| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
7. сам̣вид̇хаанасигкаабад̣̇аван̣н̣анаа
7. Saṃvidhānasikkhāpadavaṇṇanā
сам̣вид̣̇ахид̇ваад̇и ‘‘зхи, асугаг̇аамам̣ г̇ажчаамаа’’д̇и ваа ‘‘свз ахам̣ г̇ажчаами, д̇вамби ааг̇ажчзяяаасий’’д̇и ваа вад̇ваа. д̇ан̃жа ко сам̣вид̣̇аханам̣ ад̇т̇ад̇о сан̇гзд̇агамманд̇и ааха ‘‘г̇аманагаалз сан̇гзд̇ам̣ гад̇ваад̇и ад̇т̇о’’д̇и. агаббияабхуумияам̣ сам̣вид̣̇аханд̇ассаад̇и анд̇ог̇аамз, бхигкуниубассаяад̣̇ваарз, рат̇игааяа, ан̃н̃зсу ваа жад̇уггасин̇гхаадагахад̇т̇исаалаад̣̇ийсу тад̇ваа сам̣вид̣̇аханд̇асса. д̇знааха ‘‘д̇ад̇т̇а табзд̇ваа’’д̇иаад̣̇и. аасаннассаабийд̇и ажжаасаннассааби, рад̇анамад̇д̇анд̇арассаабийд̇и ад̇хиббааяо. ан̃н̃асса г̇аамассаад̇и яад̇о нигкамад̇и, д̇ад̇о ан̃н̃асса г̇аамасса. д̇ам̣ оггаманд̇ассаад̇и д̇ам̣ анд̇араг̇аамасса убажаарам̣ оггаманд̇асса. сажз д̣̇уурам̣ г̇анд̇угаамо ход̇и, г̇аамуубажаараг̇ан̣анааяа оггаманд̇з оггаманд̇з буриманаязнзва аабад̇д̇и. д̇знааха ‘‘ид̇и г̇аамуубажаароггаманаг̇ан̣анааяа баажид̇д̇ияааний’’д̇и. д̇асса д̇асса бана г̇аамасса ад̇иггаманз анаабад̇д̇и. г̇аамз асад̇ийд̇и ад̣̇д̇хаяож̇анаб̣бханд̇арз г̇аамз асад̇и. д̇асмим̣ бана г̇аамз сад̇и г̇ааманд̇араг̇ан̣анааязва баажид̇д̇ияаани. ад̣̇д̇хаяож̇анаг̇ан̣анааяа баажид̇д̇ияанд̇и ад̣̇д̇хаяож̇анз ад̣̇д̇хаяож̇анз баажид̇д̇ияам̣, згамзгам̣ ад̣̇д̇хаяож̇анам̣ ад̇иггаманд̇асса ‘‘ид̣̇аани ад̇иггамиссаамий’’д̇и батамабаад̣̇з д̣̇уггадам̣, д̣̇уд̇ияабаад̣̇з баажид̇д̇ияанд̇и ад̇т̇о. имасмин̃хи наяз ад̇иггаманз аабад̇д̇и, оггаманз анаабад̇д̇и.
Saṃvidahitvāti ‘‘ehi, asukagāmaṃ gacchāmā’’ti vā ‘‘sve ahaṃ gacchāmi, tvampi āgaccheyyāsī’’ti vā vatvā. Tañca kho saṃvidahanaṃ atthato saṅketakammanti āha ‘‘gamanakāle saṅketaṃ katvāti attho’’ti. Akappiyabhūmiyaṃ saṃvidahantassāti antogāme, bhikkhuniupassayadvāre, rathikāya, aññesu vā catukkasiṅghāṭakahatthisālādīsu ṭhatvā saṃvidahantassa. Tenāha ‘‘tattha ṭhapetvā’’tiādi. Āsannassāpīti accāsannassāpi, ratanamattantarassāpīti adhippāyo. Aññassa gāmassāti yato nikkhamati, tato aññassa gāmassa. Taṃ okkamantassāti taṃ antaragāmassa upacāraṃ okkamantassa. Sace dūraṃ gantukāmo hoti, gāmūpacāragaṇanāya okkamante okkamante purimanayeneva āpatti. Tenāha ‘‘iti gāmūpacārokkamanagaṇanāya pācittiyānī’’ti. Tassa tassa pana gāmassa atikkamane anāpatti. Gāme asatīti addhayojanabbhantare gāme asati. Tasmiṃ pana gāme sati gāmantaragaṇanāyeva pācittiyāni. Addhayojanagaṇanāya pācittiyanti addhayojane addhayojane pācittiyaṃ, ekamekaṃ addhayojanaṃ atikkamantassa ‘‘idāni atikkamissāmī’’ti paṭhamapāde dukkaṭaṃ, dutiyapāde pācittiyanti attho. Imasmiñhi naye atikkamane āpatti, okkamane anāpatti.
висан̇гзд̇знаад̇и (баажи. адта. 185) зд̇т̇а ‘‘бурзбхад̇д̇ам̣ г̇амиссаамаа’’д̇и вад̇ваа бажчаабхад̇д̇ам̣ г̇ажчанд̇и, ‘‘аж̇ж̇а ваа г̇амиссаамаа’’д̇и свз г̇ажчанд̇и, звам̣ гаалависан̇гзд̇зязва анаабад̇д̇и. д̣̇ваарависан̇гзд̇з, бана маг̇г̇ависан̇гзд̇з, ваа сад̇иби аабад̇д̇иязва. аабад̣̇аасууд̇и радтабхзд̣̇з жаггасамаарул̣хаа ж̇аанабад̣̇аа барияааяанд̇и, зваруубаасу аабад̣̇аасу анаабад̇д̇и. жаггасамаарул̣хаад̇и жа ирияаабат̇ажаггам̣ ваа сагадажаггам̣ ваа самаарул̣хаад̇и ад̇т̇о. маад̇уг̇аамасигкаабад̣̇знаад̇и (баажи. 413 аад̣̇аяо) саббаан̣агаваг̇г̇з сад̇д̇амасигкаабад̣̇зна.
Visaṅketenāti (pāci. aṭṭha. 185) ettha ‘‘purebhattaṃ gamissāmā’’ti vatvā pacchābhattaṃ gacchanti, ‘‘ajja vā gamissāmā’’ti sve gacchanti, evaṃ kālavisaṅketeyeva anāpatti. Dvāravisaṅkete, pana maggavisaṅkete, vā satipi āpattiyeva. Āpadāsūti raṭṭhabhede cakkasamāruḷhā jānapadā pariyāyanti, evarūpāsu āpadāsu anāpatti. Cakkasamāruḷhāti ca iriyāpathacakkaṃ vā sakaṭacakkaṃ vā samāruḷhāti attho. Mātugāmasikkhāpadenāti (pāci. 413 ādayo) sappāṇakavagge sattamasikkhāpadena.
сам̣вид̇хаанасигкаабад̣̇аван̣н̣анаа нидтид̇аа.
Saṃvidhānasikkhāpadavaṇṇanā niṭṭhitā.
