жа д̣̇ассзд̇ваа ид̣̇аани н̣асад̣̇д̣̇асса бхаавад̇т̇ам̣, буб̣б̣абад̣̇зна б̣аахирад̇т̇асамаасан̃жа д̣̇ассзд̇ум̣ вуд̇д̇ам̣ ‘‘ат̇а ваа’’д̇и. д̇ад̇т̇аад̇и бажчимабаатз. уббад̇ид̇ваад̇и уд̣д̣ид̇ваа уд̣̇д̇хам̣ аагаасам̣ лан̇г̇ид̇ваад̇и ад̇т̇о. зд̇т̇аад̇и бажчимабаатз. д̣̇вид̇хаад̇и бад̣̇аг̇аманабагкаг̇аманавасзна д̣̇вибагаарзна. ‘‘убажааро на лаб̣бхад̇ий’’д̇ииминаа г̇ааманд̇аро на ход̇и, згаг̇аамоязва бана ход̇и, д̇асмаа аабад̇д̇иби згааязва ход̇ийд̇и д̣̇ассзд̇и. бажжуусзд̇и бабхаад̇з. со хи бадивируд̣̇д̇хам̣ д̇имирам̣ усзд̇и наасзд̇ийд̇и бажжуусод̇и вужжад̇и. вассанд̇ассаад̇и раванд̇асса. ‘‘важанад̇о’’д̇ибад̣̇ам̣ ‘‘аабад̇д̇иязваа’’д̇ибад̣̇з н̃аабагахзд̇у. рад̇анамад̇д̇анд̇арод̇и гуггубамаан̣зна б̣яавад̇хаано.
182-3. Saṃpubbo, vipubbo ca dhādhātu tvāpaccayo hotīti āha ‘‘saṃvidahitvā’’ti. Kukkuṭoti tambacūḷo. So hi kukati āhāratthaṃ pāṇakādayo ādadātīti kukkuṭo. Ayanti gāmo. Adhikaraṇe ṇoti āha ‘‘sampadanti etthā’’ti. Etthāti ca etasmiṃ gāme. Uttarapadassa adhikaraṇatthattā pubbapadena chaṭṭhīsamāsoti āha ‘‘kukkuṭāna’’ntiādi. Evaṃ ṇasaddassa adhikaraṇatthaṃ, pubbapadena chaṭṭhīsamāsañca dassetvā idāni ṇasaddassa bhāvatthaṃ, pubbapadena bāhiratthasamāsañca dassetuṃ vuttaṃ ‘‘atha vā’’ti. Tatthāti pacchimapāṭhe. Uppatitvāti uḍḍitvā uddhaṃ ākāsaṃ laṅgitvāti attho. Etthāti pacchimapāṭhe. Dvidhāti padagamanapakkhagamanavasena dvipakārena. ‘‘Upacāro na labbhatī’’tiiminā gāmantaro na hoti, ekagāmoyeva pana hoti, tasmā āpattipi ekāyeva hotīti dasseti. Paccūseti pabhāte. So hi paṭiviruddhaṃ timiraṃ useti nāsetīti paccūsoti vuccati. Vassantassāti ravantassa. ‘‘Vacanato’’tipadaṃ ‘‘āpattiyevā’’tipade ñāpakahetu. Ratanamattantaroti kukkupamāṇena byavadhāno.
д̇ад̇раад̇и ‘‘г̇ааманд̇арз г̇ааманд̇арз’’д̇и важанз. хийд̇и вид̇т̇ааро. убхобийд̇и бхигкубхигкунияоби сам̣вид̣̇аханд̇ийд̇и самб̣анд̇хо. на вад̣̇анд̇ийд̇и адтагат̇аажарияаа на гат̇аяанд̇и. жад̇уннам̣ маг̇г̇аанам̣ самааг̇амадтаанам̣ жад̇уггам̣, д̣̇виннам̣, д̇ин̣н̣ам̣, жад̇уггад̇о ад̇ирзгаанам̣ ваа маг̇г̇аанам̣ самб̣ад̣̇д̇хадтаанам̣ син̇гхаадагам̣. д̇ад̇раабийд̇и убажаароггаманзби. г̇аамад̇од̇и ад̇д̇ано г̇аамад̇о. яаава на оггаманд̇и, д̇ааваад̇и яож̇анаа. санд̇хааяаад̇и аараб̣бха. ат̇аад̇и д̇асмим̣ нигкаманагаалз. д̣̇взбийд̇и бхигкубхигкунияоби г̇ажчанд̇ийд̇и самб̣анд̇хо. д̇анд̇и важанам̣.
Tatrāti ‘‘gāmantare gāmantare’’ti vacane. Hīti vitthāro. Ubhopīti bhikkhubhikkhuniyopi saṃvidahantīti sambandho. Na vadantīti aṭṭhakathācariyā na kathayanti. Catunnaṃ maggānaṃ samāgamaṭṭhānaṃ catukkaṃ, dvinnaṃ, tiṇṇaṃ, catukkato atirekānaṃ vā maggānaṃ sambaddhaṭṭhānaṃ siṅghāṭakaṃ. Tatrāpīti upacārokkamanepi. Gāmatoti attano gāmato. Yāva na okkamanti, tāvāti yojanā. Sandhāyāti ārabbha. Athāti tasmiṃ nikkhamanakāle. Dvepīti bhikkhubhikkhuniyopi gacchantīti sambandho. Tanti vacanaṃ.
хийд̇и висзсо. ‘‘г̇ааманд̇арз г̇ааманд̇арз’’д̇и буримасмим̣ наяз ад̇иггамз анаабад̇д̇и, оггаманз аабад̇д̇ийд̇и аяам̣ висзсо.
Hīti viseso. ‘‘Gāmantare gāmantare’’ti purimasmiṃ naye atikkame anāpatti, okkamane āpattīti ayaṃ viseso.
184. г̇ад̇абуб̣б̣ад̇т̇аад̇и г̇ад̇абуб̣б̣аа ад̇т̇а бхават̇аад̇и ад̇т̇о. зхи г̇ажчаамаад̇и ваа ааг̇ажчзяяаасийд̇и ваа вад̣̇ад̇ийд̇и яож̇анаа. жзд̇ияаванд̣̇анад̇т̇анд̇и т̇уубасса ванд̣̇ид̇ум̣.
184.Gatapubbatthāti gatapubbā attha bhavathāti attho. Ehi gacchāmāti vā āgaccheyyāsīti vā vadatīti yojanā. Cetiyavandanatthanti thūpassa vandituṃ.
185. висан̇гзд̇знаад̇и зд̇т̇а гаалависан̇гзд̇о, д̣̇ваарависан̇гзд̇о, маг̇г̇ависан̇гзд̇од̇и д̇ивид̇хо. д̇ад̇т̇а гаалависан̇гзд̇знзва анаабад̇д̇им̣ санд̇хааяа ‘‘висан̇гзд̇зна г̇ажчанд̇и, анаабад̇д̇ий’’д̇и ааха. д̣̇ваарависан̇гзд̇зна ваа маг̇г̇ависан̇гзд̇зна ваа аабад̇д̇имогко над̇т̇и. д̇амад̇т̇ам̣ д̣̇ассзнд̇о ааха ‘‘бурзбхад̇д̇а’’нд̇иаад̣̇и. жаггасамаарул̣хаад̇и ирияаабат̇ажаггам̣ ваа сагадажаггам̣ ваа саммаа аарул̣хаа. ж̇анабад̣̇аад̇и ж̇анагодтаасаа. барияааяанд̇ийд̇и бари бунаббунам̣ яанд̇и жа ааяанд̇и жаад̇и. сад̇д̇амам̣.
185.Visaṅketenāti ettha kālavisaṅketo, dvāravisaṅketo, maggavisaṅketoti tividho. Tattha kālavisaṅketeneva anāpattiṃ sandhāya ‘‘visaṅketena gacchanti, anāpattī’’ti āha. Dvāravisaṅketena vā maggavisaṅketena vā āpattimokkho natthi. Tamatthaṃ dassento āha ‘‘purebhatta’’ntiādi. Cakkasamāruḷhāti iriyāpathacakkaṃ vā sakaṭacakkaṃ vā sammā āruḷhā. Janapadāti janakoṭṭhāsā. Pariyāyantīti pari punappunaṃ yanti ca āyanti cāti. Sattamaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 3. оваад̣̇аваг̇г̇о • 3. Ovādavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 7. сам̣вид̇хаанасигкаабад̣̇аван̣н̣анаа • 7. Saṃvidhānasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 7. сам̣вид̣̇аханасигкаабад̣̇аван̣н̣анаа • 7. Saṃvidahanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 7. сам̣вид̇хаанасигкаабад̣̇аван̣н̣анаа • 7. Saṃvidhānasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 7. сам̣вид̇хаанасигкаабад̣̇аван̣н̣анаа • 7. Saṃvidhānasikkhāpadavaṇṇanā
